Izaía 48:20 - O Mikanda Ikola

²⁰ Tundenu mu Babilonha, muʼaxaxi ka akua Kaldeia lengenu-mu. Kolenu-kiu ni nzôngo ia kikóue; kiki ivisenu-kiu, mu ki ambate muene katé kua suku oxi, muexi: Jihova ua kula selevende iê Jakobo.

Izaía 48:20 ပူးပေါင်းရင်းမြစ်များ

II Samuuele 7:23

Mundu uahi ue mu ngongʼumu u soka ni mundu ué ua Izalaiele, ene ngó ubheka uâ ku mundu, a bhingi Nzambi iâ uia ni ku a kudila, ni ku a bhangesa kukala mundu uê uangene, muene, nʼa di bhangela dijina, nʼa mi bhangela ue ima iónene, ni ima i kuatesa uoma mʼoxi ienu, bhu pholo ia mundu ué katé ki ua a kula mu Ijito ku akuaʼxi iengi ni ku nzambi jâ, hé u a bheka dingi ku mukutu uê.

Ejidala 2:1

Iá ene anʼa akuaʼxi, a bande mu ku tunda ku ubhika, kua iá a ambatele ku ixi iengi kuala Nabokodonozolo, sobha ia Babilónia, kiʼai-nâ kuenhoko, ku Babilónia, ia a vutukila mu Jeluzaleme ni mua Juda, muthu mu sanzala iê, muthu mu sanzala iê.

Jisálamu 126:1

Kizuua kia bheka dingi Jihova athuʼê ku Ziione, a tundu mu ku a balakala, tuedile kala tua mu kuanjiua nzoji.

Izaía 12:1

Mu kizuua kiná, eie ua kà kumbulula, kuamba: Jihova, nga ku sakidila, tata, mukonda, sumbala ua ngi kuatelele njinda, leluʼidi njinda ié iabhu, uala kiá ku ngi konda malamba.

Izaía 12:4

Bhu kizuua kieneʼokio, mua kèla: Sakidilenu Jihova, diondenu mu dijina diê, tangenu muʼaxaxi ka mundu ikalakalu ia maku mê, tangenu-kiu muene kuma dijina diê kujinga kuahi!

Izaía 24:14

Iá a-nda kuzangula dízui diâ, anga emba ni ngalasa; a-nda kuta nzôngo, tunde ku musanza, mukonda dia fuma ia Jihova.

Izaía 26:1

Mu kizuuʼokio mʼoxi ia Juda à kala mu kuimba mukumbi iú exi: Tuala ni mbanza ia di-fikidila! Nzambi ua i bhana ubhulukilu, ua di bhange malumbu ni imbaka!

Izaía 42:10

Imbilenu Jihova mukumbi uobhe, o diximanu diê diende muene ni ku tokomoka tundé kua suku oxi; teketenu enu ue mua mu kuendela ku thanduʼa kalunga mu jinaviiu ni ima ioso iene-mu, nʼenu ue mu ikolo ni oso a tunga-mu.

Izaía 43:1

Kiki, kia zuela Jihova ua ku bhanga, eie Jakobo, tata, iu ua ku umbu, eie u Izalaiele, uexi: Ku kale ni uoma, mbata nga ku kula muene; nga ku tumbula muene mu dijina, eie u muthu uami.

Izaía 44:22

Ikuma ié ngi i jimuna kala mbundu, o ituxi ié ngi i bhuisa-ku kala dituta: Vutuka kokuami, mbata eme nga ku kula kiá.

Izaía 48:6

Ua kʼivua jinga kiá; tonginina ima ioso ienhiʼii kiambote; abha-phe, imʼei ki mua i kundila-hi? Tundé ue kindala, ngandeka-phe kiá ku ku ivisa, ima ii ki mu i kundila-hi? Tunde ue kindala, ngandeka-phe kiá ku ku ivisa.

Izaía 49:13

Imbenu, mu maúlu, eie ue u ixi, sanguluka; enu mu milundu tenu nzôngo ia kutana, kuma Jihova lelu ua tululula o povo iê, jihukunhu jê ua ji lendukila.

Izaía 49:6

Muene uambe dingi: O kukala ngó u selevende iami, phala kubhangulula ibuka ia Jakobo, ni ku ngi bhekela dingi o masubhu ma Izalaiele, ki kia soko; maji nga ku xikika, nʼu kale u Mukengeji ua akua-matumbu; ua a bhekela kubhuluka, katé ku maẋokololo aʼxi.

Izaía 51:14

O hutile uoso a mu balakala-phe ka nangʼiê kujituka, ka kà fuila mu kaleia, lémbua; o kúdia kuê ki kuà kamba.

Izaía 52:10

Jihova ua funha lukuaku luê lu kôla bhu pholo ia ifuẋi ioso; o maẋokololo moso maʼxi ma-ndu mona ubhulukilu ua tundu kua Nzambi ietu.

Izaía 52:11

Tundenu-ku, tudenu-ku, sondolokenu-bhu, kana kubabata kima kia ufusa; tundenu muʼaxaxi kâ, di-zelesienu enu oso muambata ingolongondo ia Jihova.

Izaía 52:9

Uenu bulukutu ni kuimba, tumbujukenu bhuamoxi, enu mu jingùndu ja Jeluzaleme; mbata Jihova ua kondo malamba ku povo iê; iu ua kula Jeluzaleme.

Izaía 62:11

Talesa, Jihova ua ki kola muene katé ku maẋokololo maʼxi, uixi: Kilumba monʼa Ziione mu ambelienu, muixi: Talesa, ubhulukilu ué iu uiza; tala, ni futu iê uiza na-iu, ni kikalakalu kiê kia mu tuamenena.

Izaía 63:9

Mu lamba diâ dioso ni muene uevile dilamba, anga mukunji uene bhu pholo iê u a bhulula; mukonda dia henda iêmuène ni kulenduka kuê, muene ua a bhulula; iu ua a tambula, iu u a endesa jinga kienhiki mu izuua ioso ia xahúlu.

Jelemiia 31:10

Ivuenu kizuelu kia Jihova, enu mu miji iʼathu, mu ki tangele ku ikolo ia takuka ku makanga, muexi: Ió ua tena kumuanga Izalaiele, ua-nda ku muʼongeka dingi hé u mu langa kala mubidi kia langa kilunga kiê kia jimbudi.

Jelemiia 31:11

Mukonda Jihova ua kula Jakobo, iú ua mu bhulula bhu lukuaku lua iú ua mu tundu mu kusuina.

Jelemiia 31:21

Uixi: Eʼmuene di tele imaku, di kubile eʼmuene jiphiladi, u te muẋima ué mu hoka, mu njila mu uende; vutuka, eʼmuzeletete ua Izalaiele, vutuka mumu, mu jimbanza jé.

Jelemiia 50:2

Tangenu-kiu mu kaxi ka akua jixi. Ambenu-kiu a kʼivue, lekenu muene o mvela ambenu-kiu a kʼivue, kana ku ki sueka, kuila: Babilonha a mu tolola kiá, Bele ua tandanganha, Melodake a mu bhiti ku thandu, o iteka iâ sonhi ja a kuata, jinzambi jâ ja dibhale bhoxi.

Jelemiia 50:28

Dienhidi diene o dízui dia iá a lenge, ia a bhulaka mu ixi ia Babilonha, mbé nʼa di jimbule mu Ziione o phonzo ia Jihova, Nzambi ietu, o phonzo ia Tembulu iê.

Jelemiia 50:8

Mu kaxi ka Babilonha lengenu-mu, mu tunde mu ixi ia jikaldeu; muile kala ilumbe ia jimbudi bhu pholo ia kilunga.

Jelemiia 51:45

Enu mu mundu uami, mu kaxi ka Babilonha tundenu-mu, muthu ni muthu a bhulule o muenhu uê, mukonda dia kiaúla kia njinda ia Jihova.

Jelemiia 51:48

Ni diulu ni ixi, ni ioso iala na-iu, ia kà tana mu ku mona Babilonha; mukonda ku suku kuene kua-nda ku muʼijila oso a-nda ku mu muangamuanga, Jihova ua ki tange.

Jelemiia 51:6

Mu kaxi ka Babilonha lengenu-mu! O muthu ni muthu a bhulule muenhu uê. Ki mu di jikinise anuʼenu mu ku ibha kuêmuène; mukonda o kiki kiene o kithangana kia phonzo ia Jihova; Muene hádia u mu bhana kioso kia mu fuama.

Zakadiia 10:8

Eme nga kà exana ni supiia, nga kà a bhongolola kuma eme nga a kula kiá; anga a kà di sokolola dingi kala kia di sokoluele mu ukulu.

Zakadiia 2:10

Imba! Sanguluka, eie u monʼa kilumba kià Ziione! Kuma, tala, eme ngiza, nga-nda kutunga mu kaxi kê, kiene kiambe Jihova.

Matendelelu 30:4

Né-mbe hanji o jihutile jé a a balakala, a kala katé kua suku o diuluʼoko, Jihova Nzambi ié kuenhoko ua kà a bhongolola muene anga ua kà a katula-ku;

Dijingunuinu 18:20

Eie u diulu, mu olele, mukonda dia kusenguluka kuê! Ni enu oso mu akua-Ngana, mu jipoxolo, mu jipolofeta, mu oledienu! Sangulukenu, kuma Nzambi ua batula! Mu ioso ia mi bhange, ua mi bhela-nê kaxtiku!

Dijingunuinu 18:4

Anga ngʼivua dízui dia mukuá ku diulu, dixi: Tundenu moxi dia mbanza íii, enu mu mundu uami! Tundenu-mu! Kana ku di lunga-nê mu ituxi iê, phala ki mu tambule mbandu ku mabhebhu mê!