Izaía 47:3 - O Mikanda Ikola

³ Eie ua-nda kuzuluka, anga dilebhu dié di di monekena; nga-nda kufuta phonzo, ki nga-nda kubhanga katungu ka muthu.

Izaía 47:3 ပူးပေါင်းရင်းမြစ်များ

Dimatekenu 3:7

Bhenhobho ene oso kiiadi kiâ anga a jikuka o mesu, a di tongolola kuila ala tuẋi; a tunga máfue ma mufiku, anga a ma kutila mu mbunda ni jiphonda ja iudika.

Izaía 20:4

Kiene ue o sobha ia Asídia kia kʼàmbata o jihutile mu Ijitu, ni iá a a balakala a tundu mu Itiiópia, ni minzangala ni adiakimi, nʼa ambata tuẋi-a-thakala, ni inama bhoxi, mataku mu kanga, phala Ijitu sonhi ji mu kuate.

Izaía 3:17

Kala kiki, Jihova, anailumba mu Ziione ua-nda ku a ta ingûmba mu mítue, Jihova ua-nda ku a zula, a kala tuẋi-a-thâkala muene.

Izaía 35:4

Ambelenu a botomoka o miẋima: suinenu, ki mu kale ni uoma; talesenu, o Nzambi ienu iu uiza mu vutula o phonzo, ni futu ia Nzambi uiza na-iu; muene ua kʼèza hé u mi bhulula.

Jelemiia 13:22

Kioso-phe ki ua kèla mu muẋima ué: Mukonda diahi, ima ienhiʼii ia ngiza? Mukonda dia nzungule ia ikuma ié kiene kia bhangesa o ku ku zakula o izuatu ié ia moxi, ni tusende tué tu tuala kutala hadi iavulu.

Jelemiia 13:26

Eme-phe ue nga-nda ku ku zakula o izuatu ié ia moxi katé ki i kuiza mu mesu; hé u xala ua zula muene tuẋi-a-thakala.

Jelemiia 51:11

Zelesenu misongo, o ivunga-thulu iudikenu-iu muene kiambote; Jihova ua phaphumuna miẋima ia jisobha ja Mediia; mbata kia mu kala miẋima mu kuzoka ni Babilonha, o ku muanga kuene; mukonda iii iene o phonzo ia Jihova, o ditota dia Tembulu iê.

Jelemiia 51:4

Hádia a fuila mu ixi ia akua Kaldeia, a a tomena mu jinzunga.

Jelemiia 51:56

Mukonda o mubuikixi ua-nda ku muʼendela, ua-nda kuendela Babilonha, o mazonda mê ua kà ma kuta, o mifula iâ ua i bukujula kiá; mukonda Jihova, Nzambi uavu o futu, ua kà mu vutuila kioso kia fuama.

Izekiiele 16:37

Tala, o jisaii jé joso, ji ua sungila jinga na-ju, nga-nda ku a bhongolola, kumoxi ni iá u ua zolo, ni iá u ua zembe, nga-nda ku a bhongolola ku jimbandu joso nʼa ku kondoloka mu ku ku bilukila, hé ngi ku zula tuẋi-a-thakala bhu pholo iâ, ene nʼa ku mono muene kioso ki ua kala.

Nahumu 3:5

Jihova dia Ifuẋi, uixi: Eme ngala kuthandu dié, o mu kuzoka ni eie nga kà ku zula muene o izuatu ié katé mu pholo, hé o tuẋi ié nga kà i londekeza ku miji ioso mu ngongo, nga kà edika o sonhi ié, ku ma-utuminu moso, ki ua zulʼiki.

Loma 12:19

Phange jami, ki mu kale mù vutula phonzo ku muthu uoso-uoso. Inda mu ehela o njinda ia Nzambi o kubhana kaxtiku. Kuma a ki soneka mu Mikanda Ikôla, exi: Phonzo ia ngi tokala eme ngi Ngana, eme-muène ngi futa.

Matendelelu 32:35

Phonzo ia ngi tokala eme, eme-muène ngi futa bhu kizuua kiê; sai bhuoso mungu bhua kà ẋangumukina o dikanda diâ; mbata o kizuua kiâ kia kusenguluka kiazukama. O ima-phe ia-nda kubhita-na-iu kindala ia-nda kuiza muene, ki i kokoloka.

Dijingunuinu 16:19

O mbanza ia dikota anga i muangunuka mu mbandu jitatu, o jimbanza ja akua-jixi mu ngongo anga ji lundumuka hé ji senguluka jene joso muene. Nzambi anga u lembalala o Babilónia ia dikota, hé u i bhana kùnua o vinhu ia tundu mu kopho iê—o vinhu ia kutema kua njinda iê.

Dijingunuinu 18:20

Eie u diulu, mu olele, mukonda dia kusenguluka kuê! Ni enu oso mu akua-Ngana, mu jipoxolo, mu jipolofeta, mu oledienu! Sangulukenu, kuma Nzambi ua batula! Mu ioso ia mi bhange, ua mi bhela-nê kaxtiku!