Izaía 37:7 - O Mikanda Ikola

⁷ Talesa, nganda ku bokuesa nzumbi momuê-muène, muene ua kʼevua kinuminu anga u alukila kʼoxi iê; eme-phe nga-nda ku mu jibhixila mʼoxi iê-muene ku xibhata.

Izaía 37:7 ပူးပေါင်းရင်းမြစ်များ

II Jisobha 7:6

Mukonda mu kilômbo kia akua Sídia Jihova ua bhangesa-mu kuívua mixindu ia makalu ni mixindu ia jikabalu, mukuâ ni mixindu ia kifuẋi kionéne kia masoladi; ki kia a bhekesa o ku diambela mudiâ, exi: Tala, o sobha ia Izalaiele, mu kuzoka nʼetu, ua tuʼixanena o jisobha ja Mahiti ni jisobha ja Ijitu phala kuiza mu ku tu lua.

II Malunda 32:21

Kieneʼokio o Jihova ua tumikisa anju imoxi i ia jikinisa o mala oso a mazonda, ni makota ma jingana, ni atumini mu kilômbo kia sobha ia Asídia; sobha anga u vutuka ni pholo ia zenzama ni jisonhi kʼoxi iê; maji-phe, mu kutula kueneʼoko, o kia bokona mʼonzo ia dihamba diê, ene muene a tundu mu divumu diê, a mu jibhila mueneʼomo ni xibhata.

Jobe 15:21

Mitendu i kuatesa uoma iala mu mátui mê; katé ni mu izuua ia mbote ku muʼ ʼiza kingumba ki mu tukumuisa.

Jobe 4:9

Ku muha ua dikanu dia Nzambi a jikinina; a buika ni mulenge ua njinda iê.

Jisálamu 58:9

A kituke kala minha ia te bhu jiku, jímbia kiluua ngó jivua o munza, muene ua i muanga-muanga kiá ni kitaphephe, ni iauisu ni iauama.

Izaía 37:29

Mukonda-phe dia njinda i ua ngi kuatela eme, mukonda ue o izala ié ia ngi bhixila ku mátui, tala-phe, nga-nda ku ku ta nzolo mu mazulu, anga ngi ku ta o freio iami mu kanu, hé ngi ku vutukisa mu njila mu uejiia.

Izaía 37:9

O kievu kuma Tilaka, sobha ia Itiiópia, uala kuiza ku mu lua muene, uedi ngó u kʼivua, ua katula dingi jiphunga u ji tuma kua Ezekiia, uixi: