Izaía 42:17 - O Mikanda Ikola

¹⁷ Oso-phe a dielela iteka ia kuseta, a-nda kuzuzuta ni jisonhi; ió ene mu ku ambela o iteka iozunze, exi: Enu mu jinzambi jetu.

Izaía 42:17 ပူးပေါင်းရင်းမြစ်များ

Jisálamu 97:7

Jisonhi ji kuata oso a bheza o mahamba maseta athu, oso a di fiiala o iteka; u kôla-ze iú, enu mu nzambi jengi; enu oso diundenu bhu pholo iê.

Izaía 44:11

Talesa-ze ene oso a dinhenga-nâ a-nda ku kakuka; mukonda jihete joso athu ngó mu athu, kuabhu; a di-phophe a balumuke maji ene-oso anda ku tungunuka anga sonhi jʼa kuata.

Izaía 1:29

Kuma sonhi ja kà mi kuata, mukonda dia luimbi luenu lua mixi ia mikaluvadiu i mua kôlesa, pholo ia kà mi sonoka mukonda dia mábhia a itulu u mua solo phala kubhezela.

Izaía 44:17

Bheneʼobho ku kiximbu kia subhuka-bhu u ki iudika kia nzambi, kiteka kia kuseta; u ki fukamena, u diunda bhoxi, u ki tela jihasa, uixi: Ngi kudile, mukonda eie muene u Nzambi iami.

Makatukilu 32:8

Kindalʼiki a bhambuka kiá mu njila i nga a tumina kuenda; a di iudikila kiteka kia ndumbe ia ngombe, kia utadi ua kuzunza, a ki bheza, a ki satela, exi: Jene-ze o jinzambi, enu mu Izalaiele, ja mi katula mʼoxi ia Ijituʼiji.

Makatukilu 32:4

Muene kia zubha ku ji tambula bhu maku mâ, u iudika kiteka kia utadi kia ndumbe ia ngombe, anga u ki seta ni felu iatu; anga amba exi: Jinzambi jé jinhiji, enu mu Izalaiele, ja mi katula mʼoxi ia Ijitu.

Izaía 44:9

Jihete joso ja kusonga iteka, makutu mâ; o ima iâ ioso ue ia a uabhela ni muẋima uoso, ki i bhandulula ni kima; ene muene ala jimbangi kuma o iteka iâ ienhiʼii kumona ki i tena, kuívua lémbue; phala ene a tandanganhe.

Izaía 65:13

Kala kiki, Jihova Nzambi, uixi: Talesa, jiselevende jami a kà kala mu kudia, enu-phe mua kà tala hadi ni nzala; talesa, jiselevende jami a kà nuá, maji enu-phe mua kà kala ni dinhota: talesa jiselevende jami ja kʼènda ni kutana, maji enu-phe sonhi ja kà mi kuata;

Jelemiia 46:5

Mukonda diahi nga mu mona akua uoma kubhana-ku makunda? Mazonda mâ a ma tolola, o mu kulenga ka mu tala dingi kuema; kuma uoma uavulu ua a kuata ku mbandu joso— Jihova ua ki tange.

Jisálamu 135:18

Oso a i iudika, ene uâ a soko-â na-iu; katé ni akuá oso a i dielela.