Izaía 38:17 - O Mikanda Ikola

¹⁷ Tala-ze, phala kutululuka kuami, nga bhiti-phe ni mavuua a vulu; eie-phe, mu henda ié, ua bhulula o muenhu uami, kua u ehela kulaúka mu kina mua kala o kusekumuka; kuma o ituxi iami iene ioso, eie Ngana, ua i takula ku dima dié.

Izaía 38:17 ပူးပေါင်းရင်းမြစ်များ

Jobe 29:18

Eme nga kexi mu tanga, ngixi: Hádia ngi fuila bhu kikalanga kiami bhene, anga izuua iami ngi i sokolola kala kisékele.

Jobe 33:24

kuabhu-phe, Nzambi ua kà mu kuatela henda, hé ua kʼàmbela anju, uexi: Mu bhulule, phala ka kutuke mu kina; nga sange kiá u mu kùla.

Jisálamu 10:2

Isuéia, mukonda dia izala, ala kukaia ngadiama ni ku mu seia; tamano a fue ene mu míkala ia tela akuʼâ.

Jisálamu 103:12

Tunde kuthundʼèlele katé ku mazanga, mukuâ ni dikanga dia texe o ikuma ietu.

Jisálamu 103:3

Muene u ku loloka ituxi ié ioso; hé u saka mahaxi mé moso;

Jisálamu 103:4

u kula muenhu ué mu diela; hé u ku zuika kiadi ni henda kala kitundu.

Jisálamu 30:3

Ua ngi vutula, Ngana, mu kina mu ngambele kuia; eie ua ngi bhake hanji ku muenhu, kuma kuia mu bombo dia kalunga kua ngi kambele ngó!

Jisálamu 40:2

Ua ngi zaula ue mu dikungu dia kubhondalala, ua ngi tombola mu diloua diòmbama; ua ngi tula inama bhu ditadi, phala makànda mami ma diate kiá bhua kolo.

Jisálamu 55:23

Enhó-phe, Nzambi, a lundumune, a lauke mu bombo dia kalunga; ijibhanganga, akua makutu, ka kà zubhe dingi izuua iâ, né mu kaẋi ka kà bhiẋile-mu; eme bhabha-phe ngi dielela jinga ko kué.

Jisálamu 85:2

Mundu ué, ua a loloka o kuêla kuâ, o ituxi iâ ioso ua i vungina. (Selah.)

Jisálamu 86:13

Kuma henda ié i ua ngi kuatela iavulu; mbata ua ngi kudila o muenhu uami mu bòmbo dia kalunga.

Izaía 38:15

Ngi zuela dingi kiebhi? Kiene kia ngi polometela, kiene kia ngi bhange; O kiki-phe ngi bhita mivu iami ioso ni kubatama kua muẋima, mbé o kiminhu kia di minha o muenhu uami.

Izaía 43:25

Eme, eme-muène ngi jimuna o itondalu ié mu henda iami; o ituxi ié ki ngi i banze dingi.

Jelemiia 31:34

Ki kua kà kala dingi muthu u longa mukuá, mba muthu uambela phangiʼé, kuila: Ijiia Jihova; mukonda ene oso a-nda kua kà ngʼijiia, tundé ku monʼa-ndenge mudiʼâ katé ku muadiakimi, Jihova ua ki tange. Mukonda nga-nda kuloloka o ikuma iâ, o ituxi iâ ki nga kà i xinganeka dingi.

Jona 2:6

Eme nga kulumuka katé koxi, kuene mu kusabhuka o milundu; nga kuzuka mu bòmbo diaʼxi o jitalanga jaʼxi ja ngi jikila-ku ni kuene puetu, katé kiá ku hádia ni hádia! Maji eie ua ngi vutuila, muenhu uami ku u ehela kuxalela mu kina, Ngana Nzambi iami tata!

Jona 2:7

Kioso muenhu uami moxi ki ua botomoka, eme nga lembalala dingi Jihova; o musambu ua kudikola kuami ua bhiẋila kó kué mu Tembulu ié ikôla.