Izaía 38:1 - O Mikanda Ikola

¹ Mu izuua muenhomo, Ezekiia ukata uhaxi ua kúfua; Izaia, monʼa Amoji, o musesedi, anga uiza kua muene, iu ua mu ambela, uixi: Jihova ua-mbe kiki: Lekelela kiá dibhata dié, mbata mu kúfua mu uala, kua-nda kukola dingi muenhu.

Izaía 38:1 ပူးပေါင်းရင်းမြစ်များ

II Samuuele 12:22

Muene-phe uixi: Mona kia kexile ku muenhu, ngi fula kúdia, ngi dila, kuma ngambe, ngixi: Nanhi ua kʼijiia mba Jihova u ngi kuatela henda, phala mona a bhuluke?

II Samuuele 17:23

Ahitofele-phe kia zubha kumona kuma o phangu iê ka i kaiela, u zuika o bûlu iê dikombola, uia ku bhata diê ku mbonge iê kua tungu, u ta imbamba iê ioso mu ididi ia tokala, anga u di nhenga; hé u fua anga a mu fûnda mu mbila ia tatʼâ.

II Malunda 32:24

Mu izuua mueneʼomo anga Ezekiia u katela kufua; anga u samba kua Jihova, muene anga u mu zuelesa, anga u mu bhana kijimbuete.

Ndongixi 9:10

Kioso kia kuiza bhu maku phala ku ki bhanga, bhanga-kiu muene katé bhuoso bhua suku o nguzu ié, mukonda o mu mbila mu ua-nda kuia, kana-mu dingi kikalakalu, mba ufunu, mba uhete, mba kuijiia kuoso-kuoso.

Izaía 1:1

Kisuma kia muene Izaia, monʼa Amoji, kia tokala Juda ni Jeluzaleme, mu izuua ia Uziia, ni Jotamu, ni Akaze, ni Ezekiia, jisobha ja Juda.

Izaía 37:2

U katula Eliiakime dia kimbadi kiê, ni Sebena, musoneki, ni ikulakaji ku jinganga, a di vungu idinhaji, u a tuma kua Izaia, monʼa Amoze, o musesedi.

Izaía 37:21

Bhenhobho Izaia, monʼa Amoji, ua tumu kuambela Ezekiia, kuila; Jihova Nzambi ia Izalaiele, uambe kiki: O ki ua ngi bhingi bhu kaẋi ni Senakedibe, sobha ia Asídia,

Jona 3:10

Kienhókio Ngana Nzambi anga u mona ikalakalu iâ, ni kioso kia diela ku jinjila jâ ja ku bhengalala. Ngana Nzambi anga u lunguluka, u bhomba muẋima uê, o kiaiibha kia tangele ku a bhanga ka a bhange-kiu dingi.

Jona 3:4

Jona anga u mateka kubokona mu mbanza, uende hanji ngó dikanga dia kizuua kimoxi, hé u boka, uixi: Kua kambe ngó makuinhi a uana a kizuua, Ninive a-nda ku mu sengulula, u jima mbutu.

Jipoxolo 9:37

Anga ki bhita mu izuuʼ omo, kuma Kasexi u kata, hé ufua. O kia zubha ku mu sukula, a mu tula mʼ onzo ia thandu.