Izaía 47:5 - O Mikanda Ikola

⁵ Xikama-phe, uile hudí, nʼu kutuke mu kikote muedi bui, eie u mona-kilumba ua jikaldeu, kuma ki bhua kà kala dingi ku ku ixana, exi: Muene mvuale ia mautuminu a jixi.

Izaía 47:5 ပူးပေါင်းရင်းမြစ်များ

Jisálamu 31:17

Kana ku ngi kakula, Jihova, tata! mukonda nga dikola ko kué; a kakuke o isuéia ienʼoio, ele muene hudí mu mbila.

Jisálamu 46:10

Mu batama, phala mu kʼijiie kuma eme ngi Nzambi; eme-muène ngi jînga muʼaxaxi ka matumbu; eme-muène ngi zangalala ue mu ngongo ioso.

Izaía 13:10

Mbata o jithéthembua ja diulu ni ibalaʼkumbi iê, ia kà lémbua kumuika ni mukengeji uâ; dikumbi dila di mateka kutunda, dia vunduʼé kiá, o mbeji ue ki ia kà bhana dingi mueji.

Izaía 14:23

Muene nga kà mu kitula undundu ua tuhombo ni inzunzu, u di bhanga izanga ia menha; anga ngi kuata kiezu kia dibuikilu ngʼa kombela mu dibuikilu, eme Jihova dia Ilômbo.

Izaía 14:4

Kieneʼokio o mukumbi iú ua kà uimba muene mu kuâmba sobha ia Babilonha, uixi; Mbé o kingumba lelu ki zumbukʼâ! Lelu o ungumba uabhu, o mbanza ia kembele ni ulu lelu ia budikʼâ!

Izaía 21:9

Talenu! Kindala kù kuiza kifuxi kia mala, ni iá a mondala, ala kuiza ku kiiadi-kiiadi. Muene-phe ua kumbulula, uixi: Babilonha ia jimi, ia senguluka muene! Ni iteka ioso ia kusonga, ia jinzambi jê, ia di-vundu bhoxi ii ia bukujuka.

Izaía 23:2

Dixibhienu, enu mua tunga mu kikolo, enu a mʼizalesa kuala jingenji-ja-kufuna ja Sidone, ene kutabhula mu musanza ua kalunga,

Izaía 47:1

Tuluka, xikama mu fufuta eie u muzeletete, mona-kilumba ua Babilonha; xikama bhoxi; kana-bhu dingi kiandu, mona-kilumba mu Kaldeia, kuma ki bhu kala dingi ku ku ixana muzeletete, mba mona bhu kinéne.

Izaía 47:7

U kuata kuzuela, uixi: Eme ngi kala jinga muene na mvuale katé ku hádia ni hádia; katé-phe bhu uezʼabha ima iii ki ia ku bokona mu muẋima, kuala kuxinganeka ue bhu ia kà suka.

Jelemiia 25:10

O nzongo ia kutonoka, ni nzongo ia kusanguluka ni nzongo ia mabhanga, ni kilungutu kia matadi a ku huhila ni mukengeji ua kandeia, nga-nda ku i fuisa-mu, mu kaxi kâ.

Jelemiia 8:14

Tua xikamena-hi phe dingi? Diphophienu nda tu bokone mu jimbonge ja nguzu, tuile muenhomo hudí; kuma o Jihova Nzambi ietu ua tu di xibhisa kiá, iú ua tu bhana kunua menha a ndululu; mukonda tua te ituxi kua Jihova.

Kuditenda 1:1

Kuahi ngó, o kudikotamena kua dikotamena ó mbonge iná; mʼokulu kutunga kuahi ngó! O kiki iedi kala mutudi ua muhatu, tata! O kia kexi, muʼaxaxi ka ifuẋi, muene kutènde, na mvuale muʼaxaxi ka jixi, ua biluka kiebhi vasalu ia kufuta lubhaku, enu mala!

Kuditenda 2:10

O ikulakaji ia monʼa kilumba Ziione a xikama ni ene mu mavu, exi ngó muene hudí; a di kuua fufuta ku mitue, a zuata idinhaji; o ilumba ia Jeluzaleme, azenzamena mítue bhoxi katé mu mavu.

Habakuke 2:20

Jihova-phe uenʼiê mu Tembulu iê ikôla; ixi ioso i dixibhe bhu pholo iê.

Zakadiia 2:13

Xitu ioso i di xibhe bhu pholo ia Jihova, kuma muene ua balumuka mu kibuta kiê kikôla.

Juda 1:13

Edi kala mabhuku ma musanza ua kalunga, ma temanana, ma thuthuma kifulu kia ibhangelu ia jisonhi. A sokela ni jithethembua ja jimbila o njila, ja lungu mu usuku ua ji xikamena, ua ji iudikila Nzambi, uedi ni uene bui, ki uene dingi kukia katé ku hádia ni hádia.

Dijingunuinu 17:18

O muhatu ua mu monuʼó, o mbanza ia dikotʼoio ia mu tumina o jisobha joso mu ngongo.

Dijingunuinu 18:7

Bhuoso bhua sukile muène ni ku di ximana, ni kuvudisa ukumbu, bhene bhu mu mu sukixila o kubhondalala ni kusebuluka kuê! Kuma uedile ku muẋima uê, uixi: Eme-muène na mvuale, nga xikama ku ungana! Ki ngala ngi mutûdi, ki ngi moneka dingi dilamba!

I Samuuele 2:9

Muene u langa inama ia athuʼê abhu o ituxi; o a ta ituxi-phe u a bheka muʼalunga mua vundu, anga muenhomo a di xibha muene hudi! kuma nguzu ki iene i lendesa muthu nʼa tundu akuâ.