Izaía 45:23 - O Mikanda Ikola

²³ Nga di-lokela mu dijina diami eme-muène; kizuela kia kidi kia tundu mu kanu diami, kizuelu kiami ki ki vutuka kuema, kuma ki di kumbidila muene; uila kiki, ngedi: Phuna joso ja kà ngi fukamena muene, o madimi moso ma kà ngi fisala mu kuloka.

Izaía 45:23 ပူးပေါင်းရင်းမြစ်များ

Dimatekenu 31:53

Nzambi ia Mbalahamu, Nzambi ia Naholo, Nzambi ia tatʼâ, a tu tetulule mudietu. Jakobo anga u loka mu Uoma ua tatʼâ Izake.

Nehemiia 10:29

o a beta o uthu mudiʼâ, a di bande ue ku jiphange jâ ni kujiza kuoso, anga a diẋikina mu kubela ku mázui ni ku mulôko, kuila endela mu kitumu kia Nzambi, kia bhele mu ukunji ua Mozé, ngunza ia Nzambi; ni kuila a kuata anga a tumaka o ijila ioso ia Jihova Nzambi ietu, ni mabatuilu mê ni jingonge jê.

Jisálamu 132:2

kioso kia lokela Jihova, anga u di hambelela kua Ngunza ia Jakobo, uixi:

Jisálamu 63:11

Maji o muenexi-phe, u kala mu tanena kua Nzambi; kuma oso a di tuma ni muene, a lúnga; o dikanu-phe dia iá a tanga makutu, hádia di bhinga a kà di xita muene.

Jisálamu 98:2

Jihova uedikiza ubhulukilu uê; o kukumbidila kuê, kua di monekena ku mesu a akua jixi joso.

Izaía 21:17

O a subhuka ku mundu ua iá a kuatele mifula, o ilôlo ia anʼa Kedale, a-nda kutunuka muene, kuma kiene kia kiambe Jihova, Nzambi ia Izalaiele.

Izaía 45:19

Eme ki nga tela maka mu kasuekele, ki nga zuelela koxi a mavu kua vundu, kana; ki nga tangela mbutu ia Jakobo, ngixi: Ngi sotienunu mu kingoho; eme ngi Jihova ngi tanga o kidi, ngi boka ima iaiuka.

Izaía 48:1

Diembu dia Jakobo, ivenukiu, enu oso a mʼixana akua Izalaiele, enu mua tunda mbutu bhu otho ia Juda, muene kulokela mu dijina dia Jihova, muene kutumbula Nzambi ia Izalaiele, maji ki muene mu ki bhanga mu kidi ni mu uiukilu.

Izaía 49:18

Bhetula-ze o mesu mé u kengelele mbandu ni mbandu, tala: ene-osoʼâ a bhongoloka a mu kuiza kokué; nga di-lokela muene, eme Jihova, kuila ene-osoʼâ ua-nda ku a zuata kala kizuatu kia makembu, anga u di-ẋiẋika-nâ kala u díbhanga.

Izaía 55:11

kiene ue kià kala o kizuelu ki tunda mu kanu diami; kiene ki kia kà vutuka kia hatu kokuami, maji kia kà bhanga kioso kia ngi uabhela eme, kale kioso ki nga ki tumukixina kiene ki bhita.

Izaía 60:14

Ni ana a ió oso a ku huhile eie, a kèza ni kudiunda kokué; oso a kexe ku ku lebhula a kà ku fukamena bhu inama ié; ene anga a kà kuixana exi: Diembu dia Jihova, Ziione dia Lemba Dikola dia Izalaiele.

Izaía 61:11

Mbata mukuâ ni kikala o mavu a sabhukisa o ngolôngo iê, kala ue o honga ki i fuafuesa ioso ia kuna-mu, kiene ue Ngana Nzambi kia-nda kusabhukisa o kuiuka ni diximanu phala o mbutu ioso ia athu.

Izaía 62:8

Jihova ua loka ni lukuaku luê lua dilu, ni lukuaku lua undanda uê, kuila nuka dingi a kà bhana o tiliku ié kukala huta ku jinguma jé, o akuʼaxi iengi ue ka kà nua dingi o maluvu mé u ua talela o hadi.

Izaía 65:16

Kienhiki uoso u sanga dibesá mu ngongo, u di sanga kiá mua Nzambi ia kidi-élele; o uoso u loka mu ngongo, u lokela kiá kua Nzambi ia kidi-élele; mbata malamba ma bhitile-nâ a ma jimbi kiá, o mene ue ku mesu mami ma jimuka-ku kiá.

Jelemiia 22:5

O ki mu fula ku bhana o mátui ku maka iá, nga di lokela muene eme ngi Jihova, dizemba didi di kituka ngundu.

Jelemiia 4:2

O ki u loka kuila: Ni Jihova muenhú! Jihova a kole muenhu! mu kidi, ni mu mabatuilu ni mu kuiuka; ni akua jixi jengi-phe a-nda ku di bhanduluila mua muene, mua muene muanda ku di thathela.

Jelemiia 49:13

Mukonda nga di lokela eme-muene-muène, eme ngi Jihova, kuila Bozola ua kà di bhanga kima ki kakukisa, ni lusebu, ni dibuikilu, ni kisunji; o jimbnonge jê joso ja kà di bhanga jingundu ji nangenena.

Amoji 6:8

O Jihova, Nzambi, ua di lokela muene ku muenhu uê, o Ngana, Nzambi ia Ilômbo Ieta, uambe kuila: Kudizangeleka kua Jakobo kua ngi kala kima kia kisunji, o mazemba ma jinzu jâ ja matala, nga di zemba na-ju muene; kienhiki, ni mbonge ni ioso ialamu, nga-nda ku i bhakula muene.

Zakadiia 14:9

Jihova muene ua kà kala Sobha mu ngongo ioso. Bhu kizuuʼokio-phe, Ngana ia kà kala imoxi ngó ni dijina diê dimoxi ngó.

Dialuilu 23:19

Nzambi ki muthu, kuila u ta makutu. Ki monʼa muthu, kuila u zuela luiadi. Kima kiambe, u kamba ku ki bhanga? Kia mu bhiti bhu dimi, u aluluka?

Loma 11:4

Nzambi-phe ua mu vutuilile kiebhi? Ua mu ambela, uixi: Hanji nga subhuka ni sambuadi dia midi ia muthu, kiluua a fukama phuna kua Bahale, o nzambi ia makutu.

Matendelelu 6:13

Enda ni kuxila jinga Jihova Nzambi ié, muene ngó u mu sedivila; o ki ki ku bhinga kuloka, kale ulokela ngó mu dijina dia Jihova.

Filipe 2:10

Uila kiki, mu kujingisa o dijina dia Jezú, ene oso a di fukamena, kixi ió ala mu diulu, kixi ala mu ngongo, kixi ala koxi a mavu mu ʼalunga.