Izaía 42:8 - O Mikanda Ikola

⁸ Eme ngi Jihova, didi diene o dijina diami; o fuma iami ki ngi i bhana muthu uengi, kana, mba o diximanu dia ngi tokala eme ngi di ehela ku iteka ia kusonga.

Izaía 42:8 ပူးပေါင်းရင်းမြစ်များ

Jisálamu 66:2

Imbenu, mu ku tumbula o dijina diê; tumbulenu o fuma iê.

Jisálamu 83:18

Phala a kʼijiie kuma eie ngó uavu o dijina dié dia Jihova, ku moneka luiadi; eie-muène ngó Suke-ku mu ngongo ioso.

Makatukilu 34:14

Mukonda eie, Izalaiele, kana ku bheza jinga nzambi iengi, kuma Jihova dijina diê Difuba, ka ẋikina kuila ku kala mukuâ, mukonda muene Nzambi ia Difuba.

Makatukilu 4:5

Uixi: Phala a ku xikane, kuila Jihova, Nzambi ia jitata jâ, Nzambi ia Mbalahamu, Nzambi ia Izake, Nzambi ia Jakobo, ua ku tukulukila.

Izaía 43:11

Eme, eme-muène ngi Ngana, kana-ku Mubhuludi uengi, kale eme ngó.

Izaía 43:3

Mbata eme-muene Jihova Nzambi ié, Dilemba Dikola dia Izalaiele, Mubhuludi uê; nga bhana Ijitu mu ku kukula, ni Itiiópia ni Seba, bhu kididi kiê.

Izaía 48:11

Mukonda dia Dijina diami, mu Dijina diami, muene mu nga ki bhange, abha-phe ngʼehela kiebhi o dijina diami ku di-kasanesa? Kijingo kiami ki nga kà ki bhana ku muthu uengi.

Izaía 48:5

Kiene ima iii ki nga ku tudila na-iu tundé mu thembuʼomo; kioso kiluua i bhita, eme-phe nga ku ivisa-iu kiá, phala ku ile, uixi: O dilemba diami diene dia bhange ima ienhiʼii, mba o kiteka ki nga songesa, mba mukixi (o mukôko) u nga zunza, uene ua i tumikisa.

Izaía 48:6

Ua kʼivua jinga kiá; tonginina ima ioso ienhiʼii kiambote; abha-phe, imʼei ki mua i kundila-hi? Tundé ue kindala, ngandeka-phe kiá ku ku ivisa, ima ii ki mu i kundila-hi? Tunde ue kindala, ngandeka-phe kiá ku ku ivisa.

Jelemiia 33:2

Jihova ua mu bhanga o ima iii, Jihova uala ku i iudika phala o ku i kuatesa, uambe kuila, Jihova diene o dijina diê.

Daniiele 5:4

Ene edi anua o vinhu, a di te mu fumanesa mahamba ma ulu, ni ma phalata, ni ma ngòndo, ni ma jifelu, ni ma miẋi ni ma matadi.

Nzuá 5:23

mbé oso nʼ a xile Mona, kala kia xila Tata. Uoso ua kambe kuxila o Mona, ni Tata ua mu tumu, ka mu xila.

Nzuá 8:58

Kuala Jezú: Kidi kiene, ngi mi ambela: Kioso Mbalahamu kiluua a mu vuala. Eme ngeniami kiá.

Matendelelu 28:58

Se ua kambe kualuka ni ku kumbidila o maka moso ma Kitumu kiki, mòsoneke mu Ndunda ienhiʼii, anga u kamba kuxila o dijina diangene dikola, di kuatesa uoma, o dijina dia Jihova Nzambi ié,