Izaía 42:10 - O Mikanda Ikola

¹⁰ Imbilenu Jihova mukumbi uobhe, o diximanu diê diende muene ni ku tokomoka tundé kua suku oxi; teketenu enu ue mua mu kuendela ku thanduʼa kalunga mu jinaviiu ni ima ioso iene-mu, nʼenu ue mu ikolo ni oso a tunga-mu.

Izaía 42:10 ပူးပေါင်းရင်းမြစ်များ

I Malunda 16:32

Kalunga ka zume ni mabhuku mê moso; o mikáu ia kanga itane-ku ni ima ioso iala-mu.

Jisálamu 150:6

Uoso o muenhu uala-ku, uala ni kubhuima, a ximane Jihova. Ximanenu Jihova!

Jisálamu 33:3

Mu tedienu mukumbi uê ua ubhe; xikenu uhete, mu tambuijile kiambote.

Jisálamu 40:3

Ua ngi te muimbu uobhe mu kanu diami, ua ngi bhana mukumbi ua kuximana Nzambi ietu; phala athu avulu a ki mone, a kale ni uoma, nʼa kale jinge mu dielela kua Jihova.

Jisálamu 65:5

Ima ia undanda, Ngana, i uene kubhanga mu kuitaia kué ni kidi kié, u Nzambi ietu ia kibhamuenhu; eie a ku dielela katé ku maẋokololo aʼxi, ni kua iá a takuka dikanga ku musanza.

Jisálamu 72:10

Jisobha ja Talxixi ni mu ikolo a kà mu bhana o lubhaku; o jisobha ja Xeba ni Saba ja kà mu bhekela maujitu.

Jisálamu 96:11

Diulu di tane-ku, mu ngongo mu sanguluke! Kalunga ka dikole ni mabhuku mê moso!

Jisálamu 97:1

Jihova ua hingi ungana uê; ixi ioso i tane-ku! Ni mu ikolo iê iavulu a kale ni ngalasa.

Makatukilu 15:1

Kizuuʼokio Mozé ni anʼa Izalaiele emba muimbu iú, mu kuximana Jihova, exi: Ngʼimbila Jihova, kuma Muene ua di jingisa kinéne; ni kabalu ni iú ua sambela-ku ua a texe mu menha.

Makatukilu 20:11

kuma mu izuua isamanu muene mua iudika Jihova o diulu ni ixi, ni kalunga, ni ima ioso iala-mu, anga unhoha kia kasambuadi; kia bhangesa Jihova kubenzela o kizuua kia sabhalu, iu ua ki kôlesa.

Izaía 11:11

Mbata kia kà bhita kuila, Jihova mu kizuua kieneʼokio ua kà vutukila kuta lukuaku luê mu kuondolola dingi o masubhu a mundu uê, a subhuka ku Asídia, ni ku Ijitu, ni ku Pátulu, ni Itiiópia, ni ku Elame, ni ku Xiniiale, ni ku Hamate, ni ku ikolo ia kalunga.

Izaía 12:5

Imbilenu Jihova, mbata ima ia bhange, ia matunda! Oxi ioso i tume ku kʼijiia.

Izaía 42:4

O muene ka kà fula, ka kà mu tolojola katé kia bheka o uiukilu mu ngongo; o ikolo ia kà kingila o ulongelu uê.

Izaía 44:23

Enu, maúlu, imbenu ni ngalasa, mbata Jihova muene ua bhange kiki; tanenu-ku, enu mu ididi ia boloka, enu mu milundu te-nu nzongo ia kusanguluka; nʼenu ue mu mixitu, ni mixi ioso iene-mu; mbata Jihova ua kula Jakobo iú ua tambula fuma mu Izalaiele.

Izaía 48:20

Tundenu mu Babilonha, muʼaxaxi ka akua Kaldeia lengenu-mu. Kolenu-kiu ni nzôngo ia kikóue; kiki ivisenu-kiu, mu ki ambate muene katé kua suku oxi, muexi: Jihova ua kula selevende iê Jakobo.

Izaía 49:13

Imbenu, mu maúlu, eie ue u ixi, sanguluka; enu mu milundu tenu nzôngo ia kutana, kuma Jihova lelu ua tululula o povo iê, jihukunhu jê ua ji lendukila.

Izaía 49:6

Muene uambe dingi: O kukala ngó u selevende iami, phala kubhangulula ibuka ia Jakobo, ni ku ngi bhekela dingi o masubhu ma Izalaiele, ki kia soko; maji nga ku xikika, nʼu kale u Mukengeji ua akua-matumbu; ua a bhekela kubhuluka, katé ku maẋokololo aʼxi.

Izaía 51:5

O uiukilu uami ua zukama; ubhulukilu uami iú tomboka kiá; maku mami mene ma-nda kutetuluila o mundu; ikolo ia-nda ku ngi xikamena ni kukinga, ene a-nda kudielela kubhandulukila ku lukuaku luami.

Izaía 60:6

A-nda ku kuizalesa ni jikamelu; ni jikamelu ji tunda ku Midiiane ni ku Efa, bhuila bulukutu mvengete; ene oso a kà tunda ku Seba; a-nda kubheka ulu ni uasu ua mazumba; anga a fumanesa o diximanu dia Jihova.

Izaía 60:9

Ni kidi kiene, o ikolo ia kà ngi xikamena, jinaviio ja Talxixi jene ja kà tuama, phala kuiza kuxila dijina dia Jihova, Nzambi ié, ni kua Dilemba Dikola dia Izalaiele, mukonda muene ua ku jingisa.

Izaía 62:11

Talesa, Jihova ua ki kola muene katé ku maẋokololo maʼxi, uixi: Kilumba monʼa Ziione mu ambelienu, muixi: Talesa, ubhulukilu ué iu uiza; tala, ni futu iê uiza na-iu, ni kikalakalu kiê kia mu tuamenena.

Izaía 65:14

Talesa, jiselevende jami ja kà kala mu kuimba mukonda o miẋima iâ ia sanguluka, maji enu-phe mua kà ta jingololo mbé o ngongo; muʼá kala ni kukumba mukonda dia kikote kia muẋima uenu.

Sofoniia 2:11

Jihova ua kà a lungulukila, o jinzambi joso ja mu ngongo anga u ji jikinisa; akua jixi ene oso a kʼèza kua Muene ku mu bheza, tunde mu ididi iâ ni miji ioso mu ikolo.

Dijingunuinu 14:3

O hâma ia midi ni makuinhi auana a midi ni midi jiuana, anga emana bhu pholo ia kiandu, ni bhu pholo ia iama iuana ia muenhu, ni ia ikulakaji, anga emba o muimbu uâ uobhe. O muimbu uenhó, kana muthu dingi u tena kudilonga-u, kikale ene ngó ió oso a a kula mu ngongo.

Dijingunuinu 5:9

Anga emba o muimbu uobhe, exi: Kia ku fuama eie, kutambula o divulu, ni kujikula o idimbu iê. Kuma eie a ku jibhile, o mu kùfua kué Nzambi ua mu sumbila athu ku miji ioso, ni ku madimi moso, ni ku madiembu moso, ni mu ifuẋi ioso.