Izaía 48:4 - O Mikanda Ikola

⁴ Mbata eme nga kʼijidile kuamba eie u ndaxi, ua thathamana o xingu kala muxibha ua felu, o dibhomo dié mukua ni dia ngôndo.

Izaía 48:4 ပူးပေါင်းရင်းမြစ်များ

II Jisobha 17:14

Maji ene-phe nguaʼiê kubhana mátui; inda a ngangamanesa o jixingu jâ kala kia ngangamana jinga o jixingu ja jitata jâ, a kambele o kuxikana kua Jihova, Nzambi iâ.

II Malunda 30:8

o kiki-phe kana ku tundisa kakunda kenu, kala o jitata jenu; tolokenu kua Jihova, muize bhu kididi kiê kikôla, kia kolesa muene katé ku hádia, nda mu bhikile Jihova, Nzambi ienu, phala o kutêma kua njinda iê ki ku mi tule enu.

II Malunda 36:13

O kia di te-ku dingi, ua bhukumukina sobha Nabukodonozolo, ua mu lokesele kua Nzambi; maji ua thathamana o xingu iê; anga muẋima uê u huka kinéne katé ua lémbua o kudiela phala kulungulukila kua Jihova, Nzambi ia Izalaiele.

Nehemiia 9:28

Ela-phe, a nhoha-ku, a tonʼâ dingi o kubhanga kiaiibha bhu pholo ié; eie anga u a ehelela dingi bhu maku ma jinguma jâ, nda a a bhikise; ene-phe ki a diela, ni kudikola ko kué, eie u a evua tunde ku diulu, o mukonda dia henda ié, luavulu muene lu ua a kudila.

Jisálamu 75:5

Kana kubhetuka o lumbinga lué; kana kubhetula pholo kua Suke-ku ni izala; kana kuzuela ima kua Nzambi ni xingu ia thathamana.

Jisálamu 78:8

Ka soke dingi ni jitata jâ, muiji ua thathamana, ua xibhaka, muiji ua bhengalala o mixima, ku di tuma ni Nzambi a ki tokoka.

Makatukilu 32:9

Jihova anga u ambela dingi Mozé, uixi: Mundu iú nga u mono kiá, ua thathamana jixingu.

Makatukilu 33:3

bandenu-phe muie mu ixi i kunguluka lete ni uiki; maji eme-muène-phe ki ngende dingi muʼaxaxi kenu, kuma enu muala mu mundu ua thathamana jixingu, sumba ngi mi buidisila mu njila.

Makatukilu 33:5

Jihova anga u ambela Mozé, uixi: Ambela anʼa Izalaiele, kuma: Mu mundu ua ngangamana jixingu; eme se ngenda dingi muʼaxaxe kenu, né bhuófele ngó, ngi mi buidisa muene; zulenu-phe makembu menu, phala ngi mone kioso ki ngi mi bhanga.

Makatukilu 9:7

Falaó anga u tuma kutala ku ibhaku ia anʼa Izalaiele, u sanga kidi muene ni kibhaku kimoxi ngó ki kiafu-ku. Maji o muxima ua Falaó-phe ua thathamana, o mundu nguê ku u eha.

Jisabhu 29:1

O muthu uila: Lelu a mu bazela, mungu, a mu bazela, sè kueha o njila iê, maji u kolesa o muẋma uê, hinu u tukumuka a mu jimi o mbutu, sè ngó bhua bhulakela.

Izaía 30:9

Mukonda athu iâ kuhuka kuvula, ni makutu ana iá, ana a di tunu kuívua o ngonge ia Jihova.

Izaía 46:12

Ngivienu, enu mua kola o muẋima, enu o kuiuka kua mi kala dikanga.

Jelemiia 19:15

Jihova dia Ilombo leta, Nzambi ia Izalaiele, uambe kiki: Tala-ze, mbanza iii ni jimbonge jê joso nga-nda ku a bhekela o hadi ioso muene i nga a kanenʼoio, kuma a hinanesa o jixingu jâ phala a lémbue kuívua o maka mami.

Jelemiia 3:3

Kiene kia bhangesa ku katula-ku o mvula, kasamanu ki ka noko-ku dingi, maji eie-phe ua kununuka o pholo kala kidia-nzunga, ngué ku kala ni sonhi.

Jelemiia 5:3

Jihova tata, mesu mé ma kamba kutonginina o kidi? O ki ua a betʼokio, ene ki kia a kate: eie ua a huha kiua, maji ene nguauâ kutoloka ni kutambula mulongi: jipholo jâ a ji kolesa muene ditadi ndenge, a ditunu kuvutuka.

Jelemiia 7:26

Maji ene nguâ ku ngi bhana mátui, mba kubheteka o mátui, maji o jixingu jâ a ji hinanesa, ima ia bhange ia beta kuzangiua o ia bhangele jitata jâ ndenge.

Izekiiele 2:4

O anʼâ a thathamana jipholo, ia a huku miẋima; eme-phe ngi ku tuma kua ene, ua ambela kiki: O Jihova, Nzambi, uambe kiki:

Daniiele 5:20

Maji kioso kia mu nanuka muẋima uê, kilunji anga ki mu xixila ni ukumbu, a mu lundumuna bhu kiandu kia ungana uê, kijingo iá a mu tambula-kiu.

Jipoxolo 7:51

Mu kuzumbuka Xitevá, uixi: Enu mua thathamena-hi kiosuʼiki, tata! Mua kolela-hi kinéne o muẋima, matui a mi xiluka, mua lémbua kuivua o maka ma Nzambi! Enu izuua ioso mua di bhange kala o jitata jenu, nuka mu kamba kuẋinukina o Nzumbi Ikôla!

Loma 2:5

Maji eie-phe mu kukola kuê kua muẋima ni kuxibhaka, mu kubhanga kiki, eie ua kuata ku di lundila dingi njinda katé bhu kizuua kia njinda, kia kà tukuluka o kufundisa kualuka kua Nzambi.

Matendelelu 10:16

Saienu-phe o mabôlo ma miẋima ienu, phala ki mu kale dingi muʼathu mua bhukumuka ilunji.

Matendelelu 31:27

Kuma eme o kubhukumuka kuenu nga ku ijiia, ni kuhinana o jixingu ku muene na-ku. Tala, sumbala eme hanji ni muenhu muʼaxaxi kenu, mua zoka, mua zoka kiá ni Jihova; kuambe dingi se ngafu-ami kiá!

Jihebeleu 3:13

Di suinisienu-phe mudienu izuua ioso, kioso o kizuelu kia kuila lelu, ki ambe o Mikanda Ikôla, hanji kia tu tokala etu. Bhangenu kienʼ iki phala kana muthu a mu bhomba kuala o ituxi nʼ a kole muẋima.