Izaía 40:30 - O Mikanda Ikola

³⁰ O minzalngala a zonda, a bhuila; o makuenze a mala ni kidi muene a di bala, a lémbua muene toko-toko.

Izaía 40:30 ပူးပေါင်းရင်းမြစ်များ

Jisálamu 33:16

Sobha ka fike kuila kilômbo kia dikota ki mu bhana kulenda; dizonda ue ka di fiiale o nguzu iê iavulu.

Jisálamu 34:10

Inda o minzangala ia jihoje, i bhindama, i tata ni nzala; iá-phe a sota Jihova, kana kima kiambote kia a kamba.

Jisálamu 39:5

Talesa izuua iami mu ku i zonga, kala ki ua i xindi eie, kànda dia lukuaku diia-bhu ngó luofele; o kithangana kia muenhu uami, ku mesu mé ki kima, kuma ni kidi muene, muthu kingoho né uadisanze, kene kunanga. (Selah.)

Ndongixi 9:11

O ki nga lunguluka, nga mono ku mundu kuila o lusolo ki lua ió ngó a bhebhuluka, mba o mazonda ene ngoho a tolola o ita, né ue o kúdia ki phala ngoho oso ejiia, mba o jinjimu ene ngoho a mona o umvuama, mba oso a xitunuka mu thulu ene ngó a bonga o ujitu, maji o ibatu ni jithembu ja tokala ene oso mu uzediuilu ua muthu ni muthu.

Izaía 13:18

O mifula iâ iene ia kà sasujula o minzangala; ni mona uala mu mala ka kà mu kuatela henda; o mesu mâ ki ma kà kala ni henda ia anandenge.

Izaía 9:17

Kala kiki o Jihova ka tena ku kala ku ngalasa ni minzangala iâ, o jihukunhi jâ ni atudiʼâ, Jihova ka xikina ku a kuatela henda, mbata ene-oso akua-mangonha, akua-phulu, makanu mâ mazuela ulaji uoso. Ku ima iosuʼiii-phe, njinda iê ki bhene bhu ia suku; maji hanji kia sunununa lukuaku luê.

Jelemiia 48:15

Mouabhe a mu sengulula kiá, ua tundu mu jimbonge jê ni kubanda, o minzangala iê ia mala ia solele, ia kulumuka mu kijibha, Sobha ua ki tange, o dijina diê Jihova dia Ilombo Ieta.

Jelemiia 6:11

Mu kiki ngezala ni njinda ia Jihova; nga bhuila kiá, ki nga tena dingi ku i fudisa: ngi i lunduluila mu nzunga, ku thandu dia tumbonga ni bhu mabhongolokelu a minzangala bhuamoxi; kuma katé ni diiala ni mukajiʼê a kà a kuta, ni ua kuka kumoxi ni ió uezala ndumba dia izuua.

Jelemiia 9:21

Kuma kalunga ka sambela bhu jinjanena jetu, ka ka bokona mu mazemba metu, phala ku buba tuana mu jinzunga ni minzangala bhu itanda.

Amoji 2:14

Kienhiki-phe muthu hé uedi u bhebhuluka inama, kulenga kuê ki kuanda kutena ku mu kudila; o mukua nguzu, undanda uê ki ua kà mu bhana kima; dizonda ue ua kà tokoka ku bhângela muenhu uê.

I Samuuele 30:10

Davidi-phe, ni muene ni hama jiuana ja mala, a kaiela o jinguma; kuma hâma jiiadi a xala bhenhobho, mukonda dia kubhuila, a lémbua kuzauka o honga ia Besolo.