Izaía 41:24 - O Mikanda Ikola

²⁴ Talesenu-phe, enu ki mualʼokio, ki mu kima, kana; o kikalakalu kienu, kingoho kialʼé kota; uoso u mi sola enu, u diuana kisunji.

Izaía 41:24 ပူးပေါင်းရင်းမြစ်များ

Jisálamu 115:8

Ki kala o iteka iene, ki kala oso a i bhanga; ki kala ue ene oso a i dielela.

Jisabhu 28:9

Uoso o mátui mê u ma landukisa, nguaiê kubatekela mu kuividila o ngonge, katé ngó ni musambu uê, u kituka kisunji kiaiibha kua Ngana!

Jisabhu 3:32

Kuma Ngana ua di-zemba ni athu abhukumuka, maji o kikutu kiê u ki jituina athu oso aiuka muẋima.

Izaía 37:19

jinzambi jâ ja iteka a ji oha mu túbhia; mukonda ki jinzambi, kana; ikalakalu ia ufunu ua maku ma athu, mixi ni matadi; kiene-phe kia ji jikinisina.

Izaía 41:29

Kuma ene oso a di-bhange kingoho; o ikalakalu iâ, ki kima; o iteka iâ ia kuzunza mulenge uahatu, uene kima kia ngó.

Izaía 66:24

Ene-phe a kà tunda mu kutala, anga a kà mona imbi ia athu oso a bhangele ima ia ku ngi bhumina; mbata dibhuka diâ ki dia kà fua, o túbhia tuâ ki tua kà jima dingi; anga enhá a kà kala kisunji ki kuatesa uoma ku xitu ioso.

Jelemiia 10:14

Muthu uoso-lolo ua di bhange kingoho, kejiia kima; azunzi oso sonhi ja a kuata kia tala o kiteka kiâ kia kuzunza; kuma o iteka iê ia kuzunza makutu ngó, momuʼâ kana-mu muenhu moxi.

Jelemiia 10:15

Ia di bhange kingoho, midimu ia mangonha; o bhu kithangana kia ku a zungila, hinu a jima o mbutu.

Jelemiia 10:5

Ela kala diaie, kikalakalu kia bhiti ku torno, maji o kuzuela-phe ka tena, ku bhinga muthu u a ambata, mukonda ene ka tena kuenda; ki mua a kuatele uoma mbata kialʼokio ka tena ku bhanga kia iibha, mba ue a kala ngó ni kutena kua ku bhanga mbote.

Jelemiia 10:8

Maji ene oso a di bhange ima ia ngoho, a kituka maioua: Manhi, muxi, ulongelu ua kingoho.

I Kolindo 8:4

Uila kiki, ku mbandu ia kudia kua satela o iteka, tua kʼ ijiia kuma kiteka kima kia ngoho mu ngongo, kuma ki ala bhu kididi kia kima ki kiene-ku. Etu-phe tuejiia kuma kuala ngó Nzambi imoxi, kana-ku iengi.

Matendelelu 27:15

Lamba dia ió uoso u iudika kiteka, kia kusonga, mba kia kuzunza, kia di zemba na-kiu Jihova, ufunu ua hete, anga u ki tula bhu hota mu kasuekele. Mundu uoso-phe a kà tambuijila ni kuila: Amén!

Matendelelu 7:25

Iteka iâ ia kusonga, ia jinzambi jâ mu i ta mu túbhia; ni phalata ni ulu uoso ua zunzila ku iteka ioio ki i mi kuate luimbi, ki mu i katule ni i mi bhekele kidibukanu ki mi jikinisa; mukonda ima ienhoio kua Jihova Nzambi ienu ufusa!

Matendelelu 7:26

Kana kubokuesa kima kia ufusa ni kisunji mu jinzo jenu; mu di zemba na-kiu muene, phala ki mu di bhekele lufuku ku thadu dienu, anga mu sokela ni ima ienhoio; inda i mi ibhile muene, sondoluele-nu-iu dikanga, mukonda lufuku muene.

Dijingunuinu 17:5

O bhu dibhomo diê bhuòsoneke dijina, o dijimbuluilu diê dia kasuèkele, exi: Babilónia ia dikota, mama u vuala idianzunga ioso ni oso a bhanga isunji mu ngongo.