Izaía 45:9 - O Mikanda Ikola

⁹ Lamba dia muthu uzoka ni uoso ua mu bhanga; o kienga mu kaxi ka ienga ia mavu! manhi utuma utena kuambela ngûmbi iê, uixi: Ua mu bhangaʼhi? mba kima ki ua bhange ki kuila: eie kuala ni maku?

Izaía 45:9 ပူးပေါင်းရင်းမြစ်များ

Jobe 10:9

Nga ku diondo, xinganeka kuma eie ua ngi bhange kala mavu; kindalʼiki uandala kiá ku ngi kitula ngi fufuta?

Jobe 33:13

Phalaʼhi u zoka ni muene, ni kuila uixi ioso i ngi bhanga ka-nda ku ngʼibhula kima?

Jobe 40:2

Manhi o kuzoka mu ku bilukila Muteni-a-Ioso, kuene o kulonga? Uoso u tembula Nzambi mu kienʼiki, a vutule hanji ku ima ienʼiii.

Jobe 9:12

Muene kia kuata o mbole, nanhi u mu fudisa? Nanhi muene, u muʼila: Ua mu bhangaʼhi?

Jobe 9:4

Muene njimu ia muẋima, munéne mu kusuina; nanhi muene u zoka-nê mba úlua-nê nʼa kalʼé ni kutululuka?

Jisabhu 21:30

Jihova ku tena ku mu dimukina, ku tena ku mu bhanga ndunge, ku tena ue ku mu ta kikutu kia ufue.

Ndongixi 6:10

Ima ioso-ioso, kioso ki i kalé, iala kiá ni dijina diê, a kʼijiia ue kuila muene, muthu, ka tena-phe kuzoka ni íó uoso ua mu tundu mu nguzu.

Izaía 10:15

Kifua dikuua di ta nzabala kua ió ua di kuata bhu maku mu koka muxi? Inga o sela i di thatha kua ió u batula na-iu? Mbé o mbangala i nhikisa oso a i kuata, inga o mbasá i balumunʼé o lukuaku lua ió uala na-iu?

Izaía 29:16

Enu ima ioso mua i tumbulula! Kala o mumbi ua sokela ni utuma, mba o kima kiòʼbhange kiamba o hete kuma: Kʼa ngi bhange; o kitutu kiamba ngumbi iê kuila: Ió kiximba. Kʼejiia kima.

Izaía 45:10

Lamba dia ió uoso uambela tatʼâ: Eie ua ngi vualelaʼhi? Lamba dia ió uambela mamʼâ: Eie ua ngi bhandulukila kima kiahi?

Izaía 64:7

Ki bhuala dingi u hingila o dijina diê, mba u phaphumuka nʼa kuatenene kokué; mbata eie ua tu suekela o pholo, eie ua tu bhangesa ku botomoka mukonda dia ikuma ietu.

Izaía 64:8

Maji kindala-phe, Jihova eiʼeie u Tatʼetu; etu tu utuma, eiʼeie u ngumbi ietu; etu ene-oso tu kibhangelu kia maku mé.

Jelemiia 18:6

Mbé eme ue ki nga soko-bho o ku mi bhanga kala kia bhange o ngumbi iú, enu mu dibhata dia Izalaiele? Jihova ua ki tange. Talaze, mukua ni utuma bhu maku ma ngumbi, kiene ue ki muala enu bhu maku mami, enu mu dibhata dia Izalaiele.

Jelemiia 36:29

O Jehoiakí, sobha ia Juda, u muʼambela, uexi; Jihova uambe kiki: Eie uoha dilanda didi, uixi: Mukonda dia kuila eie ua soneka-ku mu kubhana jimene, uixi: Ni kidi kiene, sobha ia Babilonha ua-nda kuiza anga u muanga ixi iii nʼa bhangesa kuila ni athu ni iama i batuka-mu?

Jelemiia 50:24

Nga ku tela mabhebhe, eie uafu-mu muene, Babilonha! Eie phe ku kʼijidile! A ku bongo, iá a ku kuata, mukonda eie ua di metena kuzoka ni Jihova.

Daniiele 4:35

Kua muene athu oso atungu mu ngongo kingoho, kioso kia mu kala mu vondadi iê kiene kia bhanga ni ku ilômbo ioso ia diulu ni ku jithungiembu joso bhoxiʼabha; kana-ku muthu utena kufudisa lukuaku luê, ni kuila: Ua-nda bhanga kiebhi?

I Kolindo 10:22

Inga tua mesena kuila Ngana tu mu bhekela difuba? Enu mua xinganeka kuila etu kifua tua mu tundu mu kusuina?