Izaía 42:22 - O Mikanda Ikola

²² Maji o athu iá, athu ònhane, óbhunde; ene oso a a kutila mu jingenda, ia a a sueka mu jinzu ja makuikilu; a a bhange mbole, u a kudila ka moneka; ela kala imbamba ia kubhunda, ki bhuala uila: Vutula, nguetu!

Izaía 42:22 ပူးပေါင်းရင်းမြစ်များ

Jisálamu 102:20

phala evue o mikemu ia ió a a kuika; mbé o kujituna oso a xikamena ku a jibha.

Jisálamu 50:22

Kala kiki xinganekenu-kiu, enu kua Nzambi mua jimbi-ku; sumba ngi mi sanujuna kala hoje, u mi kudila ki mu mu mono.

Izaía 1:7

Ixi ienu ia xala ngùndu, madiembu menu ma jikata mu túbhia; o mikáu ienu enda ni ku mi dia-iu kuala athu engi, akua jixi ja makanga, enu mu ki mona mesu; kibuika-phe kia athu engi kia mi vubuka.

Izaía 14:17

Ua kitula jinga oxi kala kikangalakata, o jimbanza jê iú ua ji sengulula jinga? O jihutile jaʼxi muene ka ji ehela jinga kuiá ku mabhata mâ.

Izaía 18:2

U tuma ilôlo iendela ku musanza, mu jinaviio ja jixiia, kulu dia menha, uixi: Ndenu, enu jiphunga ja sakalala, di-tedienu ku kifuxi kia athu a lebha, ala ni kikonda ki lujela, ku athu aẋinuka tunde ukulu, ene mu ku a kala ni uoma bhua butu ni ku makanga, kifuxi kia bhindamena kutumina, kifuxi ki talesa hadi, ene mʼoxi iouane ku jingiji.

Izaía 24:18

Kienhokio-phe, uoso ua kèla, iza ngi lenge kibulukutu, ua kà laúka mu diela, o kiela ngi tunda mu diela, utudila mu mùkala, ua naminina; mukonda bhulu jinjanena a ji jikula, bhoxi, madisesa ma tunguta.

Izaía 24:22

Anga ene-oso a kà a lunjika mu ngenda kala jipelezo, à kala ku upelezo mu katutu; o ki bhita dingi nzungule ia izuua, a kà a zungila luamukuá.

Izaía 24:3

Oxi ia kà kukumuka muene, ki mu xala kama, a kà i bhûnda, mbata Jihova ua tange kizuelu kiki.

Izaía 36:1

Anga ki bhita mu muvu ua kuinhi ni uana ua sobha Ezekiia kuma Senakedibe, sobha ia Asídia, u banda kúlua madiembu moso ma jimbonge ja Juda, iu ua ji tambula.

Izaía 42:23

O kienhiki mudienu, mukuahi u xikina ku kʼivua? mukuahi u batekela nʼevue kioso kʼiza ku hádia?

Izaía 42:7

Phala u tonese o mesu a ifofo, ni ku jituna oso a a kuika, ni ku katula muʼaleia oso-a xikama mu kitombe.

Izaía 45:13

Silu eme nga mu balumuna phala ku kalakala-nê ima ia fuamena mu uiukilu, njila jê joso nga kà ji iukisa; muuene ua kà tunga mbanza iami, ua kà jituna jihutile jami, sé futu, sé mibhaku, kiene kia tange Jihova dia ifuẋi.

Izaía 5:29

O mutendu uâ kala ua hoji, a kà koma muene kala anʼa hoji, xi, a koma anga mbole aia na-iu, o u i kudila ka moneka.

Izaía 51:23

Inda nga kà di tula bhu maku ma ió a ku tatesele, ambelele o muenhu ué, xi: Bhetama, tua-nda kubhita ku kunda dié; anga eie u ta dikunda dié kala mavu ma kudiata, kifua mbambe ni njila phala jingenji.

Izaía 56:9

Enu mu iama ioso ia mukáu, nʼenu mu iama ku muxitu, izenu mu die.

Jelemiia 50:17

Izalaiele ua soko ni mbudi ia jimbila; a mu kaiesa kuala jihoji; sobha ia Asídia muene ua dianga ku mu dia; o kua suku kunu, Nabukodonozolo, sobha ia Babilonha, muene ua mu bukula o ifuba.

Jelemiia 52:31

Anga ki bhita kuila mu muvu ua makuinhi a tatu ni sambuadi ua uhutile ua Nzuakí, sobha ia Juda, mu mbeji ia kakuinhi ni kiiadi, bhu kizuua kia makuinhi aiadi ni kitanu ku mbeji, kia muvu ua dianga ua utuminu ua Evile-Melodake, sobha ia Babilonha, kiene sobha muenhú kia bhetula mútue ua Nzuakí, sobha ia Juda, iú ua mu katula mu inzu ia dikuikilu;