Izaía 48:19 - O Mikanda Ikola

¹⁹ Katé ni mbutu ié ue, ieje kuila kala kisèkele; o oso a tunda mu vumu dié, ela kala jimbundu ja museke; o dijina diâ ki dieje ku batuka mba kujimuka ku mesu mami, lémbua.

Izaía 48:19 ပူးပေါင်းရင်းမြစ်များ

Dimatekenu 13:16

Mbutu ié nga kà i sokolola mukuâ ni fufutila ia mavu, i bhinga se muthu u tena kualula o fufuta ia mavu, ni mbutu ié-eie ua kà i alula ue.

Dimatekenu 22:17

Nga-nda ku ku zediuisa kiavulu muene, ngi ku sokolola kinéne-nene, mbutu ié i vula kala jithéthembua ku diulu, mukuâ ni museke bhu mbandu ia kalunga; mbutu ié i tambula mielu ia jinguma jâ;

I Jisobha 9:7

bhenhobho Izalaiele nga kà mu buidisa mu ixi i nga a bhana; anga o inzo iii i nga kôlesela dijina diami, nga kà i takula dikanga, o bhu pholo iami i tunda-bhu; anga Izalaiele ua kà xala mukuâ ni Sabhu, ua kà di bhanga môndo muʼaxaxi ka madiembu oso.

Jobe 5:25

Anga ua kà kʼijiia ue kuila, o mbutu ié ia kà sokoloka muene, o muiji ué ua kà di bhanga kala iangu ia mukáu mu ngongo.

Jisálamu 109:13

Muiji uê u batuke muene, ubhue-ku; ku mona ni ku mulaula a a jimune o majina mu ingo ia vumu.

Jisálamu 9:5

Matumbu eie ua a bazela, akua phulu ua a buikisa; dijina diâ ua di jimuna kulu dia mundu katé ku hádia ni hádia.

Izaía 10:22

Mbata, eie Izalaiele, o mundu ué né-mbe u vula kala kisekele kia kalunga, tumbalumbalu ngó tua kà biluka mu kudiela, kuma kibuika a ki xindi kiá, kiezala, kia ẋamuka ni kubatula mu kidi.

Izaía 14:22

Kuma eme, ngi Jihova dia Ilômbo Ieta, nga kà a balumukina, anga ngʼa mona bhu-aia; o ki ngi tula mu Babilonha, nga kèla, dijina dia Babilonha nga di tukula bhoxi, ni masubhu, ni mona, ni mulaula, buíi, eme Jihova nga kiʼambe.

Izaía 44:3

Mbata o uala ni dinhota nga-nda ku mu lunduluila menha, o mukáu uakukuta nga-nda ku u fuafuesa jingiji? nga-nda ku lundulula Nzumbi iami ku thanduʼa mbutu ié, luvualu lué ngi lu tuluila kubhanduluka.

Izaía 44:4

Anga a fuafuela mu isasa kala misalakelu ku mbanduʼa jihonga ja menha.

Izaía 48:9

Mukonda-phe dia dijina diami, o njinda iami nga-nda ku i kokolokesa, mukonda dia diximanu diami, nga-nda ku ku lendukila, phala ki ngize mu ku ku katula.

Izaía 54:3

Mbata eie ua-nda kusokoloka ni ku kadilu ni ku kiasu; mbutu ié ia-nda kúvua akua-jixi, ilombo ia kexe jingùndu ene a-nda ku i tunga dingi.

Izaía 56:5

Eme ue mʼonzo iami ni mu malumbu mami nga kà a bhana-mu kididi, ni dijina dia tundu o dijina dia ana a mala ni anʼa ahatu; dijina dinanga, diene di ngʼa bhana kala muthu mudiâ; o dienhidi ki dia kà bhua-ku dingi.

Izaía 66:22

Kuma, mukuâ ni maúlu mobhe, ni oxi iobhe, i nga-nda kuiudika, a xalela bhu pholo iami, eme ngi Jihova, kiene ue kia kà xalela o mbutu ienu ni dijina dienu.

Izaía 9:14

Kienhiki Jihova ua-nda kubatula Izalaiele o mútue ni mbunda, ni luthangu ni lumbamba, mu kizuua kimoxi kiene.

Jelemiia 33:22

Kala kiene kulémbua o kutanga kifuxi kioso kia diulu, ni kisekele ku ndundu ia kalunga, a lémbua ku kizonga, kiene ue ki nga-nda kusokolola o luvualu lua Davidi mubhikʼami ni jilevita ala ni ukunji bhu pholo iami.

Hozeia 1:10

Hanji-phe, né kienhokio, o nzungule ia anʼa Izalaiele ia-nda kuvula muene mukuâ ni kisékele kia kalunga, ki ki xikina ku ki zonga mba ku ki kondala; o ku pholo ku aia, anga kia ká bhita kuila, bhuoso bhu a ambela, exi; Enu ki mu mundu uami, kana, bhenhobho bhene bhu a kà exana, exi: Enu mu anʼa Nzambi ia muenhu.

Sofoniia 1:4

Nga kà sunununa lukuaku luami kua Juda mu kuzoka-nê, ni kua ene-oso a tungu mu Jeluzaleme, anga ngi zubha kujikinisa mu kididi kiki ió oso a subhuka kua Baale, ni dijina dia akua kubhakuila iteka ni jinganga jâ;

Loma 9:27

Ni Izaia ue ua zuela ku mbandu ia Izalaiele, uixi: Né-mbe o mundu ua anʼ a Izalaiele u vula kala kisekele bhu mbanduʼ a kalunga, tumbalu-mbalu tuâ, tuene ngó tua kà bhuluka.

Matendelelu 9:14

Ngʼambule ngʼa buikise, phala o dijina diâ ngi di jimune, bhoxʼa diulu dibhue-bhu; Eie-phe ngi ku bhange u muiji uabeta kusuína ni kuvula, o iú ndenge.

Josuué 7:9

Mukonda akua Kanana, ni akuaʼxi oso, kia-nda ku kʼivua, a-nda ku tu konda, anga a tu batula dijina dietu mu ngongo. Eie-phe Ngana, o dijina dié diajingi, dia dikota, ua-nda ku di bhanga kiebhi?

Lute 4:10

Ni Lute mukua Mouabhe, mukaji a Mahalone, nga mu lembe lelu kukala mukaji ami, phala ngi xalese dijina dia difundu mu undundu uê, phala dijina dia difundu ki di bhue-mu ni di jime mu jindandu jê, ni bhu kanga dia dibhata diê. Enu-phe mu jimbangi kizuua kia lelu.