Izaía 39:1 - O Mikanda Ikola

¹ Bhu thembuʼobho Melodake-Baladane, monʼa Baladane, sobha ia Babilonha, utumikisa mikanda ni ujitu phala Ezekiia, kuma muene uevile kuila Ezekiia ua katele iu ua disanze kiá.

Izaía 39:1 ပူးပေါင်းရင်းမြစ်များ

II Samuuele 10:2

Davidi anga u zuela, uixi: Eme ngʼidikiza henda kua Hanuni monʼa Nahaxi, kala tatʼâ kia ngʼidikiza eme o henda. Davidi anga u katula athu ku mbèle iê, u a tuma ku mu hindula ni ku mu konda malamba mukonda dia kúfua kua tatʼâ. Akua mbèle ia Davidi anga a bhixila moxi ia anʼa Amone.

II Samuuele 8:10

Toi u katula monʼê Jolamu, u mu tuma kua sobha Davidi, ku mu kunda, ni ku mu tanesa, mukonda ualu ni Hadadezele, iu ua mu beta; kuma Hadadezele ua kexile izuua ioso mu kúlua ni Toi. Jolamu anga u mu bhekela malonga a phalata, ni malonga a ulu, ni malonga a ngôndo.

II Malunda 32:23

A vulu anga aia ni kubheka maujitu mu Jeluzaleme kua Jihova ni ima ia te kiavulu kua Ezekiia sobha ia Juda, katé kua suku kunu a mu zangeleka kiavulu ku mesu ma akua jixi joso.

II Malunda 32:25

Maji Ezekiia o mbote ia mu bhange ka i tambuijila kala kia tokala, mukonda o muẋima iê ua di zangeleka; anga ki bhekesa njinda ku thandu diê-muene ni ku thandu dia Juda ni Jeluzaleme.

II Malunda 32:31

Maji-phe, kioso kia mu tumikisa o akunji kuala o ilamba ia akua Babilónia, mu ku mu ibhula muene o madiuanu ma bhiti na-mu mu ixi ieneʼoio, Ngana Nzambi ua mu ehelela, phala ku mu lola hanji, mbé o kuijiia ioso ia mu kexile ku muẋima uê.

Izaía 13:1

Kisuma kia Babilonha, kia diuana Izaia, monʼa Amoji.

Izaía 13:19

Babilonha, o makembu ma akua jixi, muene o fuma ni izala ia akua Kaldeia, ua kèza bhua Sodoma ni Ngomola, kioso Nzambi kia a sengulula.

Izaía 14:4

Kieneʼokio o mukumbi iú ua kà uimba muene mu kuâmba sobha ia Babilonha, uixi; Mbé o kingumba lelu ki zumbukʼâ! Lelu o ungumba uabhu, o mbanza ia kembele ni ulu lelu ia budikʼâ!

Izaía 23:13

Talenu o ixi ia Kaldeia; o mundu iú ki u di bhangele luua mundu; Asídia ua i andekela phala oso a tungile mu kikangalakata; a iudika jimbonge jê, ia a tungu o mazemba mê; maji kindalʼiki-phe ioso muene ia budika kiá.