Izaía 47:8 - O Mikanda Ikola

⁸ Kiki-phe, ivua-kiu, eie ua kodiua ni ima ia uabha, ua tunga ua soma, eie uene mu kuila mu muẋima ué, uixi: Eme-muène ngó, kana-ku ua soko ni eme; ki nga-nda ku kala ngi mutudi, ki nga-nda kuijiia ue dilamba dia kufunda ana.

Izaía 47:8 ပူးပေါင်းရင်းမြစ်များ

Izaía 14:14

Nga kà banda muene katé ku thandu dia matuta ma suku-ku, nga kà di fuangana ni Suke-ku.

Izaía 32:11

Teketenu, enu mu ahatu mua di landuka, mu akua usudi; salumukenu, enu mu ana-ilumba, mua tunga mua soma; zulenu mu ende tuẋi-a-thakala, di-ẋiẋikienu kidinhaji mu inhonga.

Izaía 32:9

Enu ahatu, oso mua akua usudi, balumukenu mu ivue dízui diami: enu ana-ilumba, mua di fiiala kinéne, bhanenu mátui ku maka mami.

Izaía 45:18

Kuma kiene kiambe Jihova, ua bhanga o maúlu; Nzambi ua tenene kumba oxi, iú ua i iudika; ua i xikika, ka i ʼxia kiṗhulungunzu kia hatu, kana; ua i bhanga phala athu ku tunga-mu, uixi-phe: Eme-muène ngi Jihova, ki kuene uengi.

Izaía 45:5

Eme-muène Jihova, kana-ku uengi; bhu nga kambe eme, ki bhu kala dingi Nzambi; Kuma eme nga ku zuika ni nguzu, sumbala eie kua ngʼijiia.

Izaía 45:6

Nda a kʼijiie ni ku mutundila-kumbi, ni ku mutudila-kumbi, kuma bhu nga kambe eme, ki bhu kala dingi Nzambi; eme Jihova, ki kuene Nzambi iengi.

Izaía 47:10

Kuma uadielela o phulu ié, uixi: Ki bhuala u tena ku ngi mona; o unjimu ué ni ndunge jé ji ua di-longo, jene ja ku bhekela kujimbila, eie uambe ku muẋima ué, uixi: Eme-muène ngó, kana-ku muthu ni mukuetu nga soko-nê.

Jelemiia 49:31

Balumukenu mu bande mu kúlua ni muiji ua tululuka, ua tunga ua soma Jihova ua ki tange, muiji ki u moneka mabhitu mba makumba, kuma ene a tunguʼâ ngó.

Jelemiia 50:11

Mukonda mua sanguluka, mua tuka-tuka ni kutana, enu mua bhunda-bhunda o undundu uami! Anga mu di nanukisa kala kangombe ka nete, muia ni kuthúlula kala jikabalu ja nguzu.

Jelemiia 51:53

Mukonda nê-mbe hanji o Babilonha u banda katé ku diulu mba u kolesa o kitala kia kimbaka kiê, kokuami muene hanji kuene ku tunda oso a mu tulukila phala ku mu muanga, Jihova ua kiʼambe.

Izekiiele 16:49

Tala-ze o kituxi kia Sodoma dia phangiʼé: Izala, ndumba dia makudia, ni umonha uavulu ua kexi na-u ni muene ni anʼê a ahatu; maji ue o ngadiama ni phulungu ua tate, kuila u a kuatela ngó henda, lémbue.

Izekiiele 28:2

Eie monʼa iala, o kilamba kia Tilu mu tangele, uixi: O Jihova Nzambi uambe kiki: Mbata kuma o muẋima ué ua di zangeleka ni kuila, uixi: Eme ngi Nzambi, ngi xikama muene ku kialu kia Nzambi mu kaxiʼèlele ka musanza ua kalunga, hé o muẋima ué u u sokesa muene kala uene o muẋima ua Nzambi;

Izekiiele 30:9

Mu kizuuʼomo o jiphunga a kʼèndela mu jinaviiu, a mu tunda bhu pholo iami phala kuia mu kusasumuisa na Itiiópia ua di jimbi, anga momuʼâ mua kà kala misusu ia dikota kala bhu kumbi dia Ijitu; kuma, tala-ze, ki kʼiza kiá.

Daniiele 11:36

O sobha-phe ienhiʼii ua kà bhanga kioso ki mu tuma o vondadi iê; ua kà balumuka, anga u di kudisa ku thanduʼa nzambi joso; o Nzambi ia jinzambi joso ua kà âmba muene ue ima ia isunji ni madiuanu, ki kuiza kima! Inda muene-ku uia ni kubhanduluka dingi, katé kia kʼèla njinda ia Nzambi ia tenena ia suku; kuma, kioso kia tanga Nzambi, ki bhita muene.

Daniiele 4:22

Muẋi iú éʼmuene, u sobha, uakulu uazande, o kijingo kié kiakulu kia tuta ku diulu, o ungana ué uabhixila muene katé kua suku oxi.

Daniiele 4:27

Kala kiki, sobha, tata, xikina kaiula kamiʼaka, sota kubhanga kia iuka, u di bhuise ituxi, bhanga henda ku jingadiama, u di bhuise o phulu, kifua o kiki nga ki ambe sumba hanji kua ku xiala thembu ia ku di-bhola hanji ku mátui.

Daniiele 4:30

Sobha-phe u kumuna, uixi: Abha iii ki iene mbanza iadikota ia Babilónia i nga tunga eme, ngixi diene o dibhata dia ungana, dia tundu ku undanda uami, phala kijingo kiami kiie ni kufumana?

Daniiele 4:4

Eme Nabukodonozolo, ngedile muene kiambote talala-zâi mʼonzo iami, ngi kala mu buingita mu dizêmba diami.

Daniiele 5:23

Eie ua di zangeleka, kua xila Ngana ia diulu, o itutu iaʼnzo iê a ku bhekela-iu eie; eie-phe, ni ilâmba ié, ni akajiʼé, ni akamʼé, muene mu mua kuata kunuina o vinhu. Eie ua te-ku dingi o kuximana jinzambi ja phalata, ni ja ulu, ni ja ngòndo, ni ja jifelu, ni ja miẋi, ni ja matadi, o jene ki ji tena kumona, ki ji tena kuívua, ki jʼejiia kima, jedi ngó ni jene hudí; maji o Nzambi, uoso ua ku kuata o muenhu ué ni jinjila jé joso, ji uenda, muenhú kua xikina ku mu jingisa.

Daniiele 5:30

Usuku uenhó-phe, Belxazale, muenexi ua Kaldeia, anga a mu jibha.

Nahumu 1:10

Mukonda né hanji ene a di lunga-lunga kala minha, anga ezala ni vinhu kala jihólua, a kà jimuka ene oso muene kala iangu iakukuta.

Nahumu 3:4

Ima iosuʼiii mukonda dia kuvula kua ituxi ia Kidianzunga kia uabha o pholo, ua di bhanga mesene ia uloji, ua nganala jinga mundu ni undumbu uê, iu ua tobhesa jinga o miji ni uanga uê.

Habakuke 1:7

Muiji uenhú kutema kuahi, u kuata uoma; uene kiá u di bhangela o itumu iê ni mabatuilu ma unêne uê.

Sofoniia 2:15

Iii-phe iene o mbanza, o mbonge iadijimbi iala kutumbujuka ni ngalasa, ni ku di dielela iene, hé uia ni kuzuela mu muẋima uê, uixi: Eme ngó kuabhu, ki bhuala dingi nga soko-nê! Kiki-phe ueza ngúndu, ua biluka dinangu dia iama! Muthu uoso ubhita-mu, u diuuana! Uxika muphióphio, hé u bhabha ibhubhu!

II Tesalonika 2:4

Muthu muenʼió u kala mú kituka, u mesena u tunda ioso ia luka exi Nzambi, ioso athu iene ku bheza. Muène ua kà di zangeleka katé muene u xikama mu Tembulu ia Nzambi, nʼa dʼidikise kuma muene Nzambi!

Afundixi 18:27

Ene-phe, o hama jisamanuʼojo ja muthu, anga ambata ioso ia iudika Mika, ni nganga iê ia kexile na-iu, hé a bhixila na-iu ku Laíxi. A sanga mundu koko a dixibhâ, kala ni hele ia kima, anga a a buikisa ku mazu a xibhata, mbonge iâ a i ta mu túbhia.

Afundixi 18:7

Kia zubha kubhanga kiki, malʼatanu enhá a katuka, a bhixila mu Laixi, a sanga athu a tungu-mu kala ni hele ia kima, ukalelu uâ uene umoxi ni akua Sidone, a dixibhʼâ, ki bhuala kima kia a zukutisa. Mʼoxi iâ ki muala muthu u kuata kutumina, mba u a kuatesa jisonhi ja kima kioso-kioso mu ixi momo; o akua Sidónia ue a di sanduka-nâ a a kalela dikanga; athu engi ka di tambulula-nâ mu ima ioso-ioso.