Izaía 43:3 - O Mikanda Ikola

³ Mbata eme-muene Jihova Nzambi ié, Dilemba Dikola dia Izalaiele, Mubhuludi uê; nga bhana Ijitu mu ku kukula, ni Itiiópia ni Seba, bhu kididi kiê.

Izaía 43:3 ပူးပေါင်းရင်းမြစ်များ

Dimatekenu 10:7

Anʼa Kuxi enhá: Seba, Havila, Sabata, Lahama, Sabateka; anʼa Lahama enhá: Seba ni Dedane.

Jisálamu 72:10

Jisobha ja Talxixi ni mu ikolo a kà mu bhana o lubhaku; o jisobha ja Xeba ni Saba ja kà mu bhekela maujitu.

Makatukilu 10:7

Akua mbèle ia Falaó a mu ambela, exi: Mbambe bhebhi bhu suka muthu muenʼíú ni ku tu tatesa? A ehe, mala enhá, aie, a bhikile Jihova Nzambi iâ; kífua kua kʼijiia luua kuma Ijitu a mu sengulula?

Makatukilu 20:2

Eme Jihova, Nzambi ié, nga ku katula mʼoxi ia Ijitu, mu dibhata dia ubhika.

Jisabhu 11:8

Muthu ua iuka ene ku mu bhulula ku kibhidi ni ku dilamba; mukua phulu-phe anga u bhingana-bhu.

Jisabhu 21:18

Mukua-phulu ufua bhu kididi kia muthu ua iuka; o kidiangu ufua bhu kididi kia muthu uemana muẋima nzanza.

Izaía 19:20

Kiene ki kala kijimbuete ki bhana umbangi kua Jihova dia Ilômbo Ieta, mʼoxi ia Ijitu; kuma kioso kia kèza kingumba, ene a kà dikola kua Jihova, o muene ua kà a tumikisa Mukudi, ni Mubhangedi, ua kà a kudila.

Izaía 20:3

Bhenhobho Jihova u zuela, uixi: Selevende iami Izaia, o kuenda kiki ni tuẋi, ni inama bhoxi mu mivu itatu, kia di bhange kijimbuete ni kidiuanu phala Ijitu ni Itiiópia.

Izaía 30:11

Njila xenu-iu bhu mbandu, abhukenu mu kikoka: bhangesenu-kiu muene kuila o Dilemba dia Izalaiele ka kale dingi bhu mesuʼetu.

Izaía 41:14

Ku kale-phe ni uoma, eie u kabamba ka Jakobo, eie u kakifuẋi ka Izalaiele; eme Jihova, ngi ku banda, kuma Mukudi ué, muene Suke-ku, Dilemba dia Izalaiele.

Izaía 42:8

Eme ngi Jihova, didi diene o dijina diami; o fuma iami ki ngi i bhana muthu uengi, kana, mba o diximanu dia ngi tokala eme ngi di ehela ku iteka ia kusonga.

Izaía 43:11

Eme, eme-muène ngi Ngana, kana-ku Mubhuludi uengi, kale eme ngó.

Izaía 45:14

Jihova uambe kiki: Ni midimu ia Ijitu, ni mauenji ma Itiiópia, ni jisabeu, o mala alebha kitala, a kà bhita ku konda ié, a kale é-eie; a kʼendela kuema dié, a kèjiia bhu jingidinhá, a kà ku diundila; a kà ku dionda muene, ni kuila: Kidi kiene, Nzambi uala momué, kana-ku dingi nzambi iengi.

Izaía 45:15

Kia kidi kiene, eie-muène u Nzambi, ua di sueka, u Nzambi ia Izalaiele, u Kibhamuenhu.

Izaía 45:21

Kundenu-kiu, Zukamenu, tenu kaiula mudienu, mukuahi ua tenene kuivisa kiki tundé mu xiahulu? Nanhi ua ki ambe tundé ku xiahulu? Abha ki eme-muène Jihova? Ki bhuala ue Nzambi iengi, eme-muène ngó; Nzambi u kala ni muanu ua ku kumbidila, u di-bhanga kibhamuenhu, ka moneka, kale eme ngó.

Izaía 49:26

O ió a ku bhondeleka ngʼa dikila niʼxitu jâ-ene, a kà kodiua ni manhinga mâ kala maluvu; anga xitu ioso ia kejiia kuma eme ngi Jihova, ngi Mubhuludi ué, Ngi Mukudi ué, ngi Dizonda dia Jakobo.

Izaía 60:16

Eie ua-nda kuámua o lete ia akua jixi, anga u di-dikila ni ima i tunda ku mele ma jisobha; anga u kʼijiia kiambote kuma eme ngi Jihova ngi Mubhuludi ué, Mukudi ué, muene Dizonda dia Jakobo.

Izaía 63:8

Kuma muene uambele, kuila: Ene povo iami mu kidi, ana ka tange makutu, kiene kia di-bhangela Mubhuludi uâ.

Jelemiia 14:8

Eie u Kidielelu kia Izalaiele, eie u Mukudidi uê mu kithangana kia jiphaxi! u di bhangela-hi kala u nzuangiza moxiʼumu? mba u ngenji-a-thumba u bhambukila kuzekela usuku?

Jelemiia 16:21

Kala kiki, talesa-ze, nga-nda ku a ejidisa muene, kiki kiá nga-nda ku a ejidisa o lukuaku luami ni kutena kuami; anga à kejiia kuamba dijina diami eme Jihova.

Izekiiele 39:7

Anga nga kʼèjidisa o dijina diami dikola muʼaxaxe ka mundu uami ua Izalaiele, eme ue ki mungu dingi ngʼehelèla o kukasanesa o dijina diami dikola, phala akua jixi nʼa kʼijiie kuila eme ngi Jihova, iuná Ukôla mua Izalaiele.

Hozeia 13:4

Sumbala kiene, hanji tunde koxi ia Ijito, eme Jihova Nzambi ié; kala kiki, kana ku di tambulula dingi ni nzambi iengi nʼu ngi xi eme, mbata ki kuene dingi Mubhuludi uengi, kale eme-muène ngó.

Ijila 11:44

Mbata Eme ngi Jihova Nzambi, ienu; di bhakienu-phe ni kuzela kuma Eme nga zela; kana ku di kasanesa o muenhu uenu ni tubamba tuoso tu zanzala ni kuendela ku mavu bhoxi.

Amoji 9:7

Jihova uixi: Enu mu anʼa Izalaiele, manhi kokuami ki mu sokela ni anʼa akua Itiiopia? Manhi ki eme muene nga bandesa Izalaiele mu kutunda mʼoxi ia Ijitu, kala kia tundu akua Fidíxia ku Kafitole ni akua Sídia ku Kile?

Zakadiia 9:9

Sanguluka kiavulu, eie monʼa kilumba mu Ziione; Tumbujuka ni ngalasa eie u monʼa kilumba mu Jeluzaleme; tala, sobha ié iú uiza kokué, u fundisa mu kidi, Mubuludi, ngadiama, ua sambela ku thandu dia bulu, ku thandu dia kaseseme ka bulu, kamona ka bulu ia mukaji.

Juda 1:25

muène Nzambi imoxi ngó, Mubhuludi uetu a mu bhele fuma kua Jezú Kristu Ngana ietu, ni kujînga, ni kutumina, ni kusuina, tundé kuema dia kukala, ni kiki, katé ni ku hádia ni hádia.