Izaía 40:15 - O Mikanda Ikola

¹⁵ Ku pholo iê, o ifuẋi ioso, mukuâ ni dibêbe di láuka ku mbi-nda ia menha; mba mukuâ ni mvindu ia di-kuua-kuua bhu longa dia pezo; talesa-phe, o ikolo u i kuua mu ididi iê, mukuâ ni fufutila iò takule.

Izaía 40:15 ပူးပေါင်းရင်းမြစ်များ

Dimatekenu 10:5

Enhá ene a di uanena o jixi ku ikolo ia matumbu, a di tungula ku madimi, ku miji, ni ku ilombo iâ.

Jisálamu 62:10

Kana ku di fiiala ungúngu, mba u kala mu ku ta thathe ni jimbongo ja kubhûnda; ku fike kuila u di bhanga ni uii; jimbongo se ji di vuala, ku ji dielele; katula-ku muene o muẋima ué.

Jisálamu 62:9

Mukonda, ni kidi kiene, akua ditala diófele kingoho, o akua ditala dia dikota ue makutu; ku a ta ku pezo, ki bhuala ua di tungula, ene oso a bhebhuluka mukuâ ni ukumbu ngó!

Izaía 11:11

Mbata kia kà bhita kuila, Jihova mu kizuua kieneʼokio ua kà vutukila kuta lukuaku luê mu kuondolola dingi o masubhu a mundu uê, a subhuka ku Asídia, ni ku Ijitu, ni ku Pátulu, ni Itiiópia, ni ku Elame, ni ku Xiniiale, ni ku Hamate, ni ku ikolo ia kalunga.

Izaía 17:13

Akua jixi a kà numina kala kiene kunumina dibhubha dia menha, maji Nzambi ua kà a bazela, anga a kà lengela dikanga; ene a kà a kaia kala ibhiate ku mulundu, kia i bhitula kuala o kitembu, mukuâ ni fufutila ia mavu, kia i nhangumuna kuala o kitembu kia nguzu.

Izaía 2:22

Kala kiki-phe, o muthu uala ngoho ni mulenge ua kubhuimina mu dizulu diê, mu sondolokienu. Mukonda muene ue a mu ximana ni kima kiahi?

Izaía 29:5

O jinguma jé ja-nda kukala nzungule kala fufuta, o isuéia ia-nda ku ku vula kala mvindu ia ibhiate isomboka, kindala u tukumuka kia ku iza.

Izaía 40:22

Muene muène ua xikama kulu dia dikende dioso diaʼxi, o athu a tunga-mu ia edi kala mahoho ku mesu mê; muene muène uoleka maúlu kala thanga ia lona, iu ua ma futununa kala balaka, phala kutunga-mu.

Izaía 41:5

O ikolo ia mu muene anga i kuata kuteketa; o jimbambe kua suku oxi ja teketa; athu a di phopho, a suetuka bhua zukama, ia eza.

Izaía 59:18

Kioso kia tokala mu ikalakalu iâ, kiene kia kà a vutuila muene, … ulundulula ngânji kua iá a mu kuatela luma, u bhana futu ku jinguma jê; o ikolo ua kà i bhana ue o futu iâ.

Izaía 66:19

Nga kà ta kijimbuete muʼaxaxi kâ, oso-phe a bhulaka-ku nganda ku a tumikisa ku ifuẋi, ku Talxixi ni ku Phulu, ni ku Ludi, akua kuoleka o mufula, ku Tubale ni ku Javane, katé ku ikolo ia makanga, kua oso fuma iami kiluua a ivua, kijingo kiami ue nuka a ki muene; kuenhoko a kà tanga-ku o fuma ia ungana uami muʼaxaxi ka akua jixi.

Jelemiia 10:10

Maji Jihova, muene Nzambi ia kidi-èlele; muene-muène Nzambi ia muenhu, muene Sobha ua kalelà-ku; mukonda dia njinda iê oxi i tunguta, o ifuẋi-phe ilémbua kuximbakata ki mu kuata o kutema.

Daniiele 11:18

O ki kia kà bhita, ua-nda ku lunga kiá pholo ku ikolo ia musanza ua kalunga, anga u tolola-ku ikolo iavulu, maji bhu kala-phe kilamba kimoxi, o muenhú ua-nda ku mu tolola, kifua ua mu bhuisa ukumbu anga u mu bhangesa kuila o izala ia ukumbu uê i laukila ku thandu diê muene.

Daniiele 4:32

A-nda ku ku kaia, o muʼaxaxi kʼathu u tunda-mu, inda utunga kiá ni iama ku mukáu; a-nda ku ku disa iangu kala ngombe, anga ukala kienhiki katé kua ku bhiti sambuadi dia jithembu, anga ki ku tetulukila kuamba, o Suke-ku mbé muene uene kutumina ma-ungana ma athu, uoso ua mu andala muene, muène a mu bhana-u.

Daniiele 4:35

Kua muene athu oso atungu mu ngongo kingoho, kioso kia mu kala mu vondadi iê kiene kia bhanga ni ku ilômbo ioso ia diulu ni ku jithungiembu joso bhoxiʼabha; kana-ku muthu utena kufudisa lukuaku luê, ni kuila: Ua-nda bhanga kiebhi?

Sofoniia 2:11

Jihova ua kà a lungulukila, o jinzambi joso ja mu ngongo anga u ji jikinisa; akua jixi ene oso a kʼèza kua Muene ku mu bheza, tunde mu ididi iâ ni miji ioso mu ikolo.