Izaía 37:16 - O Mikanda Ikola

¹⁶ Jihova dia Ilômbo Ieta, u Nzambi ia Izalaiele, ua tunga muʼaxaxi ka jixelubí, eie-muène ngó u Nzambi, Eiemuène ngó ubheka ué, uavu mautuminu moso mu ngongo; eie ua bhanga o diulu nʼoxi.

Izaía 37:16 ပူးပေါင်းရင်းမြစ်များ

Jisálamu 99:1

Jihova ua hingi ungana uê; akua jixi a tekete; Muene ua xikama bhu kaẋi ka jixelubini; ixi i tungute.

Makatukilu 25:22

Bhenhobho bhene bhu tu takanena jinga, ki ngiza kokué; bhu thandu dia kibhuna kia kiadi, bhene bhu nga kà zenzamena mu ku ku zuelesela mu kaẋi ka jixelube jala ku thandu dia álaka ia umbangi, o ima ioso i ngi ku tuma kuambela anʼa Izalaiele.

Jisálamu 86:10

Mukonda eie, Ngana, u kôla! U mukua kubhanga madiuanu! eie ngó ubheka ué u Nzambi!

Jisálamu 80:1

Tu ivue, eie u Mubidi ua Izalaiele, eie u mukua kuendesa Zuze kala kilunga kia ibhaku; eie ua xikama ku thandu dia jixelubini, muika!

I Samuuele 4:4

Kienhiki mundu a tuma athu ku Silo, anga a takana kuenhoko o álaka ia kikutu kia Jihova dia ifuẋi, uene kuxikama muʼaxaxi ka jixelube; anʼ aiadiphe a Eli, Hofini ni Finehase, anga ejiia kumoxi ni álaka ia kikutu kia Nzambi

Jihebeleu 4:16

Uila kiki, tu bhiẋidienu bhu kiandu kia kiadi sé hele, phala Nzambi a tu kuatele henda. Bhenhobho tua kà tambula o kiadi ki tena ku tu bhandulula mu kumbi dia kubhondalala.

Kolose 1:16

Mukonda ima ioso Nzambi ua i bhangela mua muène, ni ku diulu, ni mu ngongo, ni iii ia moneka ku mesu, ni ioio ki iene kumoneka ku mesu, kixi o jinguzu joso ja nzumbi, kixi makusuina, kixi maungana, kixi atumini. Ima ioso Nzambi ua i bhangela mua muène, kuma ioso ia mu tokala muène.

Nzuá 1:3

Ima ioso iòbhange, Nzambi ua i bhangela mua muène; kana kima kia bhange Nzambi sé muène.

Izaía 44:24

Jihova dia Mukudi ué, ua ku bhange ki uala mu divumu, uambe kiki: Eme Jihova ngene kubhanga ioso, diulu eme-muène nga di olekele ubheka uami, oxi nga i zale se muthu ku ngi kuatekesa;

Izaía 54:5

Mbata Mubhangi ué muene munumiʼé, dijina diê Jihova dia Ilombo Ieta; o Dilemba Ukôla dia Izalaiele, muene Mukudi ué; muene a kà mu ixana exi, Nzambi, Langela-Ngongo.

Izaía 45:22

Talenu kokuami, nda mu bhuluke, enu mu masukilu oso kua sukaʼxi; mbata eme-muène ngi Nzambi, ki kuene nzambi iengi.

Izaía 44:6

Jihova, sobha ia Izalaiele, Mukudi ué, Jihova dia Ifuẋi, uambe kiki: eme-muène nga dianga, eme-muène nga sukidila; bhu nga kambe eme ki bhu kala Nzambi.

Izaía 40:28

Manhi kua kʼijiia, kua kʼivua kuila o Nzambi ió uà kaiela-ku, muene Jihova, o Mubhangi a ixi ioso Katé ni jihota jê, kene kuzônda, kene kubhuila? O kilunji kiê ki bhuene muthu utena kuzubha ku ki ijiia?

Izaía 37:20

Ki tualʼiki-phe, eie u Jihova, Nzambi ietu, tata, tu kudile ni lukuaku luê; phala mautuminu moso mu ngongo a kʼijiie kuma eiemuene ngó u Ngana.

Izaía 8:13

Kôlesenu Jihova dia Ilombo Ieta; muene mu mu kuatela uoma, mu bhuuame mukonda dia muene.

Izaía 6:3

Anga jikuata ku di tambuijila, kuila: Ukôla, Ukôla, Jihova dia Ilômbo Ieta! Oxi ioso iezala ni fuma ié!

Jisálamu 146:6

Ua bhanga o diulu ni ixi, ni menha a kalunga, ni ima ioso iala-mu; mukua kukumbidila o kidi katé ku hádia ni hádia, sé kufula.

Jisálamu 46:11

Jihova dia ifuẋi tuala-nê kumoxi; o Nzambi ia Jakobo kimbaka kietu. (Selah.)

Jisálamu 46:7

Jihova dia ifuẋi tuala-nê kumoxi; o Nzambi ia Jakobo kimbaka kietu. (Selah.)

II Jisobha 5:15

Bheneʼobho u vutuka kua muthu ua Nzambi, ni muene ni oso a kexile mu kuenda-nâ, hé uiza, uimana bhu pholo iê, uixi: Tala, nga kʼijiia kiá kuila mungongo ioso kana-mu Nzambi, kikale ngó mua Izalaiele, kuabhu! O kindala-phe, nga ku diondo, tambula ujitu kua mubhikʼé.

I Jisobha 18:32

Anga mu dijina dia Ngana, u tunga o kalatódio ni matadi enhó, hé uiza, u kanda mulombo mu jimbandu ja kalatódio, kukula kuê mu soka izongelu iiadi ia mbutu.

II Samuuele 7:26

Dijina dié di fumane jinge sé dizubhilu, phala aie ni ku ki tanga kuma: Jihova dia Ifuẋi, muene Nzambi ia tambula konda ia Izalaiele; o dibhata dia mubhikʼé Davidi dià tungiua bhu pholo ié.

Matendelelu 10:17

Kuma o Jihova Nzambi ienu, muene o Nzambi ia jinzambi, muene Ngana ia jingana, muene Nzambi ngó Suke-ku, o uzonda uê uvula, ukuata uoma, ka moneka kathômbo kʼathu, ka xikina ku mu futila.

Dimatekenu 1:1

Mu dimatekenu Nzambi ua bhanga diulu ni ixi.

Ejidala 1:3

Uoso kiá momuenu, ua zuama kua muene mu mundu uê uoso, iú uala ni Nzambi iê a bande ku Jeluzaleme, mbonge iala mua Juda, a tunge inzu ia Jihova, Nzambi ia Izalaiele, kuma muene, Nzambi, ua tunga mu Jeluzaleme.

Izaía 37:15

Anga Ezekiia u sambela Jihova, uixi:

Izaía 40:22

Muene muène ua xikama kulu dia dikende dioso diaʼxi, o athu a tunga-mu ia edi kala mahoho ku mesu mê; muene muène uoleka maúlu kala thanga ia lona, iu ua ma futununa kala balaka, phala kutunga-mu.

Izaía 42:5

O Nzambi, Jihova uà bhanga maúlu, iu ua ma zala, ua futununa oxi ni ima ioso iene-mu; mukua ku bhana o kubhuima ku mundu uoso uala-mu, ua bhana o nzumbi kua ió a-lu nhungina-mu, uixi:

Izaía 45:12

Eme nga bhange oxi, eme nga iudikila-mu o muthu; eme nga mu bhange, o maku mami mene mʼoleka o maúlu, o ilombo iâ ioso nga i xindila jingonge.

I Jisobha 8:6

Kienhiki kia bheka jinganga o álaka ia kikutu kia Ngana bhu kididi kiê, mu dibhezelu dia inzo ia ngana, mu kididi kikôla kinéne, bhoxi dia mabhabha ma jikelubini.