Izaía 46:3 - O Mikanda Ikola

³ Ngʼivue kunu, diembu dia Jakobo, tata, nʼenu mu masubhu ma diembu dia Izalaiele; enu mu athu nga mi ambatela bhu maku tundé mu mala; eme nga mi lela tundé mu divumu.

Izaía 46:3 ပူးပေါင်းရင်းမြစ်များ

Jisálamu 28:9

Bhulula, Ngana, o mundu ué; undundu ué u kale ni dibesá; kala eʼmuène u mubidi uâ, u a dise izuua ioso.

Jisálamu 71:6

Kokué kuene ku nga xamenena, tunde mu ku ngi vuala; eie ua ngi katula muʼvumu dia mamʼetu; ngi ku tumbula mu ku ku ximana jinga muene sé kufula.

Makatukilu 19:4

Mua mono ioso i nga bhange kua akua Ijitu, enu nga mi ambata kala ku mabhabha a holokoko, eme nga mi bhiẋidisa kokuami.

Izaía 1:9

Se o Jihova dia Ilombo Ieta ua kambele ku tu xila tumbalu-mbalu, eji ku tu buikisa kala Sodoma, tueji ku di fuangana ni Ngomola.

Izaía 10:20

Hé kia kà bhita bhu kumbiʼodio kuila, oso a subhuka mu Izalaiele, ni ió oso a bhulaka mu dibhata dia Jakobo, ka kà dielela dingi enhó a a tolola, kana; inda o kudielela kuâ kuà kala ngó mua Jihova, Dilemba dia Izalaiele mu kidi.

Izaía 10:21

O masúbhu ma kà biluka; kiene muene, o masúbhu ma Jakobo ma kà biluka kua Nzambi ia Nguzu.

Izaía 10:22

Mbata, eie Izalaiele, o mundu ué né-mbe u vula kala kisekele kia kalunga, tumbalumbalu ngó tua kà biluka mu kudiela, kuma kibuika a ki xindi kiá, kiezala, kia ẋamuka ni kubatula mu kidi.

Izaía 11:11

Mbata kia kà bhita kuila, Jihova mu kizuua kieneʼokio ua kà vutukila kuta lukuaku luê mu kuondolola dingi o masubhu a mundu uê, a subhuka ku Asídia, ni ku Ijitu, ni ku Pátulu, ni Itiiópia, ni ku Elame, ni ku Xiniiale, ni ku Hamate, ni ku ikolo ia kalunga.

Izaía 37:4

Manhi, o Jihova Nzambi ié, maka ma Labesaki ua mʼèvué, muthu a mu tumikisa kuala ngana iê, sobha ia Asídia, phala ku xinga Nzambi ia muenhu, ni ku mu lebhula ni maka ma dʼivila Jihova Nzambi ié. Sambela-phe tumasubhu tua xala-bhu.

Izaía 4:3

Bheneʼobho-phe, uoso u subhuka mu Ziione, ni ió uoso u nangenena mu Jeluzaleme, a kà mu luka Sandu; uoso kiá muʼaxaxi ka athu a muenhu, a kà mu soneka mu Jeluzaleme;

Izaía 44:21

Eie Jakobo ni Izalaiele, lembalala ima ienhiʼii, mbata eie u selevende iami; eme-muène nga kʼumba, eie Izalaiele tata, u selevende iami; eme ki nga-nda ku ku jimba, kana.

Izaía 46:12

Ngivienu, enu mua kola o muẋima, enu o kuiuka kua mi kala dikanga.

Izaía 48:1

Diembu dia Jakobo, ivenukiu, enu oso a mʼixana akua Izalaiele, enu mua tunda mbutu bhu otho ia Juda, muene kulokela mu dijina dia Jihova, muene kutumbula Nzambi ia Izalaiele, maji ki muene mu ki bhanga mu kidi ni mu uiukilu.

Izaía 51:1

Enu-oso mua ku ta muẋima ku ufundisilu ua kidi, ngʼivienu, nʼenu muala kusota Jihova, talenu ku ditadi kuoso ku a mi bamiune, talenu ku dikungu dia dibânda mu a mi kandele.

Izaía 51:7

Enu, muejiia kioso ki kala o kuiuka, ngʼivienu, enu mu athu mua zalela o ngonge iami mu miẋima ienu; o kizembu kia mundu ki ki mi kuate uoma, o kia mi xinga, ki mu a suue.

Izaía 63:9

Mu lamba diâ dioso ni muene uevile dilamba, anga mukunji uene bhu pholo iê u a bhulula; mukonda dia henda iêmuène ni kulenduka kuê, muene ua a bhulula; iu ua a tambula, iu u a endesa jinga kienhiki mu izuua ioso ia xahúlu.

Matendelelu 1:31

ni mu kikangalakata, mu mua bhiti ni ku mi ambata kuala Jihova Nzambi ienu kala muthu kiʼambata monʼê, mu njila ioso mu muejila katé ki mua bhiẋila bhu kididiʼiki.