Izaía 41:17 - O Mikanda Ikola

¹⁷ O jiphulungu ni akua-hadi oso a sota menha, o menha-phe ka moneka, anga o dimi diâ di thothuena ni dinhota; maji eme, ngi Jihova, nga-nda ku a evua, eme ngi Nzambi ia Izalaiele, ki ngʼa ehelela, kana.

Izaía 41:17 ပူးပေါင်းရင်းမြစ်များ

Dimatekenu 28:15

Talesa eme muene ngala ni eie, ngi kulanga ku ididi ioso ku uia, hinu ngi ku bhangesa kuvutuka dingi mʼoxi muenhumu; kuma ki nga-nda ku ku ehela katé ki nga kà kumbidila ima ioso i nga ku ambela.

I Jisobha 17:8

Bhenhobho anga ku muiza kizuelu kia Ngana, kiexi:

II Malunda 6:17

Uila kiki, Jihova, Nzambi ia Izalaiele, kizuelu kié ki di bhange ki ua tanga kua mubhikʼé Davidi.

Jisálamu 22:15

Bhu xingu bhua ngi kukuta kala kimènga kia mavu; dimi dia ngi naminina ku jinganzuánzua; ua ngi takuila mu fufutila ia mavu a kalunga.

Jisálamu 34:6

Ngadiamʼiii ia dikola, Jihova ua mu ivu, ua mu kudila mu jiphaxi jê joso.

Jisálamu 37:25

Tunde mu undenge, o kiki nga kuka; kiluua ngi mona mukua kidi a mu ehelela, mba mbutu iê ienda ni kubhinga jimola.

Jisálamu 42:2

Muenhu uami ua ngʼizala ni dinhota dia Nzambi, o Nzambi ia muenhu; kizuua kiahi ki nga kà bhixila, hé ngi di bhakula bhu pholo ia Nzambi?

Jisálamu 50:15

Nda u dikola ko kuami, mu kizuua ki kuiza o kutata; eme ngi ku kudila, eie anga u kala ni ku ngi ximana.

Jisálamu 74:21

Phulungu, ua bhondalala, Ngana, eie ku mu kakule dingi; ni ngadiama ni muthu ua tate, a ximane o dijina dié.

Jisálamu 94:14

Kuma Jihova ka tena kusenga o mundu uê, muene ka tena kuehelela o undundu uê.

Makatukilu 17:3

O mundu-phe bhenhobho dinhota dia a kuata; mundu anga a longolola Mozé, exi: Phala-hi ua tu katula mu Ijitu; phala ku tu jibha ni dinhota, etu ni anʼetu ni ibaku ietu?

Makatukilu 17:6

Eme-ze ngi ku tuamenena kuenhoko, nga kèmana bhu ditadi bhu Holebe; eie-phe ua kà beta ditadi, mua kà fuafua menha, phala o mundu uoso a nue. Mozé anga u ki bhanga ku mesu a adiakimi a Izalaiele.

Izaía 30:19

Mbata athu a kà tunga muene mu Ziione, mu Jeluzaleme; kua kà dila dingi, kana; kidi kiene, Muene ua kà ku kuatela henda, kabasa eie udikola, o muene kia ku ivua dízui, uà kuitaia.

Izaía 42:16

Anga ngi batesa o ifofo mu njila kiluua a ijiia, nga kà a bhitisa mu njila ia musanu; o kitombe nga kà ki bilula mukengeji bhu pholo iâ, o njila jala matadi nga ji iukisa. O ima ienhiʼii iene i nga-nda ku a bhanga, ki mungu dingi nga ehelela.

Izaía 43:20

O iama ia mukáu ia-nda ku ngi bhikila jinga, ni jinhoka ni anʼa kihendembumba; kuma nga-nda kuta menha-mu-menha mʼoxi ia kisekele, ni jingiji ji kunguluka mu dinhana, phala kunuisa povo iami, o mundu uami u nga tungula.

Izaía 44:3

Mbata o uala ni dinhota nga-nda ku mu lunduluila menha, o mukáu uakukuta nga-nda ku u fuafuesa jingiji? nga-nda ku lundulula Nzumbi iami ku thanduʼa mbutu ié, luvualu lué ngi lu tuluila kubhanduluka.

Izaía 48:21

Ene ka tatele ni dinhota, kioso kia endesa mu kikangalakata, ua a tubhuilile menha mu ndanji. Kioso muene kia budile o ndanji, anga o menha a buabumuka, a mu tunda muenhomo.

Izaía 49:10

Ka kala dingi ni nzala, kà kala dingi ni dinhota, né muzukuta né muanha ki ua kà a kuama dingi; kuma muenhó mukua ku a lendukila, ua kà endesa, anga ua kà a batesa kilendu katé ku jifiẋi ja menha.

Izaía 55:1

Enu, oso muala ni dinhota izenu ku menha, nʼenu oso mua lémbua kitadi, izenu, sumbenu, mu die; eué, zenu, mu sumbe mu ngoho sé kitadi, né suilu, vinhu ni lete.

Izaía 58:11

O Jihova u ku endesa izuua ioso, anga u dikila o muenhu ué mu ididi ia kukuta, hé u ku bhana o nguzu mu ifuba; eie-muene u kala mukuâ ni díbhia diotekele, kala fiẋi ia kunuina, menhʼé kene mu kamba.

Izaía 61:1

Nzumbi ia Ngana Nzambi ua ngi tula ku thandu; mukonda o Ngana ua ngʼundu kutudila jingadiama njimbu ia mbote; ua ngi tumu kusaka oso ala ni kikote mu muẋima; ni kuxika ngonge ia ufolo ua abhika, ni kujikula o jikaleia phala kujituna oso a a kuika.

Izaía 62:12

A-nda ku a luka exi: Mundu Uangene, Jihule ja Jihova; eie-phe a-nda ku ku luka exi: Na Nginde, A-mu-sota; Na Mbanza-ka-mu-ehelela.

Izaía 65:13

Kala kiki, Jihova Nzambi, uixi: Talesa, jiselevende jami a kà kala mu kudia, enu-phe mua kà tala hadi ni nzala; talesa, jiselevende jami a kà nuá, maji enu-phe mua kà kala ni dinhota: talesa jiselevende jami ja kʼènda ni kutana, maji enu-phe sonhi ja kà mi kuata;

Izaía 65:24

Anga kia kà bhita, kuila ene kiluua a zubha kuixana, eme nga kʼètaia kiá; kuila ene kiluua ngó a zubha kuzuela, eme ngevuʼami kiá.

Izaía 66:2

Kuma lukuaku luami luene lua bhange imbamba iosuʼiii, imbamba iosuʼiii í iòbhange, kiene kiambe Jihova; maji, ivua uoso ngi mu tala: Eme ngi suua uoso ngadiama uala ni muẋima ua toloka, anga u kenanena kizuelu kiami, ió muene ngi mu suua.

Jelemiia 31:25

Mukonda o muenhu ua iokojoka nga uʼikutisa, o mienhu ioso iala ni malamba nga i disa í iekuta.

Kuditenda 4:4

O dimi dia mona bhu maku, dia kokotela mu kanu mbebhu o dinhota; Tumbonga kia bhinga o kúdia, ki bhuala u a bhana-ku.

Izekiiele 47:8

Bhenhobho-phe u ngʼambela, uixi: O menha iá a mu kungulukila ku mbandu ia thunda, hé a kulumuka mu musanza ua Kalunga ka di Fuila; o kia zubha o kubhiẋila momo, menha ma kalunga ma iuka kiá.

Matesu 5:3

A zediua jingadiama ja muẋima, mukonda o Utuminu ua Diulu uâ ene.

Matesu 5:6

A zediua ió, o kubhanga ima ia iuka a ku kuatela nzala ni dinhota, mbata hádia ekuta.

Luka 16:24

Anga u di kola uixi: Tata Mbalahamu! Ngi kuatele henda! Tuma Lázalu a bondeke mútue ua mulembu uê mu menha, eze a ngi talalese bhu dimi, mukonda nga xixima kiavulu mu mulengʼumu!

II Kolindo 12:9

Muène-phe ua ngambela uixi: O kiadi kiami ki ku sokesa-na-u. Kuma nguzu iami i beta kota mu kutena mu ku bhuila kué. Uila kiki-phe, nga sanguluka, kimuua ngi di fiiala o kubhuila kuami, phala nguzu ia Kristu i kale ni kutena momuʼami.

Dijingunuinu 21:6

Anga u kumuna dingi, uixi: Maka ma zubha kiá kubhita! Eme ngi Alafa ni Omeka, ngi Dimatekenu ngi Dizubhilu. Uoso dinhota dia mu kuata, ngi mu bhana kunua bhʼotho ia menha ma muenhu, mu ngoho.

Dijingunuinu 22:17

Ni Nzumbi ni Dibhanga, edi: Izá! Uoso ue uívua imʼíii, ele: Izá! Uoso dinhota dia mu kuata, eze. Uoso uandala, a tambule o menha ma muenhu mu ngoho.