Izaía 45:1 - O Mikanda Ikola

¹ Jihova uambe kiki, kua muthu uê a mʼundu ni maji, muene Silu, muthu nga mu kuata mu lukuaku lua dilu, phala muene a ngi toluele o ifuẋi bhu pholo iê, anga jisobha ngi ji sokomona miongo, phala ku mu jikuila mabhitu; mabhitu a bhingi kuila ka kà ma jika dingi.

Izaía 45:1 ပူးပေါင်းရင်းမြစ်များ

I Jisobha 19:15

Anga Ngana u mu ambela, uexi: Ndé, vutukila mu njila ia kuia mu kikangalakata kia Damasku; o ki ua kà bhixila koko, ua ka unda Hazaiele ku usobha ua Sídia.

Ejidala 1:1

Mu muvu ua dianga ua Silu, sobha ia Pélesa phala kizuelu kia Jihova ki tenene kia tange ku dikanu dia Jele miia, Jihova ua tonesa nzumbi ia Silu, sobha ia Pélesa, muene iú ua xikisa ngonge mu ixi ioso ia utuminu uê, ni ku ki soneka mu mikanda, kuila:

Ejidala 1:2

Silu, sobha ia Pélesa, uambe kiki: Jihova, Nzambi ia maúlu ua ngi bhana maútuminu moso mu ngongo, iú ua ngi tumu ku mu tungila inzu mu Jeluzaleme, mbonge iala mua Juda.

Jobe 12:21

U takuila o ilamba mu lusebu, o phonda ia mazonda u i zozesa.

Jisálamu 73:23

Suke kiene, hanji-phe izuua ioso ngi kala jingʼami nʼeie; mbata eie ua ngi kuata mu lukuaku lua kadilu.

Izaía 13:2

Tudikenu mvela ku mulundu uoso ua di-leka, a handekedienu; lekenu lukuaku mu a bhalule, phala a bokuene bhu mielu ia Ilamba.

Izaía 13:3

Nga uanena kiá jingonge ku mundu uami uòsole; kiene muene, o mazonda mami ue, ngʼa exana kiá, ene ku ngi banda kioso ki ngi kuata njinda, ió ene mu sanguluka mukonda dia ungana uami.

Izaía 41:13

Mbata eme, ngi Jihova Nzambi ié, ngi ku kuata mu lukuaku lué lua dilu; hé ngi ku ambela, ngixi: Ku kale ni uoma, eme ngi ku banda.

Izaía 41:2

Mukuahi ua takanene muthu uaiuka ku thunda, iu ua mu bheka bhu kinama kiê? Mukuahi ua tula o ifuẋi bhu pholo iê, iu ua mu mu bhangesa kutumina o jingana? O muene iu ua a bhakula ku xibhata iê kala fufuta, ua a seiela ku mufula uê mukuâ ni ibhiate ia di-ambatesa ni kitembu.

Izaía 41:25

Ngi balumuna muthu ku suku, muthu muenhú hé uiza, ua tundu tundé bhu tundila o dikumbi, muene ua-nda kuhingila o dijina diami; muene ua-nda kutula ku thanduʼa jingana kala ku thanduʼa malôua, kala mumbi kia toxa o utuma, kiene kia-nda ku a diota-diota.

Izaía 42:6

Eme ngi Jihova, nga ku ixana mu kuiuka kuami, nga-nda ku ku kuata mu lukuaku, anga ngi ku bhaka, hé ngi ku bhana u kale u kikutu kia akua jixi joso ni u kale u mukengeji ua akua-matumbu.

Izaía 44:28

Anga ngi tanga Silu kuila: Muenhó kabhila kami, muene ua kà kumbidila o vondadi iami ioso ia ngi uabhela; ngambela ue Jeluzaleme ngixi: Tunga-soma; o Tembulu, ue, ngixi: Tunga dingi o madisesa mé!

Izaía 45:5

Eme-muène Jihova, kana-ku uengi; bhu nga kambe eme, ki bhu kala dingi Nzambi; Kuma eme nga ku zuika ni nguzu, sumbala eie kua ngʼijiia.

Izaía 48:15

Eme, eme-muène nga kiambe; muene ue nga mu ixana kiá, nga-nda ku mu sunga nʼeza, o njila iê nga-nda ku i zediuisa.

Jelemiia 27:6

Kiki-phe jixi joso jiji nga ji bhakula bhu makuʼa Nabukodonozolo, sobha ia Babilonha, mubhikʼami; katé ue ni iama ku mukáu nga mu bhe-iu phala iende ni ku mu bhikila.

Jelemiia 43:10

Anga u a ambela, uixi: Jihova dia Ifuẋi, Nzambi ia Izalaiele uambe kiki: Talenu, nga-nda kutuma, hé ngi katula Nabukodonozolo, sobha ia Babilonha, mubhikʼami, hé ngi ta kiandu kiê kuthandu dia matadi iá u nga sueka, muene balaka iê ia ungana, uà kà iʼòlekela ku thandu dia matadi enhá.

Jelemiia 50:3

Mukonda kua muʼendela muiji ua kusuku ueza mu kuzoka-nê, ua-nda kubhangesa kuila ixi iê i kituka ixi ia ngùnzu, ki i moneka uoso u tunga-mu; tundé ku muthu tulé ku iama ene oso a lenge, aii muene, lalá!

Jelemiia 50:35

O xibhata ia-nda kuiza ku thandu dia akua Kaldeia, Jihova ua ki tange, ni ku thandu dia ia a tungu mu Babilonha, ni ku makota mê ma jingana ni ku jingijiie jê.

Jelemiia 51:11

Zelesenu misongo, o ivunga-thulu iudikenu-iu muene kiambote; Jihova ua phaphumuna miẋima ia jisobha ja Mediia; mbata kia mu kala miẋima mu kuzoka ni Babilonha, o ku muanga kuene; mukonda iii iene o phonzo ia Jihova, o ditota dia Tembulu iê.

Jelemiia 51:30

O mazonda a Babilonha kubhânga a kuʼeha, a di jikila mu imbaka, nguzu iâ ia zondo, a biluka kala ahetu; o mabhata mâ a mʼoha mu túbhia, sabhi jâ a ji bukujula.

Jelemiia 51:58

Jihova phe, dia Ilombo Ieta, uambe kiki: O imbaka ia zanze ia Babilonha hádia a kà i bula muene iene ioso, o mabhitu mê ma lebha kiambote ma kà uama mu túbhia; anga ifuẋi ia kà kalakala mu kingoho, o miji ia kà xikamena ngó phala túbhia, hé ia kà iokojoka muene.

Izekiiele 29:20

Ku futu ia kikalakalu kiê, kia bhange mu kuzoka-nê, nga mu bhana o ixi ia Ijitu, kuma ene a ngi kalakalela eme, Jihova, ua ki tange.

Daniiele 5:6

Anga kienhokio pholo ia sobha ikituluka, ilunji ia mu tandanganha katé ni miongo ia mu botomoka, jiphuna jiteketa, ji di-ṗhuṗha-ṗhuṗha bhuamoxi.

Daniiele 7:5

Ngi kuata kutala, talesa, kumoneka kiama kia kaiadi, kia di-fu ni ursu, kia bhetuka mbandu imoxi, o ku maju kiazenzeka jimbanji jitatu, iá a ki ambela, exi: Balumuka, kokota xitu ia nzungule.

Daniiele 8:3

Ngedi ngi bhetula mesu, nga mono kilumbe kia mbudi kiemana ku kibumu kia ngiji, kiala ni jimbinga jiiadi; jimbinga jalebha muene, maji bhu kala-phe lumoxi lu tunda mukuâ mu kulebha; o lua beta kulebha-phe luene lua suikidila-ku mu kusabhuka.

Daniiele 8:4

Nga mono kuila o kilumbe kia kuata kúlua mítue, ki ṗhuṗha mútue ku luiji, o bhabha ki ṗhuṗha mútue ku suku, o bhabha ki ṗhuṗha mútue ku sulu; iama ioso ia lémbua kuimana bhu pholo iê, ki bhuala ue ua tena ku di bhângela ku nguzu iê. O kiene hé kienda ni kubhanga ioso ia mu tumu o muẋima uê, kiia dingi ni ku di-bandekeza mʼunéne uê.

Nahumu 2:6

O mabhitu a ngiji a ma jikula; o palaxu ia botomoka ii i di bhala.

Nahumu 3:13

Talesa-ze, o mundu ua masoladi mé ma ita, edi ngó kala ahatu oso muʼaxaxi ké; o matundilu oso a ixi ié, a ma jikuila muene o jinguma jé ku mbandu ni mbandu; o jiphapha jé ja felu ja kujika na-ju mabhitu mé, ja kà bhia mu túbhia.