Izaía 38:3 - O Mikanda Ikola

³ anga uila, uixi: Uà, Jihova, tata! lembalala, nga ku diondo, kuma eme ngʼende muene bhu pholo ié mu kidi, ni muẋima uatenena; nga bhange muene ioso ia fuama ku mesu mé. Ezekiia anga u ẋikujuka kiavulu ni kudila.

Izaía 38:3 ပူးပေါင်းရင်းမြစ်များ

Dimatekenu 17:1

Mbalamu kia kala kiá mu makuinhiʼvua a muvu nʼivua, Jihova u tukulukila Mbalamu, u mu ambela, uixi; Eme ngi Nzambi, Muteni-a-Ioso; enda jinga bhu pholo iami, u kale u muthu ua tenena.

Dimatekenu 6:9

O malunda a Noué eneʼá: Noué ua kexi muthu uaiuka, sè kuêla kua kima muʼa xaxe ka akua muiji uê; Noué anga uenda ni Nzambi.

I Jisobha 15:14

Maji o ididi ia matala-phe ka i katuile. Sumbala kiene, maji hanji-phe kuma Aza muẋima uê ua iukile mu ku kaiela jinga Jihova izuua ioso ia muenhu uê.

I Jisobha 2:4

Phala Jihova ue a kumbidile o kizuelu kiê kia ngi bhele, uixi: Anʼé se a di langa o kuenda kuâ, nʼendela bhu pholo iami mu kidi, ni muẋima uâ uoso, ni muenhu uâ uoso, nga ki ambe kuma, ki kuà ku kamba muthu ué u ku bhingana bhu kiandu kia Izalaiele.

II Jisobha 18:3

Iú ua bhanga jinga ima ia iuka bhu pholo ia Jihova, kala kioso kia i bhanga jinga Davidi, dia tatʼâ.

I Malunda 28:9

Anga uambela Solomá, uixi: Eie-phe monʼ ami Solomá, o Nzambi ia tatʼ enu ua mu ijiia, mu bheze ni muẋima uaiuka, ni vondadi iê ioso. Kuma o Jihova mixima ioso uene ku i solokota, o mabanzelu moso ma ixinganeku ua mʼejiia. Eie se u mu sota, uanda ku mu sanga; maji o ki u mu xisa-phe, Muène ue u ku dituna katé ku hadia.

I Malunda 29:19

O Solomá dia monʼ ami, mu bhane muẋima ua tenena, phala aluke o ijila iê, ni maumbangi mê, ni itumu iê; ni kubhanga ioso, ni kutunga o dizemba didi di nga mu lungila o ima ioso íii.

I Malunda 29:9

O mundu anga a sanguluka ni ima ia bhana mu vondadi iâ, mukonda a i bhana ni vondadi ioso kua Jihova, ni muẋima ua tenena. O sobha Davidi ue kia mu bhekela kusanguluka kuavulu.

II Malunda 16:9

Mukonda-phe o Jihova mesu mê ma bhita mu ngongo ioso, phala ku di londekeza o kusuína kuê mu ku kudila ió oso ala ni muẋima ua tenena kua muene; mu kiki-phe eie ua bhange ulaji mukonda tunde lelu ua-ndu kala jinga ni ita iza kokué.

II Malunda 25:2

Anga u bhanga ima ia iuka ku mesu ma Jihova, maji ka i bhange ni muẋima ua muvimba.

Ejidala 10:1

Kioso Ejidala kia mu samba kiki, ni kufisala kuku, ni kudila, ua dizale bhoxi ku pholo ia inzu ia Nzambi, a di bongoluela kua muene, kionge kia dikota kia anʼa Izalaiele kia mala ni ahatu ni tuana tua ndenge mukonda mundu ua kexile mu ku dila ni kibulukutu kia dikota.

Nehemiia 1:4

Anga ki bhita kuma, eme mu kuívua o maka iá, nga xikama hanji anga ngi dila, anga ngi bhita izuua muene ni dilamba; anga ngi kuata kujila ni kusamba bhu pholo ia Nzambi ia diulu.

Nehemiia 13:14

Mukonda dia kiki eie u Nzambi iami, ku ngi jimbe; o mbote jami joso ji nga bhange ku inzo ia Nzambi iami, ni ku kikalakalu kiê, kana ku ji jimuna.

Nehemiia 13:22

Akua Leví ue nga a tangela ngixi mu di zelesa, anga muiza, mu langidile bhu mielu, nda mu kôlese o sabhalu. (Mu kiki ue eie, u Nzambi, iami, ngi te muẋima; anga u ngi loloka kala kiavulu o henda ié.)

Nehemiia 13:31

kiene ue kimoxi ki nga bhange ni akua maujitu ma jihuinhi mu ithangana ia tokala, ni maujitu ma ima ioso ia kutomona. Eie-phe, Nzambi iami, ngi te jinge o muẋima, mbé ku ngi kale ue o mbote iami.

Nehemiia 5:19

Ngi te-phe muẋima, eie u Nzambi iami, tata, u ngi bhange o mbote, ku ima ioso i nga bhange athu iá.

Jisálamu 101:2

Ngi sota kuenda jinga ni kilunji mu njila iaiuka; nga ku indi kiavulu, u ngi sanga kumbi kuẋi bhu ngala? Ngenda jinga monzo iami ni muẋima ua ujitu.

Jisálamu 102:9

Ngadi o uthókua kala mbolo, o ki ngi nua, mu di lunga ni masoxi.

Jisálamu 119:80

Eme-phe muẋima uami u iukile mu mixinda ia jingonge jé, phala ku pholo ki ku ngʼize kukakuka, sonhi ni ji ngi kuata. Kaf

Jisálamu 16:8

Jihova izuua ioso nga mu bhaka bhu pholo iami; o mukonda dia muene ku ngʼimanena bhua zukama, ki bhuala u tena ku ngi lundumuna.

Jisálamu 26:3

Kuma o henda ié nga i bhake muene ku mesu; kidi kié kiene ki ngenda jinga na-kiu izuua ioso.

Jisálamu 32:2

Ua zediua uoso kala dingi ni mulonga kua Ngana, ku muẋima ki ku mu xala makutu.

Jisálamu 6:6

Nga bhuila kiá mukonda dia kukema kuami! Usuku ni usuku hama iami ngi i betesa; ila muene kiololo ni masoxi!

Jisálamu 6:8

Tundenu bhu mbandu iami, enu oso mu ati a ituxi; kuma Jihova ua ngʼivu kiá dízui diami dia kudila.

Izaía 38:2

Ezekiia-phe ulunguluila pholo iê ku mutôto; anga u sambela Jihova,

Izaía 38:4

Bhenhobho kizuelu kia Jihova kiza kua Izaia, uixi:

Hozeia 12:4

Ua di bhange kilolo mu kubhânga ni anju katè kia i tolola; ua didi, iú ua dionda ku mu kuatela henda. O bhu Betele bhene bhua di bongela ni Nzambi, o bhenhobho Nzambi bhene bhua tu zuelesela.

Nzuá 1:47

Jezú kia mono Natanaiele ua-la mù kuiza ko-kué, uixi: Talenu! Muthu ió mukua Izalaiele ua kidi, moxi diê kene ni kádia!

II Kolindo 1:12

Kuma etu o thathe ietu ieniii, o kitongoluelu kietu kia tu bhela umbangi muʼaxaxi kenu, kuma tuende mu ngongʼumu mu kuzela ni kidi kia tu bhana Nzambi. Tuende ue, kana mu jindunge ja xitu maji mu kiadi kia Nzambi.

Matendelelu 6:18

Ioso iafuama, iauabha ku mesu ma Jihova, Nzambi ienu, iene i u bhanga jinga; nda ukadiê kiambote, ubhanduluke kiavulu, u kutuke mu kúvua oxi ia uabha ioio, ia bhingile mu ku i bhana jitata jé, Jihova ualoka.

Jihebeleu 5:7

O muène kia kexile mu ngongo, u samba, u dionda, ni kudila masoxi, kua Nzambi u tena ku mu kudila mu kufua, anga a mu ivua, mukonda dia kudibha-kula kuê, ni kubatama.

Jihebeleu 6:10

Kuma Nzambi ki mukua kaxixi. Muene ka landuka uila sedivisu i mua bhange i mu jimba, mba o henda i mu edikisa o dijina dîê mu kubhindumuna jinga anʼê a ngene, ni kiki hanji enu mu bhindumuna o jikidistá.