Izaía 40:8 - O Mikanda Ikola

⁸ Iangu Ilela, o itulu i lalumuka, maji o maka ma Nzambi ietu-phe, ma xalela-ku, kuma ene a kalé kiá, katé ku hadia ni hadia.

Izaía 40:8 ပူးပေါင်းရင်းမြစ်များ

Jisálamu 111:8

I xalela muene sé dizubhilu, mukonda ki i xikina ku i jima katé ku hádia; kuma iene ioso ia sokela muene mu kidi ni kuiuka.

Izaía 59:21

Kienhiki, kiene kikutu kiami eme ki ngi ta-nâ, eme ngi Jihova: O Nzumbi iami ia ku tula ku thandu, ni maka mami, u nga-te mu kanu dié, ka kà tunda-mu né mu kanu dia mbutu ié, né mu kanu dia mbutu ia mbutu ié, a xalela muene tundé kiki katé ku hádia ni hádia, kiene kia tange Jihova.

Jelemiia 44:29

O kiki ki mi kala kiene o kijimbuete, eme ngi Jihova, kuila nga-nda ku mi betela bhu kididi kienhiki; enu nda mu kʼijiie kuila ni kidi kiene o maka mami ma nangenena ku thandu dienu phala ku mi bhanga kiaiibha.

Zakadiia 1:6

Né kienhókio, mbebhu o Maka mami ni itumu iami i nga tumikisa jinga eme ku abhikʼami, o jipolofeta, o jitata jenu ki ia a bhixila? Ene iá a vutula, exi: Kioso Jihova dia Ilombo kia xinganeka ku tu bhanga, kala kia tokala mu jinjila jetu, ni kia fuama o ibhangelu ietu, kiene muene kia tu bhange kiá.

Dialuilu 23:19

Nzambi ki muthu, kuila u ta makutu. Ki monʼa muthu, kuila u zuela luiadi. Kima kiambe, u kamba ku ki bhanga? Kia mu bhiti bhu dimi, u aluluka?

Matesu 24:35

Oxi ia kà jimuka, ni diulu, o Maka mami-phe, ki mà jimuka.

Matesu 5:18

Mbata ngi mi tangela o kidi, katé bhua ka jimukina o diulu ni ixi, kana ngó kujimuka kapondo mba kama kosokoso kòfele ku Kitumu, katé bhua ka tenena o ima ioso.

Marku 13:31

O diulu ni oxi hinu i buila; o maka mami-phe ki ma ka buila.

Nzuá 10:35

Etu tuejiia kuila o Madivulu ma Nzambi ene mù zuela kidi; kuma Nzambi ua exana jinzambi enhó oso evile o maka-mê.

Nzuá 12:34

O kifuẋi-phe kia mu vutuila, exi: Etu tua di longo mu Kitumu kietu, kuma Kristu u xalela-ku kiá. Eie-phe ua-lu kuamba kiebhi, kuma o Monʼ a Muthu ku mavu a mu zangumuna-ku? Monʼ a Muthu, nanhi muene?

I Phetele 1:25

maji o Maka ma Ngana-phe ma xalelà-ku. Mene-phe o makʼama ma Jingolokela Jambote ja mi tudila enu.