Izaía 45:7 - O Mikanda Ikola

⁷ O mukengeji eme nga u bhanga, o itombe eme ue nga i iudika; eme ngi bhanga o paze, eme ngi bhanga o kíbhidi; eme ngi Jihova, ngejiia kubhanga ima ioso iii.

Izaía 45:7 ပူးပေါင်းရင်းမြစ်များ

II Jisobha 19:25

Manhi eie kiluua u kʼivua kuila o ima iii nga i sokelesa kiá tundé ukulu, nga i xinda kiá tundé mu izuua ia xiahulu? Kindala eme nga mu i bheka, phala eie u kale eie muene uenda ni kukitula o jimbanza ja makotʼojo, ni ji kituke maxita ni kikangalakata.

Jobe 10:13

Maji ima iosuʼiii ua i sueka ku muẋima ué; nga kʼijiia muene kiambote kuma iene iosuʼiii eie-muène ua i solo.

Jobe 2:10

Maji muene u mu vutuila, uixi: Kala ki zuela dilaji dioso-dioso, kiene ki ua mu zuela eie; mbé tu tambula ngó jimbote kua Nzambi o ia ibha kana? Mu ima ioso ienhiʼii Jobe ka tela-mu kituxi ni mizumbu iê.

Jobe 34:29

Muene se nʼa bhana kutululuka, nanhi ua-nda ku mu elesa? Se o pholo iê u i sueka, nanhi u tena ku mu tala? Muene ulangidila o miji ni diembu katé ni muthu umoxi ngó.

Jisálamu 105:28

Ua tumikisa-ku kitombe, ixi anga i bokona mua vundu; maji ene ka xikina kuívua-phe o kizuelu kiê.

Jisálamu 29:11

Jihova muene u bhana o nguzu ku mundu uê; Jihova u zediuisa o mundu uê ni kutululuka.

Jisálamu 74:16

O muanha ué eie, o usuku ue ué; Eie ua iudika o mbeji ni dikumbi.

Jisálamu 75:7

Mukonda Nzambi muene ngó o mufundixi u tetulula; u tulula o muthu iú, u tudika o muthu ua mukuá.

Jisálamu 8:3

Kioso ki ngʼila ngi talesa ku diulu, ku ufunu ua milembu ié, ku mbeje ni jithéthembua ji ua iudika, ngʼamba, ngixi:

Makatukilu 14:20

Kifua a batula bhu kaẋi ka kilômbo kia Ijitu ni kilômbo kia Izalaiele; o dituta diene dimoxi, ku mbandu ia akua Ijitu dia bheka kitombe kiedi bui, o ku mbandu ia Izalaiele mukengeji uia ni ku a muikina; kala kiki, usuku uosʼó a di kalela, ka tena ku di zukama.

Izaía 31:2

Hanji-phe, muene njimu, o kiaiibha ua kà kʼixana muene, kioso kia zuela kà ki sondolola, kana; ua kà fundumuka phala kubalukila dibhata dia imbokoto, ni kubalukila dikuatekesu dia akua kubhanga ima kubhuma.

Izaía 42:16

Anga ngi batesa o ifofo mu njila kiluua a ijiia, nga kà a bhitisa mu njila ia musanu; o kitombe nga kà ki bilula mukengeji bhu pholo iâ, o njila jala matadi nga ji iukisa. O ima ienhiʼii iene i nga-nda ku a bhanga, ki mungu dingi nga ehelela.

Izaía 44:24

Jihova dia Mukudi ué, ua ku bhange ki uala mu divumu, uambe kiki: Eme Jihova ngene kubhanga ioso, diulu eme-muène nga di olekele ubheka uami, oxi nga i zale se muthu ku ngi kuatekesa;

Izaía 47:11

Mukonda dia kienhiki, ua-nda kubhita ni uíndua, o ku u tunda kua-nda kuijiia-ku, kibuika kia-nda ku ku iza ku thandu, kua kà tena ku ki lenga; mukonda o kingùmba kia-nda ku ku tumikisa, ki ku xitisa mu thulu, kua-nda kutena ku kʼijiia.

Jelemiia 10:16

O dikanda dia Jakobo-phe, ki dia di fuangana ni iá; kuma muene-muène mubhangi a ima ioso, o Izalaiele muene mbangala ia undundu uê; Jihova dia Ilombo Ieta, diene o dijina diê.

Jelemiia 13:16

Jingisenu Jihova, Nzambi ienu, kiosuʼiki kitombe ki kieza luua, kiosuʼ ʼiki ue o inama ienu kiluua i di bhukajana ku milundu ia vundu, ni usuku uila bui; mu kuila enu mua kingile mukengeji, muene hé u u bilula kizenji kia kalunga, anga u bheka-ku kitombe.

Jelemiia 31:35

Kienhiki kia tange Jihova mukua kubhana o dikumbi phala mukengeji mu muanha, ni itumu ia mbeji ni jithéthembua phala mukengeji mu usuku, Io u jikula makungu mu kalunga anga u bhangesa mabhuku mê kuzuma; Jihova dia Ilombo Ieta diene o dijina diê.

Jelemiia 51:20

Eie eie u kiṗhuṗhilu kiami, eie u mata mami ma ita, ngi sasujula miji ioso ni eie, sobha joso ngi ji sengulula nʼeie.

Kuditenda 3:38

Mu kanu dia Ió ua Suka-ku, manhi ki muene mu tunda o divuua ni mbote?

Izekiiele 32:8

Nga kà bhangesa kuila o mikengeji ioso ibenha ku diulu diakadiaka, ia kà ku vundila, anga o ku thandu dia ixi ié nga kà bheka-ku kitombe, Ngana Nzambi ua ki tange.

Daniiele 2:22

Kima kia jingana, kia kasuèkele, muene u ki aneka; kioso kiala mu kitombe muene u kʼijiie, kuma muene ua tunga ni mukengeji.

Jouele 2:2

Kizuua kia kuvunda, kizuua kia dilamba; kizuua kia ifuke ni kitombe kiedi ni kiene bui, mukuâ ni mukengeji ua kimene ki u di muangena ku milundu, kiene ue ki di sanha o kifuẋi kia mundu ua dikota kia nguzu, kia bhingi kuila tundé ku xahulu kiluua ki kala-ku, o ku pholo ue, ku mivu ia-nda kuiza-ku, ki kià kala-ku dingi, kutunda muiji kuiza muiji.

Amoji 3:6

Manhi mbungu ki i xika mu sanzala, athu a kamba kusasumuka? Kima iaiibha mbé ki bhité ngó mu sanzala, ki Jihova ua ki tumu?

Amoji 4:13

Kuma Muene, muene uombu o milundu iu ua iudika ue o kitémbue, u tanga ixinganeku ia muthu, kimene u ki bhilula usuku, mavu u a bhita bhu thalʼèlele; dijina diê Jihova, Nzambi ia Ilômbo Ieta.

Amoji 5:6

Sotenu-phe Jihova, nda mu laie; Phala muene ue ka di takuile mu bhata dia Zuze kala túbhia, ni tu mu jikinisa, bhu Betele-phe ki bhua-nda ku moneka muthu u tena ku tu jima.

Nahumu 1:8

Muene ua kà bobesa kididi kiki ni kibuika, mukua ni dilúviu dia menha; ua kà kaiesa jinguma jê katé ua a jikinisa mu kitombe.

Jipoxolo 4:28

Ene a di bhongolola phala nʼa bhange kioso o lúkuaku lué ni vondadi ié ia lekelela jinga kuma ki bhita.

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.

Tiiaku 1:17

Kuma o ujitu uambote u tu tambula, ni uhete uauabha, u tunda ku duilu. Ima ioso íii i tuluka kua Nzambi, Tata ua bhanga o mikengeji ia diulu. O muène kene ni kualuluka, kuma mua muène ki muene mú kala nè ngó kizenji kia kualuluka.

Juda 1:13

Edi kala mabhuku ma musanza ua kalunga, ma temanana, ma thuthuma kifulu kia ibhangelu ia jisonhi. A sokela ni jithethembua ja jimbila o njila, ja lungu mu usuku ua ji xikamena, ua ji iudikila Nzambi, uedi ni uene bui, ki uene dingi kukia katé ku hádia ni hádia.

Juda 1:6

Xinganekenu ue kuila ni ji-anju ja kambele kubhaka o ukota uâ, ja xi o kididi kia a tokala, Nzambi ua ji kuika bhoxi dia usuku, ku malubhambu ma kolela-ku katé bhu kufundisa kua Kizuua kiná kia dikota.