Izaía 40:14 - O Mikanda Ikola

¹⁴ Ua xikamene ni nanhi ku kaiula, phala ku mu bhana o kheku, nʼa mu longe o jinjila ja unjimu ni kuijiia?

Izaía 40:14 ပူးပေါင်းရင်းမြစ်များ

Dimatekenu 1:2

Ixi anga i kala ia botomoka, ia kambe ku di umba; kua bhiti kitombe ku thandu dia menha mazongo; Nzumbi ia Nzambi anga u kala mu butamena o menha.

Jobe 21:22

Manhi Nzambi bhuala u mu longa o kuijiia, se muene muene ua mu fundisa oso ala mu diúlu?

Jobe 36:23

Nanhi u tena ku muʼibhula ioso ia bhange muene mu njila iê, mba nanhi ua muʼedi kuma: Eie ua bhange kia ibha?

Jobe 38:4

Eie ua kexile kuebhi kioso eme ki nga te madisesa ma ixi? Ngi tangele-kiu hanji se eie uejiia muene.

Jisálamu 119:35

Ngʼendese, Ngana, mu hoka ia itumu ié; kuma muene mua ngi kala o kusanguluka kuami.

Izaía 41:28

Kioso eme ki ngʼedi suí, ki bhuala muthu nga mu mono; katé muene ni bhu jindongixi jenhiji, ki bhuala muthu ngi tena o ku mu ibhula, mba u ngi vutuila kizuelu.

Kolose 2:3

Kuma ima iambote ia unjimu ni kuijiia i tunda kua Nzambi, iene ioso iosueke mua Kristu. Kristu mué ne o sabhi ijikula ioso.

Tiiaku 1:17

Kuma o ujitu uambote u tu tambula, ni uhete uauabha, u tunda ku duilu. Ima ioso íii i tuluka kua Nzambi, Tata ua bhanga o mikengeji ia diulu. O muène kene ni kualuluka, kuma mua muène ki muene mú kala nè ngó kizenji kia kualuluka.