Izaía 41:10 - O Mikanda Ikola

¹⁰ Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 41:10 ပူးပေါင်းရင်းမြစ်များ

Dimatekenu 15:1

Kia zubha kubhita imʼiii, kizuelu X kia Jihova ki sanga Mbalamu ku kilu, uixi: Ku kale ni uoma mbata eme ngi ngubu ié, ngi kisakidilu kié kiavulu o kuvula.

Dimatekenu 26:24

Jihova anga u mu tukulukila usuku uenʼió, u mu ambela, uixi: Eme ngi Nzambi ia Mbalahamu tatʼenu; kana kukala ni uoma ua kima kioso-kioso, kuma eme ngala bhu mbandu ié, ngi ku bhana kuzediua, o mbutu ié ngi i sokolola, mukonda dia selevende iami Mbalahamu.

Dimatekenu 31:5

Muene anga u a ambela, uixi: Nga mono o pholo ia tatʼenu, ki ia ngi kala dingi ni ngalasa kala mʼokulu, maji-phe o Nzambi ia tatʼetu uala ni eme.

Dimatekenu 49:24

maji o uta uê ua mufula hanji muene ua suína, mixibha iê ia maku ia tambula nguzu, kua ió Kutende diangene dia Jakobo, kuene kua tundu o mubidi, ni tadi dia Izalaiele.

II Samuuele 22:19

Ene andalele ku ngi tukumuisa mu kizuua kiami kia uíndua; maji Jihova-phe muene ua ngi bande.

I Malunda 12:18

Bhenhobho Nzumbi anga i bokona mua Amasai, o kilolo uala mutumini a makuinhi a tatu, uixi: Etu tua kutokala eie, Davidi! Etu tualʼetu kumoxi ni eie, u monʼa Jese! O kutululuka, kutululuka kukale nʼeie! O kutululuka kukale ni ió oso ala ku ku kuatekesa! Kuma-ze, o Nzambi iê, u ku kuatekesa muene! Davidi anga u a a tambulula, anga u a bhanga jikabhitangu ja kifuẋi kia masoladi mê.

II Malunda 20:17

Mu mvunda iii, enu ki mua-nda kubhânga; mu sukila ngó mu kanga, hé muʼimana, nda mu mone kiá o ubhulukilu ua-nda ku mi bhana Jihova, eie Juda ni Jeluzaleme, ki mu kale ni uoma bha mu sasumuka; mungu muene ndé-nu mu kutakana-nâ, mbata Jihova ua kà kala ni enu.

II Malunda 32:8

Muene uala ni lukuaku lua xitu, etu-phe tuala-nê, muene Jihova, Nzambi ietu, phala o ku tu kuatekesa ni ku tu luila o ita ietu. O mundu anga a tululuka kievu maka ma Ezekiia, sobha ia Juda.

Jisálamu 144:11

Ngi kudile, u ngi tambule bhu maku a mbutu ia athu engi; a bhingi o dikanu diâ di zuela izala ioso, o kia leka lukuaku, lu kala lua makutu.

Jisálamu 144:8

A bhingi dikanu diâ di zuela izala ioso; o kia leka lukuaku, lu kala lua makutu.

Jisálamu 145:14

Jihova u balumuna oso a di bhale, hé u bhetula oso a zeka bhoxi.

Jisálamu 147:12

Ximana Jihova, eie u Izalaiele; ximana Nzambi ié, eie u Ziione.

Jisálamu 18:36

Ua ngi bhana kuta makanda ma nguzu; bhoso bhu nga diota ki ngi xangumuka.

Jisálamu 27:1

Jihova muene umuikinu uami, ubhulukilu uami; ngi kala-phe ni uoma ua nanhi? Ngana muene ua ngi bhana o nguzu ia kukola muenhu, uebhi-phe ngi mu kala ni hele?

Jisálamu 29:11

Jihova muene u bhana o nguzu ku mundu uê; Jihova u zediuisa o mundu uê ni kutululuka.

Jisálamu 33:12

Ixi ioio i zediua, avu Jihova kuma Nzambi iâ; ni mundu uoso ua solo muene, kuma undundu uê.

Jisálamu 37:17

Kuma akua phulu ió, a kà bukuka o maku; Jihova-phe u fikidila athu ua a mono kuiuka.

Jisálamu 37:24

Né ua di bhale, ka di bhalelà-ku; kuma Jihova u mu kuata ni lukuaku luê.

Jisálamu 41:12

Eme-phe bhabha, ua ngi bhana o kulaia, mukonda ua ngi mono o kulúnga kuami, eie ua ngi bhana o kuimana bhu pholo ié, katé ku hádia ni hádia.

Jisálamu 46:11

Jihova dia ifuẋi tuala-nê kumoxi; o Nzambi ia Jakobo kimbaka kietu. (Selah.)

Jisálamu 46:7

Jihova dia ifuẋi tuala-nê kumoxi; o Nzambi ia Jakobo kimbaka kietu. (Selah.)

Jisálamu 63:8

Muẋima uami ua ku nhenganana muene; o lukuaku lué lua dilu, luene lua ngi fikidila.

Jisálamu 65:5

Ima ia undanda, Ngana, i uene kubhanga mu kuitaia kué ni kidi kié, u Nzambi ietu ia kibhamuenhu; eie a ku dielela katé ku maẋokololo aʼxi, ni kua iá a takuka dikanga ku musanza.

Jisálamu 99:4

Eie, ku ungana ué, uinda kufundisa kuambote; o ixi iasekalele, eie ua i fukula dingi kiengi; eie kufundisa kué mua Jakobo, kua kidi ni kutetuluka:

Makatukilu 14:13

Mozé anga u ambela o mundu, uixi: Ki mu kale ni uoma; ximbakatenu nda mu mone o ubhuluilu ua Jihova, ua-nda ku mi bhanga lelu; kuma o akua Ijitu mua-lu mona lelu, ku pholo ku tuia nuka dingi mua kà a mona.

Makatukilu 20:20

Mozé anga u ambela mundu, uixi: Kana kukala ni uoma; kuma Nzambi ueza ku mi lola, phala uoma uê u kale bhu pholo ienu, phala ki mu te ituxi.

Izaía 12:2

Talesa-ze, Nzambi muene ubhulukilu uami; eme, muene ngi mu dielela, ki ngi kalʼami ni uoma; mukonda o Ngana Nzambi, muene nguzu iami, muene mukumbi uami, iu lelu ua di-bhange kibha-muenhu kiami.

Izaía 35:4

Ambelenu a botomoka o miẋima: suinenu, ki mu kale ni uoma; talesenu, o Nzambi ienu iu uiza mu vutula o phonzo, ni futu ia Nzambi uiza na-iu; muene ua kʼèza hé u mi bhulula.

Izaía 37:6

Izaia iu ua ambela, uixi: Ngana ienu kà mu jimbuidienu kiki: Eme Jihova uambe: Ku kale ni uoma ua maka mu uevu, ma ngi lebhula na-u abhika a sobha ia Asídia.

Izaía 43:5

Ku kale ni uoma-phe, kuma eme ngala bhuamoxi nʼeie; nga-nda kuia ku thunda ku takana-ku o mbutu ié, anga ngi bhita ku luiji ni ku ku ongeka.

Izaía 44:2

Jihova, ua ku bhanga iu ua kʼumbu tundé mu mala iú ua xikamena o ku ku banda, uambe kiki: Ku kale ni uoma, Jakobo tata, selevende iami, nʼeie Jesulume u muthu nga ku sola.

Izaía 49:8

Jihova ua zuela kiki: Sai thembu ia tokala i nga kuividila, sai kizuua kia kubhuluka ki nga ku kudila, nga-nda ku ku langa, nga-nda ku ku bhanga u kikutu kia mundu, phala u bhangulule oxi, maubhinganu ma buikisile u ma bheka dingi bhu maku ma athu oso ma a tokala.

Izaía 50:9

Mua mono-ze, Jihova Nzambi, muene u ngi banda; o u ngʼelesa mukuahi? Tala-ze, ene-oso a kà kuka mukuâ ni kizuatu, a kà diua ku tubamba.

Izaía 52:7

Inama iê kuuabha kuahi, ku milundu kuná, ia ió ueza kutula njimbu ia kubhanduluka, ni kuivisa kioso ki bhulukisa muthu; ueza kuambela Ziione kuila: Nzambi ié muene uala ku ungana!

Izaía 60:19

Dikumbi ki diene dingi di ku muikina mu muanha, o mbeji ue ki iene ia kà ku muikina ni mueje uê; maji Jihova muene ua kà di bhanga mukengeji ué ua kalelà-ku, o Nzambi ié muene u kala o kizûnda kié.

Kuditenda 3:57

Eie kizuua ki nga ku bhingile, bhenhobho eie ua ngi zukamene; uixi-phe: Ku kale ni uoma!

Daniiele 10:12

Hé u ngʼambela-phe, uixi: Ku kale ni uoma, Daniiele, mbata tunde mu kizuua kia dianga ki uate muẋima ué mu ku dʼivua kiambote ni Nzambi ié, ni ku di tolesa bhu pholo ia muene, maka mé ala muene ku mʼevua, eme kiene kia ngi bheka.

Daniiele 6:16

Sobha anga u tuma kutakana Daniiele, iá a mu takula mu ngenda ia jihoje. Sobha kia kuata kuzuela, uambela Daniiele, uixi: Nzambi ié, ió uoso uene mu ku mu bheza mu ithangana ioso, muene ua-nda ku ku kudila.

Hozeia 1:9

Nzambi anga u ambela Hozeia, uixi: Mu luke dijina dia Lo-Amí; mbata enu ki muala mu mundu uami, eme uami ki ngi kala dingi ngi Nzambi ienu.

Ajeu 1:13

Bhenhobho-phe Ajeu, o mbangi ia Ngana, anga u zuelela mundu o maka moso a mu tangela Ngana, kuila: Eme ngi Jihova ngi kala jinga ni enu.

Ajeu 2:5

Mu kukumbidila kikutu kiami ki nga ta ni enu, kioso ki mua tundu ku Ijito. O Nzumbi iami u tunga muʼaxaxi kenu; ki mu kale ni uoma.

Zakadiia 10:12

Eme anga nga kà a suinisina mua Jihova, a kèndela jinga mu dijina diê, Jihova muene ua ki tange.

Zakadiia 10:6

Nga kà suinisa o dibhata dia Juda; nga kà bhulula o dibhata dia Zuze; anga nga kà bhangesa kuila a vutuka dingi mbata nga kà a kuatela henda; anga a kèla kala eme ki ngi di tunine-nâ, mbata eme ngi Jihova Nzambi iâ, nga kà evua muene.

Zakadiia 13:9

Anga mbandu ia katatu iii nga kà i bhitisa mu túbhia, nga kà i zelesa mukua ni kiene kuzunza o utadi ua phalata, hé nga kà i lola kala kiene ku lola o ulu. Iene ki ia kà diundila dijina diami, eme ue nga kà ivua muene. Eme nga kà i ambela, ngixi: Iú uene o mundu uami; o iene ue ia kèla iexi: Jihova muene o Nzambi iami.

Luka 1:13

Mukunji anga u mu ambela, uixi: Ku kale ni uôma Zakadiia! Mukonda musambu ué Nzambi ua uivu. Muhatuʼé, Nzebele, ua-ndu ku vualela monʼa diiala, eie u mu luka dijina dia Nzuá.

Luka 1:30

Mukunji-phe, uixi: Ku kale ni uôma, Madiia! Mukonda eie ua bongo kuzediua kua Nzambi.

Loma 8:31

O kiki-phe, imʼ iii tu ila kiebhi? Nzambi se uala ku mbandu ietu, nanhi u tena ku tu tolola?

II Kolindo 12:9

Muène-phe ua ngambela uixi: O kiadi kiami ki ku sokesa-na-u. Kuma nguzu iami i beta kota mu kutena mu ku bhuila kué. Uila kiki-phe, nga sanguluka, kimuua ngi di fiiala o kubhuila kuami, phala nguzu ia Kristu i kale ni kutena momuʼami.

Efezo 3:16

eme ngala kubhinga kua Nzambi phala a mi bhane kala kia fuama mu jimbongo ja unéne uê, o kukala ni nguzu dingi iavulu ia Nzumbi iê ku muthu uenu moxi.

Matendelelu 20:1

Kioso ki u tunda mu kuia kúlua ita ni jinguma jé, anga u mona jikabalu, ni makalu, ni makuenze mabeta kuvula eie ndenge, kana ku a kuatela uoma; mbata o Jihova Nzambi ié, uoso ua ku katula kʼoxi ia Ijito, ua ku bande.

Filipe 4:13

Ima ioso nga soko na-iu mua Kristu ió mukua ku ngi bhana o kutena.

Josuué 1:9

Ki eme muène nga ku tumu? Kala u kindanda, u kole kiambote muxima; kana kukala ni uoma, kana kukala ni kekenha; kuma Jihova, Nzambi ié, uala-nê kumoxi kuoso-kuoso ku aia.

Afundixi 6:16

Jihova anga u tuma dingi ku mu ambela, uixi: Eme ngi kala ni eie sé kufula, akua Midiiana-phe ua kà a nemeka kala muthu umoxi ngó.