Izaía 41:12 - O Mikanda Ikola

¹² Né uedi u a kenga, kua-nda ku a sanga; kuma ió oso a bhânga mvunda nʼeie, a-nda kubatuka-ku; kala ue ió oso alua ita nʼeie, a di bhanga kingoho.

Izaía 41:12 ပူးပေါင်းရင်းမြစ်များ

Izaía 17:14

Ku ola ia ngoloxi, ki kua-nda kulèmba, talesa kimbuua kia bokona kua akua jixi, maji kuma kuandeka ngó kúkia, ene ka kà moneka dingi. Didi diene o dikânda dia futu ia tokala ió ene ku tu bhûnda, ni uíndua ua fuama ió oso ene ku tu nhana.

Izaía 29:8

U di fuangana ni mukua nzala, uanjiua kala ua mu dia, o kia balumuka ku kilu, nzala iê iii-ié; mba u di fuangana ni mukua dinhota, uanjiua kala iú unua, o kia balumuka ku kilu, dinhota di dié, o muenhu uê hanji ua botomoka ni dinhota; kiene kia-nda kukala ifuẋi ioso, a-nda kúlua mulundu ua Ziione.

Izaía 34:12

O midikixi muene mu ia kà bhanga dibhata diâ; ungana a kà uʼiẋanena anʼa jingana, maji ki bha ka moneka né umoxi ngó a mu bhanga sobha; o ilamba iê ioso ki ia kà kala kima.

Izaía 49:25

Maji, Jihova uambe kiki: Kidi kiene, ió a a kutu, a-nda kutunda muene bhu maku ma dizonda, o mbole ia kuata o kisuéia, ia-nda kubhulaka muene; mbata nga-nda kuzoka ni ió oso a zoka nʼeie, o anʼé nga-nda ku a kula.

Sofoniia 3:19

Tala-ze, kuma, mu kizuuʼokio, nga kà a vutuila phulu kua iá ene oso a ku tatesa jinga; nga kà bhulula o inema ioso ala kutenguna; ió oso a a kaie, ene oso nga kà a bhongolola, anga nga kà a kitula diximanu, hé a kà fumana dijina mu ixi ioso mua a bhela jinga o dilebhu ni ku a kuatesa o jisonhi.