Izaía 40:24 - O Mikanda Ikola

²⁴ Kiene ngoho kia-nda kuila a zubha ku a phapha ni ku a kuua, o kixina kiâ anga kiandeka kuta jindanji ji kudila koxi a mavu, kindala a lela a kukuta kiá, kioso muene kia a bhusa anga kitembu kia suina kia a ambata kala ibhiaẋi.

Izaía 40:24 ပူးပေါင်းရင်းမြစ်များ

II Samuuele 22:16

ikhobo ia musanza anga i moneka, katé madisesa maʼxi, ma xala ku kanga.

II Jisobha 10:11

Jehu anga u jibha ue oso a subhuka mu dibhata dia Akabe bhu dizelele kutale o athuʼê onène uixi iá a muʼijidile ngoho, uixi o jinganga jê, katé ka mu xila-ku ngó muthu umoxi u subhuka.

Jobe 21:18

Kuma edi kala ibhiate ku kitembue, mukuâ ni izeji i phephuluka ni kitaphephe.

Jobe 4:9

Ku muha ua dikanu dia Nzambi a jikinina; a buika ni mulenge ua njinda iê.

Jobe 8:17

O jindanji jê ji di zala mu matadi katé bhu mbanduʼa fixi, ji talela muene ku matadi.

Jisálamu 58:9

A kituke kala minha ia te bhu jiku, jímbia kiluua ngó jivua o munza, muene ua i muanga-muanga kiá ni kitaphephe, ni iauisu ni iauama.

Jisálamu 83:13

Nzambi iami, a bhange kala mafe a phephuluka ni kitembu, a phephuluke muene kala iangu a i ambata ku kitembu kia nguzu.

Jisabhu 1:27

Mu kuila kimbuua kia mi bhixila kala kibuika, divuua dia mi tula kala mabhuku ma temanana, kia kà mi tukumuisa o hadi ni lamba,

Izaía 11:4

Maji ua kà fundisa jingadiama ni kidi kioso; oso a belesela bhoxiʼabha ua kà a bazela sé ngó katungu. Maji oxi ua kà i nemeka ni mbangala ia dikanu diê, mukua-phulu ua kà mu jibha ni muha ua dikanu diê.

Izaía 17:11

o mu kizuua ki ua kà i phapha, u i bhangesa kusabhuka ni kukula, o ki kúkia mu kemene hé ua ká bhangesa kuila mbutu iê ime; hanji, o idima iòbhongolole ia kà di bota mu kizuua kia malamba ni misusu ia vulu ki i xikina ku i saka.

Izaía 17:13

Akua jixi a kà numina kala kiene kunumina dibhubha dia menha, maji Nzambi ua kà a bazela, anga a kà lengela dikanga; ene a kà a kaia kala ibhiate ku mulundu, kia i bhitula kuala o kitembu, mukuâ ni fufutila ia mavu, kia i nhangumuna kuala o kitembu kia nguzu.

Izaía 30:33

Kuma Tofete a i iudika kiá, tunde mazá; xi, a i iudikila sobha; a i zongolola, a i kudisa; o sáma iê túbhia mu túbhia, o jihunhi jivula jala-mu; o muha ua Jihova ua kà uama kala muxónge ua xofidi.

Izaía 37:7

Talesa, nganda ku bokuesa nzumbi momuê-muène, muene ua kʼevua kinuminu anga u alukila kʼoxi iê; eme-phe nga-nda ku mu jibhixila mʼoxi iê-muene ku xibhata.

Izaía 40:7

O iangu ilela, o itulu i lalumuka, kioso muha ua Jihova ki u bhuselela-ku. Kidi kiene, bá! O athu mukuâ ni iangu!

Izaía 41:16

Eie ua kà a bhiata muene bhu mbango anga a phephuluka ni kitembu, o kibhungu-phe kia kà a muanga; maji eie-phe ua kà sangulukila mua Jihova, ua kà di-thathela kua Dilemba Dikola dia Izalaiele.

Izaía 41:2

Mukuahi ua takanene muthu uaiuka ku thunda, iu ua mu bheka bhu kinama kiê? Mukuahi ua tula o ifuẋi bhu pholo iê, iu ua mu mu bhangesa kutumina o jingana? O muene iu ua a bhakula ku xibhata iê kala fufuta, ua a seiela ku mufula uê mukuâ ni ibhiate ia di-ambatesa ni kitembu.

Jelemiia 22:30

Jihova uambe kiki: Sonekenu kuma muthu iú o anʼê a mu tambula-nâ, muthu u kala kiki, o mu izuua iê kubhanduluka ka ku mono; mba ku muiji uê ku tunda muthu ua bhanduluka, phala a tulame bhu kiandu kia Davidi anga u tumina dingi mu Juda.

Jelemiia 23:19

Kiki-phe, kibhungu kia Jihova kia tundu ni kutema kuoso; ku mítue ia akua ituxi, kibhungu muene kia nguzu kia-ndu laukila-ku ni phulu ioso.

Hozeia 13:15

Ifalaíme né-mbe u zanda anga u bhana ibundu muʼaxaxe ka jiphange jê, hanji-phe, kua keza kitembu kia thunda, kitembu ki tunda kua Jihova, ki balumuka mu kikangalakata anga kiza ni kubanda; kiene kia kà kukutisa otho iê, o dijiia diê di thothuena; o ima ioso ia matunda iala naiu a kà mu bhunda-iu.

Hozeia 13:3

Kienhiki ene a-nda kukala mukua ni dituta dia kimene, kala dimume dia kamene-mene, ki diene mu kunanga kubhita; ela kala ibhiate bhu dizanzu dia kubetela, a i ambata kuala o kitembu kia suina; a di bhanga kala dixi dia mu tunda mu xaminé.

Nahumu 1:14

Eme Jihova nga bhana kijila kokué Asídia, kuma ki kuà kala dingi mbutu ia muthu ni dijina dié, o mʼonzo ia mahamba mé, eme-muène nga kà bula-mu o iteka iòsonge ni ia kuzunza. Eme nga kà ku kandeia o mbila ié muenhomo mukonda eie u sébhue.

Ajeu 1:9

Muendi ima iavulu, maji mua kuata ngoho ia tolo; o ia tolo iii-phe, kioso ki mueza na-iu mʼonzo, eme ue nga i bhusué. Mukonda diahi? Jihova dia Ifuẋi, uixi: Mukonda dia inzu iami i mudielela, enu-phe mudienu kala muthu u lengela mu kulanga kiambote onzo iê.

Zakadiia 7:14

Nga-nda kua kà a muangena ni kitembu kia kibhungu mu kaxi ka miji ioso ia kambe ene kuijiia, o ixi ku dima diâ, ia kà xala ia hatu, ià kala ia ngoho kala ia zuluka ku kibhungu kia dikota. O kienhiki kia kà bhangesa kuila ki bhu kala muthu u bhita-mu, mba u vutukila-mu; kuma ia kexile ixi iambote, o kiki a i kitula jingundu.

Zakadiia 9:14

Jihova a kà mu muena ku thandu dia anʼa Ziione; o misongo iê ia kà tunda kala jinzaji ja mvula iala mu telaka; Jihova Nzambi ua kà xikisa koloneta anga ua kʼàia ni ibhungu ia kitembu kia Sulu.