Izaía 42:11 - O Mikanda Ikola

¹¹ Iphenza ioso ni madiembu mê Zangulenu dízui, ni tusanzala tuoso tua Kedale; oso a tunga ku matadi ele muene bulukutu ni ngalasa; nzôngo iâ a i tele muene ku thala-a-milundu.

Izaía 42:11 ပူးပေါင်းရင်းမြစ်များ

Dimatekenu 25:23

Jihova anga u mu vutuuila, uixi: Ifuẋi iiadi ia ku kala moxi diê, miiji iiadi ia kà di uanununa tunde mu vumu, muiji umoxi ua kà tunda mukuâ mu nguzu, o dikota dia kà bhikila o ndenge.

Jisálamu 120:5

Kokolo diami, eme ngi nzuángiza, nga mu nhunganena bhu Miseke; eme ngi mukua bhata mu jibalaka ja Kedale.

Izaía 12:5

Imbilenu Jihova, mbata ima ia bhange, ia matunda! Oxi ioso i tume ku kʼijiia.

Izaía 16:1

Tumikisenu jimbudi kua muenexi ua tumina oxi, tunde ku Sela, mu kiphenza, jiie katé ku mulundu ua mona-kilumba mu Ziione.

Izaía 21:16

Mbata Jihova ua ngʼambela, uixi: Mu muvu umoxi, midila ia muvu ua mukua-nganhu, kijingo kioso kia Kedale kia kà jikinina.

Izaía 32:16

O kutetuluka kua kà kala mu kikangalakata, o ubatuilu ua iuka ua kà kala mu mavu a idima.

Izaía 35:1

Ni kikangalakata ni ididi ia kukuta ia kà sangulukila kienhiki; dinhana dia kà tana, anga ditulula kala diloza.

Izaía 35:6

Kizuuʼokio-phe, inema ia kà tuka-tuka, kala jimbambi; o dimi dia mabubu dia kʼemba; mbata mu kikangalakata mua kà fuafua menha, o mu dinhana mua kà fuafua jingiji.

Izaía 40:3

Dízui dia ió u dikola mu ditutu: Iudikenu njila ia Jihova, iukisenu ikoka mu dinhana phala Nzambi ietu.

Izaía 43:19

Talesenu, nga-nda kubhanga kiá kima kiobhe, kia-nda ku di-monekena muene; mbe ki mua-nda ku kʼijiienunu? nga-nda kujikula njila mu kikangalakata, ngi ta jingiji mu dinhana.

Izaía 52:7

Inama iê kuuabha kuahi, ku milundu kuná, ia ió ueza kutula njimbu ia kubhanduluka, ni kuivisa kioso ki bhulukisa muthu; ueza kuambela Ziione kuila: Nzambi ié muene uala ku ungana!

Izaía 60:7

Ilunga ioso ia jimbudi ja Kedale ia kéza kokué, ilumbe ia Nebaiote ia kà ku tokala eie, i ku bhikila; a kà i xikina ni vondadi kuma sata ku kalatódio kami; eme hé nga kà fumanesa inzo ia kizunda kiami.

Jelemiia 21:13

Jihova uambe kiki: Talesa, eme nga ku futulukila eie, ua tunga mu dikolo, eie u ndanji mu dinhana, nga mi luualela enu muala kuila: Mukuahi u kulumuka kunu ku tu lua? Mba mukuahi u bokona mu mabhata metuʼô?

Jelemiia 48:28

Jimbonge xé-nu-ju mu tunge mu matadi, enu muà tunga bhu Mouabhe; muile kala diembe ki di tunga o kikalanga kiê ku nzènde ia dikenhe.

Jelemiia 49:16

O ku dizangeleka kué ni ku di temeneka kua muẋima ué kua ku nganala kiavulu. Eie ua tunga mu mabànda ku matadi, ua tulama bhu thala dia milundu, né-mbé kikalanga kié u ki ta bhua dileka kala holokoko, hanji, kuenhoko kuene ku nga-nda ku ku lundumuna, Jihova ua ki tange.

Jelemiia 49:31

Balumukenu mu bande mu kúlua ni muiji ua tululuka, ua tunga ua soma Jihova ua ki tange, muiji ki u moneka mabhitu mba makumba, kuma ene a tunguʼâ ngó.

Izekiiele 27:21

O Alábia ni ilamba ioso ia Kedale, ene kiá a kexile ngenji ja ku ku tela o uenji ua tumbudi ni ilumbe ni isutu; uenhú uene o uenji ua-ta jinga nʼeie.

Obadiia 1:3

Ukumbu ua muẋima ué ua ku nganala, mukua ni ió uoso u tunga mu mabanda a matadi; kifua ua tungu ua somo, hé u tanga ku muẋima uê kuma nanhi ua kà ngi muanga kulu dia mundu?

Nahumu 1:15

Talesenu kiá ku milundu, o inama ia ió ua mu bheka o jingolokela ja njimbu iambote, o inama ia ió ukola o kutululuka. Eie Juda, bhanga kiá o fesa jé, kumbidilenu o jihasa jenu kua Nzambi, mukonda abhumu kà ka tona kubhita dingi moxi ienu. Ngà a bhuikisa-ku kiá.