Izaía 48:12 - O Mikanda Ikola

¹² Ngi bhe mátui Jakobo, tata, nʼeie u Izalaiele, u muthu nga ku ixana; eme-muène umoxi-ú, eme nga dianga, eme ue nga sukidila.

Izaía 48:12 ပူးပေါင်းရင်းမြစ်များ

Jisabhu 7:24

Kiki-phe, eie monʼami, ngi bhane mátui, maka ma tunda mu kanu diami bhaka-nâ ku muẋima.

Jisabhu 8:32

Kiki-phe enu, mu ana, ngʼivenu, kuma azediua ió oso aiuka o ijila iami, anga a kaiela mu jinjila jami.

Izaía 34:1

Bhiẋilenu kunu, mu ifuẋi, phala kuívua, enu ue mu mundu, ividilenu: Ivua eie u ixi ni ima ioso iene-mu, eie u mundu ni ima ioso-lolo idivualamu.

Izaía 40:26

Bhetulenu-phe o mesu menu bhulu, mu talese. Nanhi ua bhanga o ima ioso iii? Ió u tena kubhangesa kuila kifuxi kiê kutunda mu imʼiii hé u kiʼalula; Ió u tena kuixana o jithéthembua joso ku majina mukonda dia unéne ua nguzu iê, kuma-phe o mu kutena ni mu ku suina muene Ngungu-a-Nzumba, kana-bhu kima ki tena ku di nhunga.

Izaía 41:4

Mukuahi-phe ua bhange kiki, uexana o miji phala i kuate o kulaia tunde ku dimatekenu? Eme ngi Jihova; nga dianga, eme-muène ngala ue kumoxi ni iá a sukidila-ku; eme-muène, muene!

Izaía 43:10

Enu-enu mu jimbangi jami, eme Jihova, ni selevende iami, nga mu solo bhene bhu mu kʼijidila, nda mu ki xikane, mu tongolole kuila, eme-muène Nzambi, ki kua kexidié Nzambi iengi ua ngi diangela iu ua di-iudika, o ku pholo ue ku tuia kana-ku nzambi iengi ua kà ngi bhingana eme.

Izaía 43:11

Eme, eme-muène ngi Ngana, kana-ku Mubhuludi uengi, kale eme ngó.

Izaía 44:1

Maji-phe ívua koko, Jakobo tata, selevende iami, nʼeie Izalaiele, u muthu nga ku sola.

Izaía 44:6

Jihova, sobha ia Izalaiele, Mukudi ué, Jihova dia Ifuẋi, uambe kiki: eme-muène nga dianga, eme-muène nga sukidila; bhu nga kambe eme ki bhu kala Nzambi.

Izaía 46:3

Ngʼivue kunu, diembu dia Jakobo, tata, nʼenu mu masubhu ma diembu dia Izalaiele; enu mu athu nga mi ambatela bhu maku tundé mu mala; eme nga mi lela tundé mu divumu.

Izaía 46:4

Ki tualʼiki katé ni ku jimvi; mukonda eme nga mi vuala, nga-nda ku mi sasa, nga kà mi ambata anga ngi mi langa.

Izaía 49:1

Ngʼivienu, mu ikolo, enu mu athu muene ku makanga batekelenu: Jihova ua ngʼixana hanji kioso ki ngala mu mala, eme hanji mu divumu dia manhiʼetu, muene-phe ua tumbula kiá o dijina diami.

Izaía 51:1

Enu-oso mua ku ta muẋima ku ufundisilu ua kidi, ngʼivienu, nʼenu muala kusota Jihova, talenu ku ditadi kuoso ku a mi bamiune, talenu ku dikungu dia dibânda mu a mi kandele.

Izaía 51:4

Athuʼami, ngʼivienunu muene, enu mu kifuxi kiami, ngi bhanienu mátui; mbata kokuami kuene kua-nda kutunda o kitumu, o uiukilu uami nga kà u xikika, ukala mukengeji ua ifuẋi ia athu.

Izaía 51:7

Enu, muejiia kioso ki kala o kuiuka, ngʼivienu, enu mu athu mua zalela o ngonge iami mu miẋima ienu; o kizembu kia mundu ki ki mi kuate uoma, o kia mi xinga, ki mu a suue.

Izaía 55:3

Bhetekenu o mátui menu, nda mu ize kokuami; ividilenu, muenhu uenu ubhuluke; kuma nga-nda kuta nʼenu kikutu kixalela-ku, hé ngi mi bhana jimbote ja Davidi ki jene kufula.

Matesu 20:16

Jezú anga uila kiki, uixi: A sukidila, a kà ʼdianga; o a dianga, a kà sukidila.

Loma 1:6

O mu ʼaxaxe kâ ni enu uenu mua tungu mu Loma, muene mu muala, kuma a mʼ ixana ue kuala Nzambi mu kukala mu akua Jezú Kristu.

Loma 8:28

Kuma tua kʼ ijiia kuila mu ima ioso Nzambi u kalakala mu kubhanga o mbote kua iá oso a mu zola, oso kiá a exana mu vondadi ia muène.

I Kolindo 1:24

Maji phala ene-phe oso a exana, kuala Nzambi, ni ku Jijudé, ni kua ió ki Jijudé, Kristu muène o nguzu ia Nzambi. Muène o unjimu ua Nzambi.

Matendelelu 32:39

Mu ngi tala-phe kiá: Eme, Eme-muène ngó Nzambi; ki ngala dingi ni mukuetu, Eme ngi jibha, Eme ue ngi phaphumuna; Eme ngi kuama, Eme ngi saka; ki kuala u ngi ẋangumuka bhu lukuaku luami.

I Phetele 2:9

Maji enu-phe mu muiji uosole, mu jinganga ja sobha, kifuẋi kiazele, mu mundu uangene ua Nzambi muène. A mi tungula phala muende ni kujimbula o imbamba ia madiuanu iene mu bhanga Nzambi ió ua mi katula muavundu, iú ua mi bheka mu mukengeji uê u diuanesa.

Dijingunuinu 1:11

dixi: Ioso i u mona, soneka-iu mu divulu, u di tumikise ku sambuadi dia Ngeleja jala mu jimbonge ku Efezo, ni ku Sumina, ni ku Pelengamo, ni ku Tiiatila, ni ku Salade, ni ku Filadelefia, ni ku Laodiseia.

Dijingunuinu 1:8

Eme ngi Alafa ni Omeka, ngi Dimatekenu, ngi Dizubhilu, kiene kia zuela Ngana Nzambi, Uatena-Ioso, ua kexile-ku, kiki iú-ué, o hádia muène uà kala-ku.

Dijingunuinu 17:14

Enhá a kà lua ita ni Kambudi, maji o Kambudi-phe ua kà a tolola, kuma muène Ngana ia jingana, Sobha ia jisobha. Muène ua kà a tolola kumoxi ni athuʼê ió ene ku mu nhenganana, ió a exana, a a tungula, o jifiiele.

Dijingunuinu 2:8

O Anjo ia Ngeleja ia Sumina, mu sonekene kiki: Eme ió ua Dianga iu ua Sukidila, ua kexile uafu o kiki iú-ê ni muenhu, uambe kiki:

Dijingunuinu 22:13

Eme ngi Alafa ni Omeka; nga Dianga, nga Sukidila; ngi Dimatekenu, ngi Dizubhilu.