Izaía 43:5 - O Mikanda Ikola

⁵ Ku kale ni uoma-phe, kuma eme ngala bhuamoxi nʼeie; nga-nda kuia ku thunda ku takana-ku o mbutu ié, anga ngi bhita ku luiji ni ku ku ongeka.

Izaía 43:5 ပူးပေါင်းရင်းမြစ်များ

Jisálamu 106:47

Tu bhulule, tata, u Jihova, Nzambi ietu, u tu bhongolole dingi ku matumbu ku tua di muangena, phala tu sakidile dingi o dijina dié, tu kole kikóue kia ku ku ximana eie.

Jisálamu 107:3

Ni iâ muene a bhongolola ni ku a takana ku jixi, ku thunda ni ku mazanga, ku suku ni ku sulu.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 41:14

Ku kale-phe ni uoma, eie u kabamba ka Jakobo, eie u kakifuẋi ka Izalaiele; eme Jihova, ngi ku banda, kuma Mukudi ué, muene Suke-ku, Dilemba dia Izalaiele.

Izaía 41:8

Maji eie-phe, Izalaiele, u selevende iami, eie, u Jakobo, u muthu nga ku tungula, u mbutu ia Mbalahamu dia kamba diami,

Izaía 41:9

eie u muthu nga ku katula ku maẋokololo maʼxi, eme nga ku ixana bhuʼaxaxi ka ió a ku tundu, bhu ua kexile, ngexi-phe: Eʼmuene u selevende iami, eme nga ku sola muene, ki ngi ku ambudisa, kana.

Izaía 43:1

Kiki, kia zuela Jihova ua ku bhanga, eie Jakobo, tata, iu ua ku umbu, eie u Izalaiele, uexi: Ku kale ni uoma, mbata nga ku kula muene; nga ku tumbula muene mu dijina, eie u muthu uami.

Izaía 43:2

Kioso ki ua kà bhita mu menha mua zongo, tuà kala kiiadi; kioso ki uà bhita mu jingiji, kua-nda ku boba; ki uà kà bhita mu túbhia, kua-nda kujikata; o mulengo ki ua kà tena ku kuata kokué.

Izaía 44:2

Jihova, ua ku bhanga iu ua kʼumbu tundé mu mala iú ua xikamena o ku ku banda, uambe kiki: Ku kale ni uoma, Jakobo tata, selevende iami, nʼeie Jesulume u muthu nga ku sola.

Izaía 49:12

Talesa, o iá a kà tunda makanga, o ianá a kà tunda ku suku ni ku mazanga, amukuá a kà tunda kʼoxi ia Sinime.

Izaía 49:18

Bhetula-ze o mesu mé u kengelele mbandu ni mbandu, tala: ene-osoʼâ a bhongoloka a mu kuiza kokué; nga di-lokela muene, eme Jihova, kuila ene-osoʼâ ua-nda ku a zuata kala kizuatu kia makembu, anga u di-ẋiẋika-nâ kala u díbhanga.

Izaía 54:3

Mbata eie ua-nda kusokoloka ni ku kadilu ni ku kiasu; mbutu ié ia-nda kúvua akua-jixi, ilombo ia kexe jingùndu ene a-nda ku i tunga dingi.

Izaía 54:7

Nga ku ehelela kathangana kòfele; maji nga-nda ku kuongeka ni jihenda ja nzungule;

Izaía 61:9

O mbutu iâ a kà i mona, a kà ela ngó sui, exi: ienhiʼii o mbutu ia zediuisa kua Jihova.

Izaía 8:10

Né muedi mu di-phopha bhuamoxi ku kaiula ki ka kà tunda kiambote; né mua te maka, ki ma kuata, lémbue; mbata etu Nzambi tuala-nê.

Jelemiia 23:7

Uila kiki, kua-nda kuiza izuua, eme Jihova, nuka dingi a kèla: Jihova a nangenene, ua katula anʼa Izalaiele mʼoxi ia Ijitu:

Jelemiia 23:8

maji: Jihova a nangenene, uedi muiji ua dibhata dia Izalaiele ua u takana kʼoxi ia kusuku ni ku jixi joso kua a tandele; anga a kà tunga kiá mʼoxi iâ.

Jelemiia 29:14

Enu-phe mua-nda kuà ngi bonga muene, Jihova ua ki tange, nga kà bhangesa kuila jihutile jenu ja kà vutuka, anga ngi mi bhongolola mu miji ioso ni mu ididi ioso mu nga mi takuile, eme ngi Jihova, anga ngi tona dingi ku mi bheka bhu kididi kioso bhu nga mi katuile mu ku mi bheka ku jixi jengi.

Jelemiia 3:18

Mu izuua momo dibhata dia Juda ni dibhata dia Izalaiele a-nda kuendela bhuamoxi; hadia a kʼèjila bhuamoxi mu tunda kuʼoxi ia kusuku nʼeza mu ixi i nga bhanene jitata jâ mu ubhinganu.

Jelemiia 42:11

Ki mu kale ni uoma ua sobha ia Babilonha, mua mu kuatela o uoma; ki mu kale ni uoma, Jihova ua ki tange, mukonda eme ngala ni enu phala ku mi bhulula, ni ku mi bhangesa kubhulaka bhu lukuaku luê.

Jelemiia 51:46

O miẋima ki i mi titile mba mu kala ni uoma ua kibulukutu ki muʼivua mu ngongo; mbata mua-nda kuila kuiza muvu ni kibulukutu kiê, o ki kuiza muvu ua mukuá ni kibulukutu kia mukuâ; mu ngongo mua kà kala usueia, mutumini u zoka ni mutumini ua mukuá.

Jouele 3:7

Tala-phe eme ngʼa sendumuna bhu kididi ku mua a sumbisa, enu hé ngi mi lunduluila o futu ienu ku thandu dia mítue ienu muene.

Mikeia 2:12

Ni kidi kiene, hádia ngi ku bhongolola ni kivimba kioso, eie Jakobo; ni kidi muene, hádia ngi bhongolola o mbandu ia Izalaiele ia xala-bhu; ene oso nga a bhongolola anga nga ongeka bhu kididi kimoxi kala jimbudi ja Bozola; ela kala kilunga kiala muaxaxi ka kibhanga kiâ; ki nga a bhongolola a kà lunguta ni kuta jibuia javulu mukonda dia mundu kuvula.

Zakadiia 8:7

Jihova dia Ilombo Ieta uambe: Tala-ze, nga kà bhulula mundu uami ku ixi i kala ku tundila o dikumbi ni ku ixi i kala ku tudila o dikumbi.

Luka 13:29

Ku thunda ni ku uômbe, ku suku ni ku sulu, ku tunda athu a kà xikama ku meza mu Ungana ua Nzambi.

Nzuá 10:16

Ngala ue ni jimbudi jamukuá, ki jala mu kibhanga kiki. Jenhiji ki bhinga ngi ji takana. Jene jívua o dízui diami, hé ji kala kilunga kimoxi ni mubidi umoxi.

Matendelelu 30:3

bhenhobho-phe o Jihova Nzambi ié, ua kà ku takana dingi ku ubhika ku uaiioko, anga u ku lendukila; hé ukuata ku ku phopha bhuamoxi, u ku bhongolola dingi mu jixi joso mua ku muangenene Jihova Nzambi ié muène.