Izaía 45:16 - O Mikanda Ikola

¹⁶ Ene-oso sonhi ja kà a kuata, kua kà eza muene kutandanganha; oso a iudika iteka a kà dibhalela kumoxi mu dilebhu.

Izaía 45:16 ပူးပေါင်းရင်းမြစ်များ

Jisálamu 97:7

Jisonhi ji kuata oso a bheza o mahamba maseta athu, oso a di fiiala o iteka; u kôla-ze iú, enu mu nzambi jengi; enu oso diundenu bhu pholo iê.

Izaía 41:19

Mu kikangalakata nga kà phapha-mu misédulu, ni muẋi ua musita, ni mumurta, ni mudiva; o mu dinhâna ue nga kà ta-mu mufaia, mu-ulumelu ni ma-álmu kumoxi;

Izaía 42:17

Oso-phe a dielela iteka ia kuseta, a-nda kuzuzuta ni jisonhi; ió ene mu ku ambela o iteka iozunze, exi: Enu mu jinzambi jetu.

Izaía 44:11

Talesa-ze ene oso a dinhenga-nâ a-nda ku kakuka; mukonda jihete joso athu ngó mu athu, kuabhu; a di-phophe a balumuke maji ene-oso anda ku tungunuka anga sonhi jʼa kuata.

Izaía 44:9

Jihete joso ja kusonga iteka, makutu mâ; o ima iâ ioso ue ia a uabhela ni muẋima uoso, ki i bhandulula ni kima; ene muene ala jimbangi kuma o iteka iâ ienhiʼii kumona ki i tena, kuívua lémbue; phala ene a tandanganhe.

Izaía 45:20

Di-phophienu nda muize; ejilenu bhuamoxi enu oso mua bhulaka ku ifuẋi; kʼeji kima oso akua kuambata o iteka ia kuseta ia mixi, anga a samba ni kudionda ku nzambi ki i tena kubhulula muthu.

Jelemiia 48:13

Kieneʼokio-phe Mouabhe ua kà kala ni jisonhi ja Kamu, mukuá ni Izalaiele ki ala ni jisonhi ja Betele, ua mu mexile kidielelu kiê.