Izaía 48:14 - O Mikanda Ikola

¹⁴ Bhongolokenu enu-oso, mu ivue: Mukuahi mudiâ uene mu kunda o ima iii? Ió Jihova ua mu zola, muene ua-nda ku kumbidila o vondadi ia muene, bhu kaẋi ni Babilonha, lukuaku luê lu balukile akua Kaldeia.

Izaía 48:14 ပူးပေါင်းရင်းမြစ်များ

Dimatekenu 49:1

Jakobo anga uixana anʼê, uixi: Bhongolokenu, ngi mi tangele ima ioso ia kà mi bhita mu izuua ia hádia.

Dimatekenu 49:2

Bhongolokenu, muivue, enu mu anʼa Jakobo; bhanenu mátui kua Izalaiele, tatʼenu.

Izaía 13:19

Babilonha, o makembu ma akua jixi, muene o fuma ni izala ia akua Kaldeia, ua kèza bhua Sodoma ni Ngomola, kioso Nzambi kia a sengulula.

Izaía 21:9

Talenu! Kindala kù kuiza kifuxi kia mala, ni iá a mondala, ala kuiza ku kiiadi-kiiadi. Muene-phe ua kumbulula, uixi: Babilonha ia jimi, ia senguluka muene! Ni iteka ioso ia kusonga, ia jinzambi jê, ia di-vundu bhoxi ii ia bukujuka.

Izaía 41:22

Ndokuenu, zenu mu tu kundile ima ioso ia-nda kuiza-ku; tu kundidienu ioso ima ia kexe-ku mu thembu jokulu, nda tu i tongolole, tu ʼijiie o disukelu diê; mba-phe tu ivisienu o ima ia hádia.

Izaía 43:9

Ifuẋi ioso iòngame bhuamoxi, jipovo ji di-phophe; mukuahi mudiâ u tena ku tu tangela kiki, nʼa tu ivisa ima ia xiahulu? a tuie-bhu jimbangi jê, phala mundu a kʼivue, nda a ki xikine kuila, kidi kiene.

Izaía 44:28

Anga ngi tanga Silu kuila: Muenhó kabhila kami, muene ua kà kumbidila o vondadi iami ioso ia ngi uabhela; ngambela ue Jeluzaleme ngixi: Tunga-soma; o Tembulu, ue, ngixi: Tunga dingi o madisesa mé!

Izaía 44:7

Mukuahi ua soko ni eme mu kuixana, ni ku dianga o ku lumbolola kiki, anga ima u i ta mu ididi iê, kioso ki ia tokala kubhita, bhu pholo iami, tundé ki nga bhange o muiji ua diangele-ku? Muenhó a tange ima ia hádia, ni ima ioso ia kéza-ku.

Izaía 45:13

Silu eme nga mu balumuna phala ku kalakala-nê ima ia fuamena mu uiukilu, njila jê joso nga kà ji iukisa; muuene ua kà tunga mbanza iami, ua kà jituna jihutile jami, sé futu, sé mibhaku, kiene kia tange Jihova dia ifuẋi.

Jelemiia 50:44

Talesa, umoxi uila kala hoji, uanda kubanda ni hungulule ia Njolodá, uendela dibhata dia dizonda, maji muʼanzanzʼumu nga-nda ku mu kaiesa-bhu; uoso nga mu solo eme muene ngi mu ta-bhu mu kuzoka-nê; mbata nanhi ua di fu nʼEme? Nanhi muene u ngʼixana eme mu kufunda? Nanhi muene o mubidi u tena kuimana bhu pholo iami?

Marku 10:21

Jezú ua muʼixi sui, ua mu zolo. Anga u mu ambela, uixi: Eie kima kimoxi ngo kia ku kambe-ku: Ndé, ka sumbise ioso i uavu, o kitadi u ki uanene jingadiama, mbe u kale ni jimbongo ku diulu; nda uize kiua, u ngi kaiele.