Izaía 41:26 - O Mikanda Ikola

²⁶ O kienhiki mukua-hi ua ki tange tunde bhu dimatekenu, nda tu kʼijiie, mba mukua-hi ua ki jimbula, kioso kiluua kʼiza-bhu, nda tu muʼile: Ió muthu uaiuka? Maji lémbue, ki bhuala u ki jimbula, ki bhuala u ki tukulula, ki bhuala ngó muthu uivua maka menu.

Izaía 41:26 ပူးပေါင်းရင်းမြစ်များ

Izaía 41:22

Ndokuenu, zenu mu tu kundile ima ioso ia-nda kuiza-ku; tu kundidienu ioso ima ia kexe-ku mu thembu jokulu, nda tu i tongolole, tu ʼijiie o disukelu diê; mba-phe tu ivisienu o ima ia hádia.

Izaía 41:4

Mukuahi-phe ua bhange kiki, uexana o miji phala i kuate o kulaia tunde ku dimatekenu? Eme ngi Jihova; nga dianga, eme-muène ngala ue kumoxi ni iá a sukidila-ku; eme-muène, muene!

Izaía 43:9

Ifuẋi ioso iòngame bhuamoxi, jipovo ji di-phophe; mukuahi mudiâ u tena ku tu tangela kiki, nʼa tu ivisa ima ia xiahulu? a tuie-bhu jimbangi jê, phala mundu a kʼivue, nda a ki xikine kuila, kidi kiene.

Izaía 44:7

Mukuahi ua soko ni eme mu kuixana, ni ku dianga o ku lumbolola kiki, anga ima u i ta mu ididi iê, kioso ki ia tokala kubhita, bhu pholo iami, tundé ki nga bhange o muiji ua diangele-ku? Muenhó a tange ima ia hádia, ni ima ioso ia kéza-ku.

Izaía 45:21

Kundenu-kiu, Zukamenu, tenu kaiula mudienu, mukuahi ua tenene kuivisa kiki tundé mu xiahulu? Nanhi ua ki ambe tundé ku xiahulu? Abha ki eme-muène Jihova? Ki bhuala ue Nzambi iengi, eme-muène ngó; Nzambi u kala ni muanu ua ku kumbidila, u di-bhanga kibhamuenhu, ka moneka, kale eme ngó.

Izaía 46:9

Lembalalenu ima ia bhita tundé mu xiahulu; Kuma eme-muène ngi Nzambi, kana-ku Nzambi iengi, kana-ku ua soko nʼeme,