Izaía 40:5 - O Mikanda Ikola

⁵ O fuma ia Jihova anga i tukuluka, o xitu ioso kumoxi ia kà ki mona, kuila Dikanu dia Jihova dia ki tange.

Izaía 40:5 ပူးပေါင်းရင်းမြစ်များ

I Jisobha 14:11

Uoso kua Jelobouamu u fuila mu sanzala, a kà mu dia ku jímbua; o uoso u fuila mu iangu ku mikáu ia hatu, ua kà diua ku jinjila ji bhita bhulu, mbata Jihova ua ki tange.

Jisálamu 102:16

Kioso kia mona Jihova ua tungu dingi Ziione, ua tukulula dingi o kubenha kuê;

Jisálamu 102:17

Ua suu kiá o kusamba kua jihukunhu; kala mu kudituna dingi o ku di tenda kuâ.

Jisálamu 72:19

A ximane dijina diê dikola, katé ku hádia ni hádia! o mu ngongo ioso mu izale ni kubenha kuê! Amén! ni Amén!

Jisálamu 96:6

Ni ujitu ni ungana a mu kala bhu pholo iê; ni nguzu ni kuuabha kuala mu kididi kiê kiangene.

Jisálamu 97:6

Maúlu ma kola kutetuluka kuê, o ifuẋi ioso ia mono o kubenha kuê.

Makatukilu 16:7

o mungu ki kúkia mu kimene, mua-ndu mona o unene ua Jihova; mukonda muene ua mʼivu o kulongolola kuenu; Jihova mua mu longolola, etu tu akua-hi kuila mu tu longolola etu?

Izaía 1:20

O ki mu dituna-phe, anga mu ẋinuka, muanda kudiua ku xibhata; kuma dikanu dia Jihova dia ki tange.

Izaía 11:9

Ka kà bhanga-mu kiaiibha mba phulu ioso-ioso, mu mulundu uami uoso, u nga kôlesa; mukonda oxi ioso ia kèzala ni kuijiia Nzambi, kala o menha kiezalesa kalunga.

Izaía 26:15

Eie Jihova, mundu iú ua a sokolola, ua u vudisa muene: Nʼeie ua jingi dingi kiengi; maji o ki uiza-ku-phe, ua a tande dikanga, katé ua a uanena ku maẋiokololo moso maʼxi.

Izaía 34:16

Sotenu mu divulu dia Jihova, mu tange ima ioso iii ki bhuala ki kamba kukumbidila, iene ioso muene ia-nda kubhita; kuma dikanu dia Jihova dia ki tange, o Nzumbi iê iene ia kà i bhongolola.

Izaía 35:2

Dia kà tulula muene kiavulu, di sanguluka ni kutana kuonéne, dia kà tumbujuka ni ngalasa; a mu bhe kijingo kia Libano, ni makembu ma Kalamelu ni Salone; ene a kà mona o fuma ia Jihova, kioso kiene o unéne ni kujinga kua Nzambi ietu.

Izaía 40:4

Jihonga a kà ji lamba, milundu ionéne ni iòfele a kà i sengulula; Kioso kia bhengalala a kà ki iukisa, o kia kundamana a kà ki sokelesa.

Izaía 41:20

phala mundu uoso a mone, ejiie, a tongolole, ene-oso ki a tetulukile bhuamoxi kuila lukuaku lua Jihova luene lua bhange kiki, o Dilemba Dikola dia Izalaiele muene ua ki bhange.

Izaía 49:6

Muene uambe dingi: O kukala ngó u selevende iami, phala kubhangulula ibuka ia Jakobo, ni ku ngi bhekela dingi o masubhu ma Izalaiele, ki kia soko; maji nga ku xikika, nʼu kale u Mukengeji ua akua-matumbu; ua a bhekela kubhuluka, katé ku maẋokololo aʼxi.

Izaía 52:10

Jihova ua funha lukuaku luê lu kôla bhu pholo ia ifuẋi ioso; o maẋokololo moso maʼxi ma-ndu mona ubhulukilu ua tundu kua Nzambi ietu.

Izaía 58:14

kienhókio ua kà sangulukila mua Jihova, eme-phe ngi ku tudika ku ididi ia di-leka mu ngongo, hé ngi ku dikila ni undundu ua tatʼenu Jakobo; kuma dikanu dia Jihova dia ki tange.

Izaía 6:3

Anga jikuata ku di tambuijila, kuila: Ukôla, Ukôla, Jihova dia Ilômbo Ieta! Oxi ioso iezala ni fuma ié!

Izaía 60:1

Phaphumuka, u muike; mbata mukengeji ué iu uiza kiá, o kubenha kua Jihova ku banda kiá ku thandu dié.

Izaía 66:16

Kuma Jihova ua-nda kuila o kuku u kuata túbhia, o kuku xibhata, anga ua kà funda ni mundu uoso; o imbi-phe ia-nda kúfua bhenhobho kua Jihova ia kà vula.

Izaía 66:18

Mbata o ima iâ ia bhanga nga ʼijiia, katé ni ixinganeku iâ! Thembu ii iza-bhu, nga-nda kubhongolola miji ioso ni madimi; a-nda kuiza, anga a mona kijingo kiami.

Izaía 66:23

Hé kima-phe, tundé kimoneka o mbeje katé kia kà moneka ia mukuá, tundé kia sabhalu katé sabhalu ia mukuá ni kuiza mu bheza bhu pholo iami, eme ngi Jihova.

Jelemiia 32:27

Tala-ze, eme Jihova, Nzambi ia Xitu ioso; mbé sai-ku kima kioso-kioso ki ngi bhekela ku diuana?

Jelemiia 9:12

Nanhi muene o njimu a tongolole kiki? Mukuahi a mu tangela maka kuala dikanu dia Jihova, nda a tene ku ki kunda? oxi ia buikilaʼhi kala kiki, i i ia jokota mukuá ni kikangalakata, mu mua bhingi né ngó muthu u bhitamuʼé?

Jouele 2:28

Kieneʼokio-phe anga kia kà bhita kuila, nga kà lunduluila o Nzumbi iami ku thandu dia xitu ioso, anʼenu a mala ni anʼenu a ahatu a kà zambula; o ikulakaji ienu a kànjiua jinzoji, minzangala ienu a kà mona isuma.

Mikeia 4:4

Maji a kʼèla kiá, muthu uxikama bhoxi dia muvide uê, muthu uxikama bhoxi dia mufiku uê, o u a kuatesa uôma ka moneka, mukonda dikanu dia Jihova dia Ifuẋi diene dia ki tange.

Habakuke 2:14

Mukonda o ixi ia kʼèzala ni kuijiia kua fuma ia Nzambi, mukuâ ni menha ki ezalesa o musanza ua kalunga.

Zakadiia 2:13

Xitu ioso i di xibhe bhu pholo ia Jihova, kuma muene ua balumuka mu kibuta kiê kikôla.

Luka 2:32

mukengeji u londekesa o njila ia Nzambi ku akua matumbu. Ni kubhana fuma ia mundu ué ua Izalaiele.

Luka 3:6

Xitu ioso anga i mona o kubhuluka kua Nzambi.

Nzuá 1:14

O Diambu anga u di bhanga xitu, anga u tunga mu ʼaxaxi ketu, uezala kiadi ni kidi. Etu anga tu mona o unène uê, unène kala ua Mona umoxièlele ua Nzambi.

Nzuá 12:41

Imʼiíi Izaia ua i tangele, mukonda ua muene ungana ua Jezú, iu ua mu tumbula.

Nzuá 17:2

Mbata o Mona ua mu bhana ungana ua kutumina athu oso, phala oso ua mu bhana-nâ, muène a a bhane o muenhu ki uábhua.

Jipoxolo 2:17

Talesenu, Nzambi uambe: Mu izuua ia kà suka-ku, nga kà bhanga kiki: Nga kà lundulula o Nzumbi iami ku thandu dia athu oso. Anʼ enu a mala ni anʼenu a ahatu a kà tanga o maka mami. Minzangala ienu ia kà mona isumua, o adiakimi enu a kʼ ànjiua jinzoji.

II Kolindo 3:18

Uila kiki, etu enoso, ni pholo iofutumune, tu kala mu londekeza o kubenha kua Ngana kala ki bhanga o lumuenu. Kuma o kubenha koko kua mu tunda kua Ngana, muene o Nzumbi. Kuene ku tu kitulula anga tu di fuangana ni Ngana, o mu kienhiki o kubenha kuetu kuia ni kudibandekeza dingi kithangana ni kithangana.

II Kolindo 4:6

Mbata o Nzambi ió, uoso ua ki ambe kuila: O mukengeji u muikine muʼavundu, muène ua bhangesa mukengeji ku tu muikina ku miẋima ietu. Mbe o ku tu bhekela mukengeji ua kuijiiʼoko kua fuma ia Nzambi, ia mu benha mu pholo ia Jezú Kristu.

Jihebeleu 1:3

O Mona, muène o kimuikinu kia kubenha kua Nzambi, muène ue kilomboluelu kia kidifua kiê, muène u kuatesa o ima ioso mu ngongo, ni kizuelu kia nguzu iê. O kia zubha kuzelesa athu ku ituxi iâ, iú ua xikama ku diulu, ku lukuaku lua kudia, lua Nzambi Tata Uatena ioso.

Dijingunuinu 21:23

O mbanza íii ki i bhingi ku kala dikumbi, mba mbeji, mu kumuikina-mu, mukonda o kubenha kua Nzambi kua zelesa-mu, o Kambudi muène o kandeia kâ.