Izaía 45:18 - O Mikanda Ikola

¹⁸ Kuma kiene kiambe Jihova, ua bhanga o maúlu; Nzambi ua tenene kumba oxi, iú ua i iudika; ua i xikika, ka i ʼxia kiṗhulungunzu kia hatu, kana; ua i bhanga phala athu ku tunga-mu, uixi-phe: Eme-muène ngi Jihova, ki kuene uengi.

Izaía 45:18 ပူးပေါင်းရင်းမြစ်များ

Dimatekenu 1:1

Mu dimatekenu Nzambi ua bhanga diulu ni ixi.

Dimatekenu 1:2

Ixi anga i kala ia botomoka, ia kambe ku di umba; kua bhiti kitombe ku thandu dia menha mazongo; Nzumbi ia Nzambi anga u kala mu butamena o menha.

Dimatekenu 1:26

Nzambi anga u zuela, uixi: Tu bhangienu muthu mu kidifuanganu kietu, a bhabhelele ku kijingo kietu, a tumine ku jimbiji jendela mu menha, ni ku jinjila ji bhita bhulu, ni ku ibhaku, ni ixi ioso, ni ku ibamba iendela ku mavu.

Dimatekenu 1:28

Nzambi anga u a tula o kizediuise, uixi: Vualenu, mu sokoloke, mu izalese ixi ioso, mu i tolole; mu tumine ue jimbiji jendela mu menha, ni jinjila ji bhita bhulu, ni iama ioso ia muenhu iendela ku mavu.

Dimatekenu 9:1

Nzambi anga u ta kizediuise kua Noué ni anʼê a mala, anga u a ambela, uixi: Di vualienu mu sokoloke, mu izalese o ngongo.

Jisálamu 115:16

Diulu, diulu diangene dia Jihova, maji o ixi-phe, ua i bhana anʼa athu.

Jisabhu 30:4

Mukuahi ua bandele kiá ku diulu iu ua tuluka? Mukuahi ua koteka o kitembu bhu maku mê? Mukuahi ua kutila menha bhu kizuatu kiê? Mukuahi ua xikika o jihota joso jaʼxi? Dijina diê nanhi, mba o dijina dia monʼê nanhi, se eie ua mu ijiia.

Izaía 42:5

O Nzambi, Jihova uà bhanga maúlu, iu ua ma zala, ua futununa oxi ni ima ioso iene-mu; mukua ku bhana o kubhuima ku mundu uoso uala-mu, ua bhana o nzumbi kua ió a-lu nhungina-mu, uixi:

Izaía 44:24

Jihova dia Mukudi ué, ua ku bhange ki uala mu divumu, uambe kiki: Eme Jihova ngene kubhanga ioso, diulu eme-muène nga di olekele ubheka uami, oxi nga i zale se muthu ku ngi kuatekesa;

Izaía 45:12

Eme nga bhange oxi, eme nga iudikila-mu o muthu; eme nga mu bhange, o maku mami mene mʼoleka o maúlu, o ilombo iâ ioso nga i xindila jingonge.

Izaía 48:13

Lukuaku luami ue luene lua te o madisesa ma oxi, o kadilu kami kene ka zonga o maúlu ku makandʼa maku; kioso ki nga kà exana ene hé a kʼejiia bhuamoxi.

Izaía 51:13

Anga u jimba Jihova ua ku bhanga, uoleka o maúlu iu ua xikika oxi, anga kumbi dioso dia kambàmba uizalʼé ngó kimbuua kia mubuikixi, kia di iudika phala kubuikisa? o kiki-phe, o njinda ia ió uoso ua ku tatesele, ii kuebhi?

Jelemiia 10:12

Jihova ua bhange oxi ni kutena kuê; muene ua xikika o ngongo mu kuijiia kuê, o diulu ua di zale ni kutongoloka kuê.

Jelemiia 51:15

Kuma muene ua bhange o ixi ni kutena kuê, o ngongo iú ua mu i tumina ni kuijiia kuê, iú ua zale o diulu mu unjimu uê.