Izaía 47:6 - O Mikanda Ikola

⁶ Nga thathamana kiavulu ni mundu uami, undundu uami nga u kasanesa, eme nga ku bhakuila-nâ bhu lukuaku lué; eie-phe ngué ku a kuatela jihenda, katé ni ikulakaji, akuka, ua a tuika kimbamba kia neme.

Izaía 47:6 ပူးပေါင်းရင်းမြစ်များ

II Samuuele 24:14

Davidi anga u ambela Ngadi, uixi: Ngala bhu kíbhidi kia dikota! Maji kota ngi dibhalela bhu lukuaku lua Jihova, kuma muene o jihenda jê jivula; nguami kudibhalela bhu lukuaku lua muthu!

II Malunda 10:11

Kienʼiki se tatʼetu ua miʼambatesa jungu ia neme, eme-phe ku jungu ienu nga-nda ku ta-ku dingi; o ki kala tatʼetu ua mi beta ni jixikote, eme-phe kiá nga-ndu mi beta ni jimbalanganza.

II Malunda 28:9

Muenhomo-phe mua kexile polofeta ia Jihova, dijina diê, a muʼila; Odele. Muenʼiú anga u tunda mu ku kauidila o kifuẋi kia masoladi, kia mu kuiza mu Samádia, anga uʼambela, kuila: Talenu, kioso Jihova, Nzambi ia jitata jenu kia thathamena akua Juda, ua a bhakula bhu lukuaku luenu, enuʼenu mua a jibha kiabhu ni njinda ia bhingi kuila ia bhixila katé mu diulu.

II Malunda 36:17

Mukonda Jihova ua bhangesa sobha ia jikaldeu kubanda o minzangala iâ, muene iu ua i jibha ku xibhata, mu inzu ia dibhezelu diê; o minzangala ia mala muene ka i kuatela dingi henda mba o ilumba, mba adiakime a kuka kiá, mba ikulakaji ia kukidila; maji ene oso ua a bhakula bhu lukuaku luê.

II Malunda 36:20

O ió a subhuka ku xibhata ua ambata, iú uai-nâ ku Babilónia; a kituka abhika phala muene ni anʼê katé bhu thembu ia utuminu ua sobha ia Pelesa.

Ejidala 5:12

Maji ku tuezʼku, kioso jitata jetu kia lokalala njinda ia Nzambi ia diulu, muene ua a bhakula bhu maku ma Nabokodonozolo, sobha ia Babilónia, mukua Kaldeia, muene ua sengulula onzo iii, uambata o kifuxi kiâ ene ku ki bheka ku Babilónia.

Jisálamu 69:26

Kuma uoso eie ua mu beta, ene a ta-ku o ku mu zukutisa; o malamba a ió eie ua a kuama, ene a kala o maka a minangu iâ.

Izaía 10:6

Nga-nda ku mu tuma ku balukila muiji ua akua-mangonha, ngi mu tuma kuzoka ni mundu uami a bholomona o njinda iami, phala ku a bhûnda ioso ia tundu mu unhanga ni ku a tambula o madibhundila, ni ku a ta bhoxi pahala ku a diata-diata, mukua ni mathatha mu nzunga.

Izaía 13:16

Tuana tuâ a ka tu sasujula ku mesu mâ ma kumona; mabhata mâ a kà ma bhûnda, o akajiʼâ a ka a bhanga ufusa.

Izaía 14:17

Ua kitula jinga oxi kala kikangalakata, o jimbanza jê iú ua ji sengulula jinga? O jihutile jaʼxi muene ka ji ehela jinga kuiá ku mabhata mâ.

Izaía 14:6

Ió ua kuama jinga o mundu ni ngánji, ni mabhebhu kiene kia kuata kunemeka athuʼiki uakuata, uedile o ifuẋi ua i tumina jinga ni njinda, muene lelu ue a mu tungika, ki bhuala u ki fudisa.

Izaía 43:28

Kienhiki ue o makota ma thembulu nga a sebulula; o Jakobo nga kà mu bhubhidila, o Izalaiele nga kà mu ta mondo.

Jelemiia 50:42

A ka kuata mifula ni madionga bhu maku; athu a di kake, kʼejiia ku kuatela henda; dízui diâ dia kà numina kala musanza ua kalunga, a kʼendela ku jikabalu mukuá ni muthu u lengela kuia ku ita, mu kuzoka nʼeie, monʼa kilumba ua Babilonha.

Kuditenda 1:14

O kanga ia itondalu iami, a ngi kutila na-iu ku thandu kuala o lukuaku luê; o itondalu iami ioso iothangune muene, iá a ngi tudika-iu mu xingu; o muene iú ua ngi iokola, nguzu ioso ia ngi bhu; Jihova iu ua ngi bhakula ku iiala ia bhingi kuila bhu maku mâ, ki nga-nda kutena dingi kusutunuka-bhu.

Kuditenda 1:21

Athu ia evua muene kioso ki ngala kukema, maji o u ngi konda malamba ka moneka; jinguma jami joso kievu o jiphaxi joso ji ngala kubhita na-ju, a tana-phe, mukonda kima kia ngi tundu kokué eie; maji, kioso kia kèza o kizuua ki ua tangeʼokio, ene ua bhu ngatelʼabha hiun eza-bhu.

Kuditenda 2:2

Mabhata moso-lolo ma Jakobo, Jihova ua ma jikinisa, sé ngó ku a lendukila; jimbonge ja kolo, ja monʼa kilumba kia Juda, kia vulumuka o njinda iê, joso ua ji lundumuina bhoxi; utuminu uoso ua u kasanesa, o ilamba iê ia sebuluka.

Kuditenda 4:16

Kuma o njinda ia Jihova, ia a muanga-muanga; muene nuka dingi ua-nda ku a suua; kuma ka xila jinga o pholo ia jinganga, ka ẋikinine ue kukuatela henda ia athu a kuka kiá.

Kuditenda 5:12

Jingana a ji nhenga muene ni maku mâ, o jipholo ja adiakimi né ngó ku ji xila, lémbua!

Izekiiele 24:21

Tangela o diembu dia Izalaiele, uixi: O Jihova Nzambi uambe kiki: Talenduze, kuma eme o dibhezelu diami nganda ku di buakulula ene o matunda a mbonge ienu, o kima kiene mu kuinda o mesu menu, o disangulukilu dia miẋima ienu; o anʼenu a mala ni anʼenu a ahetu, u mua xisa, a kà tenuka ku xibhata.

Izekiiele 28:16

Mukonda dia kusokoloka kua mauenji mé, moxi dié mua kuizala ni kusuina, eie ua te o kituxi; mukonda dia kiki, ua di jingununa, ku mulundu ua Nzambi nga-nda ku ku lundumuna-ku, o mu matadi a lekujuka nga-nda ku ku jimisa-mu, eie u xelube ia mubhangedi.

Obadiia 1:10

Mukonda dia kukakela phangʼié Jakobo, kua kèza kavanza ku thandu dié, katé ki u jima mbutu ku hádia ni hádia, nzaká.

Obadiia 1:16

Kuma, kala enu kioso ki mua nuina ku mulundu uami ukôla, akua jixi jengi ue a ka tana thembu joso mu kúnua kala enu, a kà nua, a kà zuuela muene hé a kà minha, anga a kèla kala nuka a ki kexile.

Zakadiia 1:12

Bheneʼobho, o anju ia Jihova u vutula, uixi: Eie Jihova dia Ifuẋi, tata, katé bhebhi uà kamba ku kuatela henda ia Jeluzaleme ni jimbonge ja Juda, ji ua lungulukila ni kuthathamana Eie ua ji luualela mu makuinhi sambuadi a mivu osoʼâ?

Zakadiia 1:15

Maji ni njinda ia vulu-phe, nga thathamena miji iene mu ku di dielela ienʼiê, kuma kioso eme ki nga thathamena Izalaiele bhuofèle ngó, ene a suina dingi mu kubhanga kiaiibha.

Matesu 7:2

Mbata, o kubatula kuoso ku mu batuila na-ku akuenu, enu uenu kiene Nzambi kia kà mi batuila; ni nzôngo ioso i mu zongela na-iu akuenu, enu uenu a ka mi zongela-iu dingi.

Matendelelu 28:50

muiji ua isuéia, ua landamaná jipholo, ka ẋila muthu ua kuka kiá, ka xikina ku kuatela henda ia kamona kandenge!

Tiiaku 2:13

Mukonda o Nzambi kia kà fundisa, ka kà lendukila athu ió a kambele kukala ni henda ia akuâ. Maji o kukuatela henda kua somboka o kufundisa.