Izaía 34:4 - O Mikanda Ikola

⁴ O ilômbo ioso iene bhulu ia kà buika, o maulu má kà di-futa-futa kala ndunda ia divulu; kilômbo kiê kioso anga ki laùka kala ki laúka dife ku muvide, mukua ni ki sonoka o kibundu ku mufiku.

Izaía 34:4 ပူးပေါင်းရင်းမြစ်များ

Izaía 13:10

Mbata o jithéthembua ja diulu ni ibalaʼkumbi iê, ia kà lémbua kumuika ni mukengeji uâ; dikumbi dila di mateka kutunda, dia vunduʼé kiá, o mbeji ue ki ia kà bhana dingi mueji.

Izaía 13:13

Kienhiki, maúlu nga kà a tungutisa; o ixi ia kà sondoloka bhu kididi kiê, mukonda dia njinda ia Jihova dia Ilombo Ieta, ni mukonda dia kizuua kia njinda iê ia muzukuta.

Izaía 14:12

Ná théthembua ia kimene, tata, mona-kilumba ua tomboka muʼamene-mene, ua laúka kiebhi ku diulu? Eie ua kexe ku bulukutisa akua jixi, mbé lelu a ku lundumuina bhoxi?!

Izaía 51:6

Bhetulenu mesu menu ku maúlu, zongolenu mu ngongo bhoxi: kuma maúlu ma-nda kujimuka-ku kala dixi, oxi ue ia-nda kukuka mukuâ ni kizuatu; oso a tunga-mu a-nda ku di-fuila kiòmuene kala ki fua o jihamue; maji o ubhulukilu uami ua kà xalèla-ku, o uiukilu uami ki u xikina ku u buisa-ku.

Jouele 2:10

Mu ku a mona ixi ia kà teketa, maúlu a kà di tungutisa, a kà zamba; ni dikumbi ni mbeji a kà di teka hé a kà xiketela, jithéthembua kubenha kuâ a kà ku katula-ku.

Jouele 3:15

Ni dikumbi ni mbeji a kà xiketela, jithéthembua ja kà lémbua o kubenha.

Matesu 24:29

Jezú uixi dingi: Kutunda ku phaxi ia izuuʼ oio, dikumbi di vunda, o mbeji i kamba kumuika, o jithethembua ji laúka ku diulu, jinguzu ja maúlu ji tunguta.

Matesu 24:35

Oxi ia kà jimuka, ni diulu, o Maka mami-phe, ki mà jimuka.

Jihebeleu 12:27

O kizuelu kiêʼiki kuila ngi ki tona dingi lumoxi kiedikiza kiambote kuila o ima iobhange a kà i tungutisa, hé ia kà bhua-ku, phala o ima i kamba kutunguta i xalele-ku kala ki iala.

Dijingunuinu 20:11

Kia bhiti imʼíii, nga mono kiandu kia dikota kizela, ni muène ua xikama-bhu. O mu kulenga pholo iê, oxi ni diulu ia jimuka, ki ia moneka dingi ku mesu.

Dijingunuinu 6:12

Kienhókio nga mono dingi Kambudi kia jikula o kidimbu kia kasamanu. Kua bhiti kinuminu kia dikota kia mavu ni kutunguta kua ʼxi. O dikumbi anga di kituluka muene buí, mukuâ ni thanga ia ndômbe, o mbeji ioso ia kusuluka mukuâ ni manhinga.

Dijingunuinu 8:12

Anju ia kauana anga u xika koloneta iê. O dikumbi anga a di sosolola mbandu ia katatu, ni mbeji ni jithéthembua ue kiomuène, a ji jima mbandu ia katatu, o kubenha kuâ anga kuxoxouela mbandu ia katatu. O kizuua hé ki lémbua kúkia mbandu iê ia katatu, o usuku ue kiomuène.