Izaía 41:15 - O Mikanda Ikola

¹⁵ Talesa, nga ku bhange u kivundilu kióbhe kia songoloka o jisungu; ua kà sengulula o milundu, anga u i titila, o tu thuthulundu u tu bhanga kala isaxi.

Izaía 41:15 ပူးပေါင်းရင်းမြစ်များ

Jobe 41:30

Kʼoxiʼa divumu diê, kuala ibheletete iedi kala jisongo; muene u di zala ku thandu dia jisongo kala uala mu malôua.

Jisálamu 18:42

Bhenhobho nga a fufujula, a phephuluka ni kitembu; nga a titidila kala mavu a malôua mu nzunga.

Izaía 17:13

Akua jixi a kà numina kala kiene kunumina dibhubha dia menha, maji Nzambi ua kà a bazela, anga a kà lengela dikanga; ene a kà a kaia kala ibhiate ku mulundu, kia i bhitula kuala o kitembu, mukuâ ni fufutila ia mavu, kia i nhangumuna kuala o kitembu kia nguzu.

Izaía 21:10

Uaué, tata, kibetelu kiami; Uaué taté! Tiliku ia kibhâmba kiami kia kuvundila! Nga mi tudila kioso ki ngevu kua Jihova dia Ilombo Ieta, muene Nzambi ia Izalaiele.

Izaía 28:27

Kuma ji-eleviiaka kene ku ji beta ni muxi ua kuvundila; o kominhu ue kene ku i bhitisa malola ma dikalu ku thandu diê; hé kima, ji-eleviiaka u ji vunda ni mbangala, o kominhu-phe u i beta ni kamuẋi ngó.

Izaía 29:5

O jinguma jé ja-nda kukala nzungule kala fufuta, o isuéia ia-nda ku ku vula kala mvindu ia ibhiate isomboka, kindala u tukumuka kia ku iza.

Izaía 42:15

Ni milundu ni tuthuthu-lundu ngʼi bilula oxi ia kisèkele, o isasa iê ioso ngi i kukutisa, o jingiji nga kà ji kitula ikolo, o mazanga ngi ma thothuenesa.

Izaía 64:1

Ó Ngana! Tamanu ua budile maúlu anga u tuluka, o milundu anga i di keleka mukonda dia pholo ié!

Jelemiia 51:20

Eie eie u kiṗhuṗhilu kiami, eie u mata mami ma ita, ngi sasujula miji ioso ni eie, sobha joso ngi ji sengulula nʼeie.

Jelemiia 51:33

Mukonda Jihova dia Ifuẋi, Nzambi ia Izalaiele, uambe uixi: O monʼa kilumba ua Babilonha uedi kala dizanzu (kienda) bhu kumbi dia kuvunda jimbutu; kua mu xala ngó kithangana kumbi dia kumuna di bhixila.

Jelemiia 9:10

Ku milundu ngi tela-ku nzongo ia ku dila, mu ididi i dila o ibhaku mu kikangalakata ngi tela-mu jingololo; kuma mua jikata kiá, u bhita-mu ka moneka dingi; ki muala dingi ku tunda kukoma kua ibhaku; tundé ku jinjila ja bhulu, tulé ku iama, edi o bunganʼéel … ia a lenge-mu!

Izekiiele 33:28

O ixi anga nga kà i kitula ia jingùndu ni kimbuua, anga o izala ia nguzu iê ia kà bhua-ku; o milundu ia Izalaiele ia kà xalèla jingùndu ji bhinga kana muthu ua kà bhita-mu.

Daniiele 2:35

Bhenhobho-phe kiá, ni felu ni utuma, ni ngòndo ni phalata kumoxi kiá ni ulu, iene ioso sasu-sasu, anga ikituka kala ibhiate i ala kubhiata bhu mbango, kitembu kia i ambatesa, katé iendelela ni kididi bhu ia kexile ki bhu moneka dingi; maji o ditadi-phe dia nemeka o kiteka, dia di bhange mulundu uonéne, anga uizalesa oxi ioso.

Mikeia 4:13

Balumuka, u vunde, eie monʼa kilumba mu Ziione! Mukonda mbinga ié nga kà i bhanga ia felu, o iala ié ia ngòndo; ua kà sanujuna ndumba dia ifuẋi ia miji, futu iâ anga ua kà i bhakuila Jihova, ni umoni uâ kua Ngana, uavu o ixi ioso.

Mikeia 5:8

O mbandu-phe ia subhuka-bhu, ia Jakobo, anga ia kà kala mu kaxi ka miji ioso, muʼaxaxe ka ifuẋi ia ndumba, mukuâ ni hoji muʼaxaxi ka iama ia mukáu mu muxitu, kala kamunzangala ka hoji muʼaxaxi ka ilunga ia jimbudi; kuma iene ki i bhita, ua kàia ni kujikuata ni ku ji jibha, anga ji di bhanga mbole iê, o u ji kudila ka moneka.

Habakuke 3:12

Jihova ixi ua iendela ni njinda, o miji ua i titidila ni kutema kuê.

Zakadiia 4:7

Eie nanhi, mulundu ua dikota? Bhu pholo ia Zolobabele ua kà kituka-phe u kiphenza. Kuma muene ua kèza ni di tadi dia sukidila-ku dia thunge, ni ku mu tela o kikoue, kuila: Èue! Èue, tadi dienhʼidi!

Josuué 17:18

o milundu tambula-iu muene; o muxitu, u u solala, kioso ki tunda-mu, ki kale kiê; Makanana ua kà a kaia muene, sumbala akua makalu a jifelu, anʼa mazonda muene.

Afundixi 6:16

Jihova anga u tuma dingi ku mu ambela, uixi: Eme ngi kala ni eie sé kufula, akua Midiiana-phe ua kà a nemeka kala muthu umoxi ngó.