Izaía 37:4 - O Mikanda Ikola

⁴ Manhi, o Jihova Nzambi ié, maka ma Labesaki ua mʼèvué, muthu a mu tumikisa kuala ngana iê, sobha ia Asídia, phala ku xinga Nzambi ia muenhu, ni ku mu lebhula ni maka ma dʼivila Jihova Nzambi ié. Sambela-phe tumasubhu tua xala-bhu.

Izaía 37:4 ပူးပေါင်းရင်းမြစ်များ

II Samuuele 16:12

Imoxi Jihova u suua o kutata kuami ni kulebhuka kuami, hé u ngi bhanga mbote mukonda dia jindaka jê ja ngi xingi kizuua kia lelu.

II Jisobha 17:18

Kiene kia bhekesa Jihova ku thathamena kiavulu Izalaiele, iú ua a sondolola ene oso ku mesu mê; ka xisamu dingi kima, kikale ngó o muiji ua Juda, kuabhu!

II Jisobha 19:4

Mukonda nga fika muene kuma o Ngana ia Nzambi ié uevu maka oso a tange Labesaki, o muthu ió a mu tumikisa kuala ngana iê, o sobha ia Asídia, phala kulebhula Nzambi ia Muenhu ni ku mu kuatesa sonhi ni maka ió a dʼivila muene Jihova dia Nzambi ié; kiki-phe eie sambela kiá ngoho iá oso a subhuka-ku hanji.

II Malunda 28:19

Mbata Juda a mu tununa, a mu katula o ujitu kuala Jihova, mukonda dia Akaji, sobha ia Izalaiele; kuma muene ua jimbidisa Juda, o Juda ue iu ua di bhakulʼé kiá muene mu kubhanga kia ibha ni kutondalela Jihova.

II Malunda 34:21

Ndenu mua kà ngʼibhuile kua Jihova, kua iá a subhuka mua Izalaiele ni mua Juda, ku thandu dia maka a divulu didi dia bongo; mukonda o njinda ia Jihova ia vulu ia lundulukila ku thandu dietu; mukonda o jitata jetu ka bhake o kizuelu kia Jihova, phala kubhanga ioso kala kia i soneka mu divulu didi.

Jisálamu 106:23

Kia mu bhangesa kuila, uixi: Ngʼa buikisa; ua a bhana o muenhu Mozé, muthu uangene, uemana bhu kaẋi ni ku a diondela, katé o njinda iê ua i lungulula iela muengi, iu ua fudisa o ku a buikisa.

Jisálamu 50:21

Iene ima i ua bhange iii; mukonda-phe dia kudixibha kuami, ua ngi fika ngi mukuenu, nga soko ni ki ualʼeie; maji-eme-phe ngi ku bazela, o ikuma ié ngi i ta muene ku munôno ku mesu mé.

Izaía 1:8

Monʼa kilumba mu Ziione, ua xalela mukuâ ni fundu mu mábhia a mivide, kala muionga mu mulenga ua manhungu, uedi kala ki kala o mbanza iòkondoloke ku jinguma.

Izaía 1:9

Se o Jihova dia Ilombo Ieta ua kambele ku tu xila tumbalu-mbalu, eji ku tu buikisa kala Sodoma, tueji ku di fuangana ni Ngomola.

Izaía 10:20

Hé kia kà bhita bhu kumbiʼodio kuila, oso a subhuka mu Izalaiele, ni ió oso a bhulaka mu dibhata dia Jakobo, ka kà dielela dingi enhó a a tolola, kana; inda o kudielela kuâ kuà kala ngó mua Jihova, Dilemba dia Izalaiele mu kidi.

Izaía 10:22

Mbata, eie Izalaiele, o mundu ué né-mbe u vula kala kisekele kia kalunga, tumbalumbalu ngó tua kà biluka mu kudiela, kuma kibuika a ki xindi kiá, kiezala, kia ẋamuka ni kubatula mu kidi.

Izaía 11:11

Mbata kia kà bhita kuila, Jihova mu kizuua kieneʼokio ua kà vutukila kuta lukuaku luê mu kuondolola dingi o masubhu a mundu uê, a subhuka ku Asídia, ni ku Ijitu, ni ku Pátulu, ni Itiiópia, ni ku Elame, ni ku Xiniiale, ni ku Hamate, ni ku ikolo ia kalunga.

Izaía 36:13

Labesaki bhenhobho uimana, anga u dikola ni dízui dia suina mu mbimbi ia Juda, uixi: Ivenu maka ma muenexi ua dikota, sobha ia Asídia.

Izaía 36:18

Ezekiia ka mi tobhese, ni kuila: Jihova ua-nda ku tu bhulula. Manhi o jinzambi ja ifuẋi ja bhuluile kiá oxi imoxi ku maku ma sobha ia Asídia?

Izaía 36:20

Mu jinzambi joso ja jixi jiji, jinzambi kuii ja kudila kiá oxi iâ bhu lukuaku luami, phala kuila o Jihova ue ukudila Jeluzaleme bhu maku mami?

Izaía 37:17

Jihova, tata, bhana dítui dié kunu, uive; tona mesu, Ngana, utale; ivua jindumu joso ja Senakedibe, ni mondo ua ku te eie, u Nzambi ia muenhu.

Izaía 37:31

Mbata kioso kia bhulaka mu dibhata dia Juda, kí kia subhuka-mu, kianda kuta dingi jindanji bhoxi, anga ki bhana o ibundu bhulu.

Izaía 37:32

Kuma ku Jeluzaleme kua-nda kutunda masubhu, o ku mulundu ua Ziione kutunda oso a bhulaka; o muanu ua Jihova dia Ilômbo Ieta uene ua-nda kubhanga kienhiki.

Izaía 37:5

Jiselevende ja Ezekiia anga eza kua Izaia.

Izaía 41:14

Ku kale-phe ni uoma, eie u kabamba ka Jakobo, eie u kakifuẋi ka Izalaiele; eme Jihova, ngi ku banda, kuma Mukudi ué, muene Suke-ku, Dilemba dia Izalaiele.

Izaía 46:3

Ngʼivue kunu, diembu dia Jakobo, tata, nʼenu mu masubhu ma diembu dia Izalaiele; enu mu athu nga mi ambatela bhu maku tundé mu mala; eme nga mi lela tundé mu divumu.

Jelemiia 26:19

Mbebhu, Ezekiia, sobha ia Juda, ni akua Juda oso, a mu jibha? Manhi ene uoma ki ua a kuatele ua Jihova, anga a dionda jihenda ja Jihova? Jihova anga u diela ku phulu ioso ia tange ku a bhanga ene? Etu manhi tu di bhekela ku ibha kua vulu kiosuʼiki ku mienhu ietu?

Jelemiia 42:2

Anga ambela polofeta Jelemiia, exi: Kudionda kuetu ku sonokene kindala bhu pholo ié, u tu diondele kua Jihova, Nzambi ié, ku ene osuʼá subhuka, mbata ku nzungule i tua kexile, tua subhuka tua tolo kiá, kala ki ua mu di muena éʼmuène ni mesu mé.

Daniiele 2:18

phala a dionde o henda ia Nzambi ia diulu, bhu kaxi ni kijinganu kiki, phala o Daniiele ni akua dianda diê ka fuile kumoxi ni jinjimu joso jene mu Babilónia.

Jouele 2:17

Dilenu, enu mu jinganga, mu akunji a Jihova, didilenu bhu kaxi ka kitelembe ni kalatódio, muile: Kondeka athuʼé; eie u Jihova undundu ué kana ku u bhakula mu lusebu, mbebhu miji ki i tu te môndo; kuma mu kaxi ka ifuẋi a kiʼambela-hi kuila: Nzambi iâ iú kuebhi?

Amoji 5:15

Kubhanga kia ibha ku mi ibhile, mu uabhele-ku kubhanga mbote; o kufundisa kia iuka ku mi kale muene bhu dibhitu. Sumba Jihova Nzambi ia Ilômbo Ieta u kuatela henda ku tumbalumbalu tua subhuka mua Zuze!

Amoji 7:2

O ki nga mono kuila o iangu ioso a zubha muene ku i dia ku mavu, eme-phe ngambe kiki, ngixi: Jihova, Nzambi, tata, loloka! Kuma o Jakobo ua-nda kubalumuka kiebhi, o muene ua tolo nguzu!

Loma 9:27

Ni Izaia ue ua zuela ku mbandu ia Izalaiele, uixi: Né-mbe o mundu ua anʼ a Izalaiele u vula kala kisekele bhu mbanduʼ a kalunga, tumbalu-mbalu tuâ, tuene ngó tua kà bhuluka.

Tiiaku 5:16

Kala kiki, fisalenu mudienu ituxi ienu, mu di diondele mu kusamba, phala a mʼilule. O kusamba kua muthu uaiuka, ku lenda kiavulu mu kukalakala.

Josuué 14:12

Kiki-phe, ngi bhane o mulundu iú, uene ua tange Ngana kizuua kienhókio; eie uèvua kizuua kienhókio kia ki tànga, exi: Kuala iiala ia nguzu, anʼa Anake, o jimbonge jâ ja makota, ja bhiti imbaka; imoxi, kuma Jihova ngala-nê bhu mbandu iami, ngi tena ku a kaia, kala kia tànga Jihova.

I Samuuele 12:19

Mundu uoso anga ambela Samuuele, exi: Tu sambele, tu abhikʼé, kua Jihova, Nzambi ié, phala tu kambe kúfua; mukonda ku ituxi ietu ioso tua bandekeza-ku dingi kiki, kia kubhinga sobha.

I Samuuele 12:23

Eme bhabha ue, ki ngi tena kukala ngi muthu uengi, ni ngi te kituxi kua Jihova mu kuzumbuka ku mi sambela. Eme ngenda jinga muene ni ku mi longa mu njila iauabha, ia kuiuka.

I Samuuele 14:6

Jonata anga u ambela kibese kiê kia mu mu ambatela o ibhakatu ia ita, uixi: Ndoko, tuie ku sámbua bhu poxto ia akua mabôlo enhá, amoxi Jihova u kalakala mu ku tu kudila; kuma Jihova ki bhuala ki mu fudisa kubhulula mundu uê ni athu avulu mba kubhulula mundu uê ni athu atolo.

I Samuuele 17:26

Davidi anga u zuela ni mala a mu imanena, uixi: A mu bhanga kiebhi, uoso u jibha mukua Fidíxia iú, anga u katula o dilebhu dioso dia te muene kua Izalaiele? Kiiala kienhiki kia mukuadibôlo ku Fidíxia, mukua-hi muene, phala a tene kulebhula kiki o kilômbo kia Nzambi ia muenhu?

I Samuuele 17:36

Eme ngi mubhikʼé, kienhiki ki nga jibha o hoji ni úlusu; kiiala kiki-phe kia mukua-dibôlo ku Fidíxia, kiene ue ki ngi mu bhanga; mukonda muene ua lebhula kilômbo kia Nzambi ia muenhu,

I Samuuele 7:8

Anʼa Izalaiele anga ambela Samuuele, exi: Kana kuzumbuka ku tu kolela kua Jihova Nzambi ietu, phala a tu bhulule bhu maku ma akua Fidíxia.