Izaía 41:13 - O Mikanda Ikola

¹³ Mbata eme, ngi Jihova Nzambi ié, ngi ku kuata mu lukuaku lué lua dilu; hé ngi ku ambela, ngixi: Ku kale ni uoma, eme ngi ku banda.

Izaía 41:13 ပူးပေါင်းရင်းမြစ်များ

Jisálamu 109:31

Kuma ua tate-ó, muene u mu imanena ku madilu; mu ku mu bhulula kua ió andala ku mu êlesa, mbé nʼa mu jibha.

Jisálamu 118:7

Jihova uala bhu mbandu iami, kumoxi ni iá ala ku ngi kuatekesa; nga-nda kumona kia ngi bhanga o jivondadi kua ió a ngi zembe.

Jisálamu 63:8

Muẋima uami ua ku nhenganana muene; o lukuaku lué lua dilu, luene lua ngi fikidila.

Jisálamu 73:23

Suke kiene, hanji-phe izuua ioso ngi kala jingʼami nʼeie; mbata eie ua ngi kuata mu lukuaku lua kadilu.

Makatukilu 14:13

Mozé anga u ambela o mundu, uixi: Ki mu kale ni uoma; ximbakatenu nda mu mone o ubhuluilu ua Jihova, ua-nda ku mi bhanga lelu; kuma o akua Ijitu mua-lu mona lelu, ku pholo ku tuia nuka dingi mua kà a mona.

Makatukilu 20:20

Mozé anga u ambela mundu, uixi: Kana kukala ni uoma; kuma Nzambi ueza ku mi lola, phala uoma uê u kale bhu pholo ienu, phala ki mu te ituxi.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 42:6

Eme ngi Jihova, nga ku ixana mu kuiuka kuami, nga-nda ku ku kuata mu lukuaku, anga ngi ku bhaka, hé ngi ku bhana u kale u kikutu kia akua jixi joso ni u kale u mukengeji ua akua-matumbu.

Izaía 43:6

Ngambela mbandu ia suku, ngixi: Bhana! Anga ngambela mbandu ia sulu ngixi: Kana ku a bhaka; ngi bhekedienu anʼami a mala ene dikanga; ni anʼami a ahatu ene kua suku oxi.

Izaía 45:1

Jihova uambe kiki, kua muthu uê a mʼundu ni maji, muene Silu, muthu nga mu kuata mu lukuaku lua dilu, phala muene a ngi toluele o ifuẋi bhu pholo iê, anga jisobha ngi ji sokomona miongo, phala ku mu jikuila mabhitu; mabhitu a bhingi kuila ka kà ma jika dingi.

Izaía 51:18

Ku ana oso a vuala muene, ki bhuala u tena ku mu batesa kamuanu; o ku ana oso a sase, kana-bhu ua tena ku mu kuata mu lukuaku.

Jelemiia 30:10

Ku kale-phe ni uoma, eie mubhukʼami Jakobo, Jihova ua ki tange, eie ue Izalaiele, kana kusasumuka; kuma, tala, nga-nda ku ku bhulula ku jixi ja makanga, ni muiji ué ku ixi ia uhutile uê; anga Jakobo ua kà vutuka dingi, hé ua kà nhoha, ua kà kala muene bhua kondama; ki bhua kà kala u mu kuatesa uoma.

Jelemiia 46:27

Eie-phe Jakobo, dia mubhikʼami, ku kale ni uoma, mba u kala ni kimbuua eie Izalaiele; mukonda eme nga-nda ku ku bhuluila muene dikanga, o mbutu ié ngi i bhuluila muene ku ixi ia ubhika uâ; o Jakobo hádia u vutuka, anga ua kà nhoha, u tuluka muene, ki bhua kà kala muthu u mu kuatesa uoma.

Ajeu 2:5

Mu kukumbidila kikutu kiami ki nga ta ni enu, kioso ki mua tundu ku Ijito. O Nzumbi iami u tunga muʼaxaxi kenu; ki mu kale ni uoma.

II Timote 4:17

Bhenhobho-phe Ngana ua ngʼimanena, ua ngi bhana nguzu, phala ngi tene kuzubha kubhana o Ngolokela, akua jixi joso, ka tokala ue mu muiji ua Jijudé, nʼévue. Iu ua ngi kudila mu kanu dia hoji.