Izaía 48:3 - O Mikanda Ikola

³ O ima ioso ia diangele-ku, tundé mu xiahulu, nga mi tudila-iu kiá; kiene muene, ia tundile mu kanu diami, eme nga mʼivisa-iu; nga lenguluka ni ku i bhanga ii ia bhiti.

Izaía 48:3 ပူးပေါင်းရင်းမြစ်များ

Izaía 29:5

O jinguma jé ja-nda kukala nzungule kala fufuta, o isuéia ia-nda ku ku vula kala mvindu ia ibhiate isomboka, kindala u tukumuka kia ku iza.

Izaía 30:13

Kala kiki, o phulu ia kà mi zenzamena mukuâ ni kipena kia lumbu kia zendalala, kia bhana kiá mulumba, o mu ku lundumuka kia kà mi tukumuisa.

Izaía 37:29

Mukonda-phe dia njinda i ua ngi kuatela eme, mukonda ue o izala ié ia ngi bhixila ku mátui, tala-phe, nga-nda ku ku ta nzolo mu mazulu, anga ngi ku ta o freio iami mu kanu, hé ngi ku vutukisa mu njila mu uejiia.

Izaía 37:7

Talesa, nganda ku bokuesa nzumbi momuê-muène, muene ua kʼevua kinuminu anga u alukila kʼoxi iê; eme-phe nga-nda ku mu jibhixila mʼoxi iê-muene ku xibhata.

Izaía 41:22

Ndokuenu, zenu mu tu kundile ima ioso ia-nda kuiza-ku; tu kundidienu ioso ima ia kexe-ku mu thembu jokulu, nda tu i tongolole, tu ʼijiie o disukelu diê; mba-phe tu ivisienu o ima ia hádia.

Izaía 41:27

Eme, eme-muène ngi dianga kutangela Ziione kuila: Talesa, iá bhaná; O Jeluzaleme ngi mu bhana mubokiʼa jinjimbu jambote.

Izaía 42:9

Talesenu o ima iòtange mʼokulu ia bhiti; ngi mi tangela kiá ima ia ubhe, ngi mʼivise-iu kiá kiosuʼiki kiluua i tomboka ku mukengeji.

Izaía 43:9

Ifuẋi ioso iòngame bhuamoxi, jipovo ji di-phophe; mukuahi mudiâ u tena ku tu tangela kiki, nʼa tu ivisa ima ia xiahulu? a tuie-bhu jimbangi jê, phala mundu a kʼivue, nda a ki xikine kuila, kidi kiene.

Izaía 45:21

Kundenu-kiu, Zukamenu, tenu kaiula mudienu, mukuahi ua tenene kuivisa kiki tundé mu xiahulu? Nanhi ua ki ambe tundé ku xiahulu? Abha ki eme-muène Jihova? Ki bhuala ue Nzambi iengi, eme-muène ngó; Nzambi u kala ni muanu ua ku kumbidila, u di-bhanga kibhamuenhu, ka moneka, kale eme ngó.

Josuué 21:45

Maka moso muene ma mbote ma zuelele Jihova ku dibhata dia Izalaiele, ki kua sonoka kima, kana; ioso muene ua i kumbidila.