Izaía 47:11 - O Mikanda Ikola

¹¹ Mukonda dia kienhiki, ua-nda kubhita ni uíndua, o ku u tunda kua-nda kuijiia-ku, kibuika kia-nda ku ku iza ku thandu, kua kà tena ku ki lenga; mukonda o kingùmba kia-nda ku ku tumikisa, ki ku xitisa mu thulu, kua-nda kutena ku kʼijiia.

Izaía 47:11 ပူးပေါင်းရင်းမြစ်များ

Nehemiia 4:11

Kuala-phe o jinguma jetu, exi: Ene ka kʼijiia, ka-ndu tena ue ku ki mona, a tukumuka-phe tua bokona kiá muʼaxaxi kâ, anga tu a jibha enhoso, kienhiki kimbaka a lémbua ku ki tunga.

Jisálamu 35:8

Enhó-phe kibuika kiâ a ki tukumuke; a fue muene mu uanda ua telele akuâ; a dibhale ene mu diela diâ dia kande.

Jisálamu 50:22

Kala kiki xinganekenu-kiu, enu kua Nzambi mua jimbi-ku; sumba ngi mi sanujuna kala hoje, u mi kudila ki mu mu mono.

Jisálamu 55:15

Kalunga-ka-ngombe a ambate, a láuke ni muenhu uâ mu bombo diê, nda o mavu a a minhe mukulukusa; kuma muala usuéia mu bhata diâ, katé ni ku mixima iâ moxi.

Jisálamu 73:19

Kindala muene athu bhua kexile a-bhu-bhu; a diuana kisuma, ajimuka ni kimbulambula.

Jisabhu 13:21

Akua-ituxi, o hadi iâ iakalé, kuma i a kaiejela muene; athu aiuka-phe, a kà tambula futu ia jimbote ni kubhanduluka.

Izaía 13:6

Endenu kiá ni kukumba, mbata kizuua kia Jihova kia zukama; ki kiza kua Muteni-a-ioso kala kibuika.

Izaía 29:5

O jinguma jé ja-nda kukala nzungule kala fufuta, o isuéia ia-nda ku ku vula kala mvindu ia ibhiate isomboka, kindala u tukumuka kia ku iza.

Izaía 30:13

Kala kiki, o phulu ia kà mi zenzamena mukuâ ni kipena kia lumbu kia zendalala, kia bhana kiá mulumba, o mu ku lundumuka kia kà mi tukumuisa.

Izaía 37:36

Bhenhobho anju ia Jihova ua tundu, iu ua nemeka mu kilômbo kia Asídia, hama ni makuinhi-nake a jimidi ni midi jitanu ja makuenze; o kuila muene a balumuka mu kimenemene, talesa, iimbi mu iimbi kiá!

Izaía 45:7

O mukengeji eme nga u bhanga, o itombe eme ue nga i iudika; eme ngi bhanga o paze, eme ngi bhanga o kíbhidi; eme ngi Jihova, ngejiia kubhanga ima ioso iii.

Izaía 47:9

Maji o ima iiadi ienhiʼii-phe ia-nda kuiza ku thandu dié mu kathangana kamoxi, mu kizuua kimoxi ufunda ana, o utudi u ku iza ue; ima iii ia-nda kuiza muene ku thandu dié ni nguzu ioso, mukonda eie uanga ua u tundisa, mukonda dia maumbanda mé kuvula.

Izaía 48:8

Iene-phe eie kuaʼivua, kua ʼijiia, kana; né ngó o dítui dié ki dia jikukile luua, kuma nga kʼijiia kuila ueje kubhanga ufe, mukonda u muxibhaki, u mutondadi, tundié mu mala.

Izaía 57:1

Muthu uaiuka iu uia muʼalunga, kana-bhu muthu u ki xinganeka ku muẋima uê; athu a lenduka a ololabhu, kana-bhu-phe ulembalala kuila muthu uambote a dianga ku mu sondolola kioso o kuiibha kiluua kuiza.

Jelemiia 51:29

Kieneʼokio-phe o ixi ia kà teketa, mbata o ixinganeku ioso ia Jihova ia nguzu mu kuzoka ni Babilonha, phala kubhangesa kuila ixi ia Babilonha i kala ngùndu ki i mono athu a tunga-mu.

Jelemiia 51:43

Jimbanza jê joso ja kituka bhoxi-mavu, ixi ia kukuta, ia di bhange kikangalakata, ixi ki i moneka uoso u tunga-mu, mba mu bhita ngó monʼa muthu.

Jelemiia 51:8

Maji mu kithangana kimoxi, Babilonha ua di bhale iú ua senguluka; mu didienu, mu kuate maji ma dizumba mbé o misusu iê, sumba u di sanza.

Kuditenda 1:21

Athu ia evua muene kioso ki ngala kukema, maji o u ngi konda malamba ka moneka; jinguma jami joso kievu o jiphaxi joso ji ngala kubhita na-ju, a tana-phe, mukonda kima kia ngi tundu kokué eie; maji, kioso kia kèza o kizuua ki ua tangeʼokio, ene ua bhu ngatelʼabha hiun eza-bhu.

Izekiiele 7:26

Kua kʼèza uíndua mu uíndua, anga kua kà balumuka kilungutu mu kilungutu; kienhokio-phe a kà sota polofeta phala ku a tangela kisukila, maji o nganga katé ni kitumu kia kà mu jimba muene lalá, o adiakime a lémbua o kaiula.

Matesu 18:34

Ngana iê njinda i mu kuata, anga u mu bhana akua kaleia, katé bhuoso bhua kà futila dikongo dioso diadi.

Luka 12:59

Ngi ku ambela kuma, muenhomo kua kà tundamu, katé ki u futa o kamulambongo koso ka sukinina-ku ku milonga.

Luka 17:27

Athu oso à kala mú kúdia, à kala mu kúnua; mala ni ahatu a sakana, a bhana mu kusakana, katé kizuua kia bokona Noué mu álaka. Anga dilúviu diza, di a buidisa ene oso.

I Tesalonika 5:3

Bhuala kuila athu: Kuma kua batama, kua tululuka, a kà tukumuka kibuika kiâ kia tula! Kia kà kala ue mukuâ ni muhatu ki mu kuata o mika ia kuvuala, kana bhuma bhua bhitila nʼa lenge.

Dijingunuinu 3:3

Mukonda dia kienhiki, xinganeka-phe kioso ki ua di longa, kioso ki uévua. Aluka-ze, u diele ituxi ié. O ki u kamba kudilanga-phe, hinu ngi ku sanga kala muii, o ola ioso i ngi ku tutuuila ku i ijiia.