Izaía 48:5 - O Mikanda Ikola

⁵ Kiene ima iii ki nga ku tudila na-iu tundé mu thembuʼomo; kioso kiluua i bhita, eme-phe nga ku ivisa-iu kiá, phala ku ile, uixi: O dilemba diami diene dia bhange ima ienhiʼii, mba o kiteka ki nga songesa, mba mukixi (o mukôko) u nga zunza, uene ua i tumikisa.

Izaía 48:5 ပူးပေါင်းရင်းမြစ်များ

Izaía 43:19

Talesenu, nga-nda kubhanga kiá kima kiobhe, kia-nda ku di-monekena muene; mbe ki mua-nda ku kʼijiienunu? nga-nda kujikula njila mu kikangalakata, ngi ta jingiji mu dinhana.

Izaía 44:7

Mukuahi ua soko ni eme mu kuixana, ni ku dianga o ku lumbolola kiki, anga ima u i ta mu ididi iê, kioso ki ia tokala kubhita, bhu pholo iami, tundé ki nga bhange o muiji ua diangele-ku? Muenhó a tange ima ia hádia, ni ima ioso ia kéza-ku.

Izaía 44:8

Ki mu bhuuame, ki mu kale ni uoma; manhi tundé ku dimatekenu ki nga mʼivisa-kiu kiá, ki nga mi tangela-kiu? mbata enu muala mu jimbangi jami.

Izaía 45:20

Di-phophienu nda muize; ejilenu bhuamoxi enu oso mua bhulaka ku ifuẋi; kʼeji kima oso akua kuambata o iteka ia kuseta ia mixi, anga a samba ni kudionda ku nzambi ki i tena kubhulula muthu.

Izaía 46:10

ngi mukua kutanga o dizubhilu tundé kiá bhu dimatekenu, tundé mu xiahulu muná ngi tanga ima kiluua iiza-ku; ngixi: Phangu iami inangenena, ngenda ni kubhanga vondadi iami ioso;

Izaía 48:3

O ima ioso ia diangele-ku, tundé mu xiahulu, nga mi tudila-iu kiá; kiene muene, ia tundile mu kanu diami, eme nga mʼivisa-iu; nga lenguluka ni ku i bhanga ii ia bhiti.

Luka 1:70

kala kia zuela mu kanu dia jipolofeta jê tunde xahulu—

Jipoxolo 15:18

eme ngi Ngana, nga tumu kuijidisa imʼ iii tunde mʼ okulu.