Izaía 48:8 - O Mikanda Ikola

⁸ Iene-phe eie kuaʼivua, kua ʼijiia, kana; né ngó o dítui dié ki dia jikukile luua, kuma nga kʼijiia kuila ueje kubhanga ufe, mukonda u muxibhaki, u mutondadi, tundié mu mala.

Izaía 48:8 ပူးပေါင်းရင်းမြစ်များ

Jisálamu 40:6

Kusata mienhu, ni kubhakula idima, eie ki kuene kua ku uabhela, kana; maji, bhenhobho ua ngi xitununa o mátui; sata ia kuoha, ni ia kuluulula, ki iene i ua ngi bhingi.

Jisálamu 51:5

Tala-ze, eme a ngi vualela mu lusebu; mu ituxi kiá mua ngʼimitina mamʼetu.

Jisálamu 58:3

Mukonda akua kubhuma, a dianguka tunde mu mala; a zubha ngó ku a vuala, njila a i xi kiá a kuata kiá kutanga o makutu.

Izaía 21:2

Kisunji kiaiibha kia ngi londekeza; mukua-ufe u bhanga o ufe uene, o mubuikixi uenda ni ku buikisa; banda, eie Elame, konda kuene kuoso, eie Mediia, kuma mikemu iê nga i bhuisaku kiá.

Izaía 26:11

Jihova, tata! Sumbala lukuaku lué lua zangalala muene, maji ene hanji a tokoka ku lu mona! Maji-phe, a kà lu mona anga adiuana, mukonda dia muanu u ua kuatela o mundu ué; o túbhia-phe hádia tua kà buikisa o jinguma jé.

Izaía 33:1

Kokolo diê u mubhundi, sumbala ene ka ku bhundu, athu ka ku bhange ufe, eie u a bhanga ufe! Kioso-phe ki u zubha kubhunda akuenu, eie ue a-nda ku ku bhunda; kioso ki u zubha kubhanga ufe ku akuenu, eie ue bhu kala o ku ku bhanga ufe uene.

Izaía 42:25

Kiene kia bhangesa Jihova ku a lunduluila o kutema kua njinda iê, ni kusuina kua ita, iu ua a te mukonda ua milengo mu jimbandu; maji hanji-phe a ẋinukʼâ; iu ua a oha-phe, maji ene-phe ki kia a kuatela kima, a lémbua ku ki ta o muẋima.

Izaía 46:8

Kienhiki xinganekenu-kiu kiambote, mu sunge kilunji, lundenu-kiu ku muẋima, enu mu atondadi.

Izaía 47:11

Mukonda dia kienhiki, ua-nda kubhita ni uíndua, o ku u tunda kua-nda kuijiia-ku, kibuika kia-nda ku ku iza ku thandu, kua kà tena ku ki lenga; mukonda o kingùmba kia-nda ku ku tumikisa, ki ku xitisa mu thulu, kua-nda kutena ku kʼijiia.

Izaía 48:4

Mbata eme nga kʼijidile kuamba eie u ndaxi, ua thathamana o xingu kala muxibha ua felu, o dibhomo dié mukua ni dia ngôndo.

Izaía 48:7

Iòbhange kindala, ki ia xiahulu kana, eie-phe lelu ngó ua ivu, phala ku ile uixi: Tala, eme nga i ijiia kiá okulu.

Izaía 50:5

Jihova Nzambi ua ngi xitununa mátui, eme ki nga ẋinuka; ki ngi xikina kuvutuka ku dima.

Izaía 57:4

Mukuahi muene mua mu nangena? Nanhi mua mu mu bhanena mu kanu, ni ku mu tundixila o dimi ku kanga kiokio? manhi kʼenu-enu mu anʼa ituxi, mu mbutu ia mangonha?

Jelemiia 3:20

Mukuâ ni phèke-phèke ia muhatu u di-ambudisa ni munumʼiê, kiene ue ki ua di-bhange uphèke-phèke phalʼeme, eie u dibhata dia Izalaiele, Jihova ua ki tange.

Jelemiia 5:11

Mbata dibhata dia Izalaiele ni dibhata dia Juda a ngi kitukila ni ufumbe uavulu, Jihova ua ki tange.

Jelemiia 5:21

Kindala ivenu-kiu-ze, enu mu mundu ua tekuka, mua kamba o muẋima, muedi mesu muala-nâ, maji mu tokoka o kumona, o matui mualanâ, maji mu tokoka o kuívua.

Jelemiia 6:10

Enu mala, mukuahi ngi mu tela maka hé ngi mu bhela umbangi, nʼevue? Talesa, kuma ene ala ni mátui a musununu a lémbua kuivua; tala-phe, kuma o maka ma Jihova, phala ene, kima kia jisonhi; ka ma uabhela.

Hozeia 5:7

Kuma Jihova a mu bhange mangonha, mbata a vuala anʼa jiphànda; mu kindalʼu-mu, ki moneka mbeji, a kà buika ni ima ioso iala na-iu.

Hozeia 6:7

Maji ene o kikutu a ki matuka, kala kia bhange Adá; ia a ngi balukila, ni ku ngi bhanga phulu.

Hozeia 7:9

Akuaʼxi jengi a mu di jinguzu jê, o muene-phe ka kiʼjiia; muene ue uedi kiá kukululu ni jimvi, maji muenephe ua lémbua ku ki ijiia ngó.

Malakiia 2:11

Juda, mu kukamba kukala fiiele, ua bhekela kubhanga ufusa mu Izalaiele ni mu Jeluzaleme; mbata Juda, muthu ua zola Nzambi, kukola kua Nzambi ua ku sekalesa mu kusakana ni muhatu, mona ua mu bheza nzambi iengi.

Efezo 2:3

Ni kidi-phe, etu ene oso muene mu tua nhunganena jinga mu jihanji ja xitu, ni kubhanga o jivondadi ja xitu ni ja muẋima. Mu kieniiki o kikexilu kietu ki kala kia anʼ a njinda, mu kutambula o kaxtiku ka Nzambi, mukuâ ni athu ene oso.

Matendelelu 31:16

Jihova iú uambela Mozé, uixi: Talesa-ze, eie ua-nda kuia kiá ku kilu ku àia jitata jé; o kifuẋi kiki kia-nda kufundumuka mu kubhanga lubhandu lua jinzambi jengi, ja akua-jixi, kua-nda ku di telʼuku; eme a-nda ku ngi xa, o Kikutu ki nga tele-nâ a-nda ku ki bula.

Matendelelu 31:18

Né kienhókio, Eme-phe mu kizuuʼomo o pholo iami nga kà i sueka hanji muene, mukonda dia ituxi ioso ia-nda kubhanga ene mukonda dia kualukila kiá jinzambi jengi.