Izaía 40:9 - O Mikanda Ikola

⁹ Eie, tata u muboke-a-njimbu iambote kua Ziione, banda-phe, ku mulundu ua di leka. Eie, tata, u muboke-a-njimbu iambote kua Jeluzaleme zangumuna dízui dié ni nguzu ioso; zangula-diu muene, ku kale ni uoma, u tangele o madiembu ma Juda, uixi: Talesenu, Nzambi ienu iú bhabhʼú!

Izaía 40:9 ပူးပေါင်းရင်းမြစ်များ

II Malunda 13:4

Abiia anga uiza, uimana bhu thala ia mulundu ua Zemadaimi, uala mu milundu ia Ifalaimi, hé u zuela: Ngʼivienu, eie Jelobouamu ni Izalaiele ioso.

Izaía 1:1

Kisuma kia muene Izaia, monʼa Amoji, kia tokala Juda ni Jeluzaleme, mu izuua ia Uziia, ni Jotamu, ni Akaze, ni Ezekiia, jisobha ja Juda.

Izaía 12:2

Talesa-ze, Nzambi muene ubhulukilu uami; eme, muene ngi mu dielela, ki ngi kalʼami ni uoma; mukonda o Ngana Nzambi, muene nguzu iami, muene mukumbi uami, iu lelu ua di-bhange kibha-muenhu kiami.

Izaía 25:9

Mu kizuua kiókio, a kèla: Muenhú muene Ngana, tua mu kingile; ni kutana ni kusanguluka tua kà ku muena mu ubhulukilu uê.

Izaía 35:2

Dia kà tulula muene kiavulu, di sanguluka ni kutana kuonéne, dia kà tumbujuka ni ngalasa; a mu bhe kijingo kia Libano, ni makembu ma Kalamelu ni Salone; ene a kà mona o fuma ia Jihova, kioso kiene o unéne ni kujinga kua Nzambi ietu.

Izaía 41:27

Eme, eme-muène ngi dianga kutangela Ziione kuila: Talesa, iá bhaná; O Jeluzaleme ngi mu bhana mubokiʼa jinjimbu jambote.

Izaía 44:26

Eme-muène ngi kuatesa o kizuelu kia selevende iami, ngi kumbidila ulongelu ua jiphunga jami; ngambela Jeluzaleme ngixi: Eie a kà ku tunga dingi; ngambela madiembu ma Juda, kuma: Enu a kà mi tunga lua mukua, eme ngi some dingi jingundu jâ.

Izaía 51:12

Eme, eme-muène ngi muthu ua ku mi konda o malamba; eie-phe u muthu uami, u kala ni uoma ua muthu ni mukuenu, uà xikamena kufua? mba o monʼa muthu u lela kala iangu?

Izaía 51:7

Enu, muejiia kioso ki kala o kuiuka, ngʼivienu, enu mu athu mua zalela o ngonge iami mu miẋima ienu; o kizembu kia mundu ki ki mi kuate uoma, o kia mi xinga, ki mu a suue.

Izaía 52:6

Mukonda dia kiki, o mundu uami ua kʼèjiia dijina diami, mu kizuua kiná; kuma ememuène nga-nda kuila: Emeʼamiʼú.

Izaía 58:4

Talesenu, kuma enu mua mu jidila jimvunda ni jiphata, hé mu di-bhana jihome sè ku di-kuatela henda … kana kujila dingi kala ki mua bhange leluʼiki, ni kusuinisa dízui phala ku mʼivua makanga.

Izaía 61:1

Nzumbi ia Ngana Nzambi ua ngi tula ku thandu; mukonda o Ngana ua ngʼundu kutudila jingadiama njimbu ia mbote; ua ngi tumu kusaka oso ala ni kikote mu muẋima; ni kuxika ngonge ia ufolo ua abhika, ni kujikula o jikaleia phala kujituna oso a a kuika.

Jelemiia 22:20

Banda ku Libanu, nda u dikole, suina dízui mu Basane, u handekele tundé mu Abadimi mbata o jimbuẋila jê ja iokojoka.

Jelemiia 29:11

Kuma ixinganeku ioso i ngala ku mi xinganeka na-iu, nga ijiia kiambote muene, eme ngi Jihova, ixinganeku ia uembu, ki ia phulu, kana, nda ngi mi bhane dizubhilu di muene ku kinga.

Nahumu 1:15

Talesenu kiá ku milundu, o inama ia ió ua mu bheka o jingolokela ja njimbu iambote, o inama ia ió ukola o kutululuka. Eie Juda, bhanga kiá o fesa jé, kumbidilenu o jihasa jenu kua Nzambi, mukonda abhumu kà ka tona kubhita dingi moxi ienu. Ngà a bhuikisa-ku kiá.

Luka 24:47

Ni kuila ue o Njimbu ia kudiela o ituxi, ni ku i tambuila o muloloko, a i fumanese mu dijina diê mu jixi joso, tunde kiá mu Jeluzaleme.

Jipoxolo 2:14

Phetele-phe ki emana ni akuâ, o kuinhi dia Poxolo ni imoxi, ua ambela ni dízui diasuina, uixi: enu akua Judeia, ni enu oso mua tungu mu Jeluzaleme, bhanenu mátui, mu ívue maka mami u nganda ku mi tangela:

Jipoxolo 4:13

Kienʼiki o adiakime bhu Kionge Kiadikota, kia zubha ku mona o kúbhua uôma kua Phetele ni Nzuá, ni ku a tongolola kuma athu akua-tutu, ka zubha ku dilonga madivulu, a diuana, anga ki a lombolokela kuma ende ni Jezú.

Jipoxolo 4:29

Kiki-phe, Ngana, talesa o jindumu ja tu te. O jiselevende jé u a bhane kúbhua uôma mu kutanga o maka mé.

Loma 10:18

Maji eme ngixi-phe: Kifua ene a kambele kuivua o ngolokela? Evidiâ muene. Kala kiambe o Mikanda Ikôla, iexi: O dizui diâ a dʼ ivu mu ngongo ioso, o maka mâ ma bhixila katé ku maẋokololo ma ʼxi.

Efezo 6:19

Eme uami ngi diondelienu, phala Nzambi a ngi bhane o maka ni kusakalala mu kuzuela ki ngi jikula o dikanu, mu kulonga sé uôma o kijinganu kia Njimbu Iambote.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

I Phetele 3:14

Se enu mua tale hadi-phe mukonda dia kuiuka, mua zediua! Ki mu kale ni uôma ua muthu, ki mu tandanganhe.

Afundixi 9:7

Jotamu kia zubha ku mu kunda-kiu, uia bhu thala ia mulundu ua Ngedizine, u kala mu ku a kolelela ni dízui dia suina, uixi: Ngʼivienu, enu mu akua Xikeme, phala Nzambi a mʼivue enu.