Izaía 34:2 - O Mikanda Ikola

² Kuma njinda ia Jihova ia zenzama ku thandu a ifuẋi ioso-lolo, o ngânji iê iazenzamena ilombo iâ ioso muene; mbata muene-phe ua a buikisa muene, iú ua a bhakula ku kijibha.

Izaía 34:2 ပူးပေါင်းရင်းမြစ်များ

Jisálamu 2:5

Kindala u a temena ni njinda, hé u a bhuuika mu kuluuala kuê.

Makatukilu 8:14

Anga a a bhongolola jimvumbu-jimvumbu; ixi ioso anga i nuha kibuzu.

Izaía 10:5

Asídia, lamba diê! Ua di bhanga mbasá ia njinda iami: Kuma o njinda iami mukua ni mbangala bhu maku mê.

Izaía 13:5

Iú uiza kiá ku ixi ia dikanga ni kuxindumuka tunde kua suku o diulu, muene Jihova ni falamenda ia njinda iê uiza na-iu, phala kusengulula oxi ioso ieneʼoio.

Izaía 13:6

Endenu kiá ni kukumba, mbata kizuua kia Jihova kia zukama; ki kiza kua Muteni-a-ioso kala kibuika.

Izaía 26:20

Uila kiki, enu mu mundu uami, ndenu, mu bokone mu jinzu jenu, mu di jikile momo, mu suame ngó kathangana, katé ki somboka o njinda.

Izaía 30:25

O ku milundu ioso ia di-leka ni ku tu-thuthulûndu tuoso tua zanguka, kua kà fuáfua jihonga ni jihungulule ja menha, bhu kizuua kia kihaxi kionéne, kioso kia-nda kulundumuka jimbonge ja matala.

Izaía 61:2

Ni kukola o muvu ua Ngana ua kubhanduluka, ni kizuua kia phonza i tunda kua Nzambi ietu, ni kukonda o malamba kua enhoso a tate;

Izaía 63:6

Eme-phe nga titidila o ifuẋi ni njinda, eme ngʼa a kodiuisa ni kutema kuami; o kusuina kuâ nga ku lundumuina bhoxi.

Izaía 65:12

eme ue nga-nda ku mi xinda kúfua ku xibhata, anga enuoso mua kà bhetamena bhu kijibha; mbata ngʼexana, enu nguenu kuitaia; nga zuela, enu nguenu kuívua; o kialabhu, mua bhange kiaiibha ku mesu mami, enu mua solo-bhu kioso ki nga di zemba na-kiu eme.

Izaía 66:14

Kiki mua-nda kubuingita kala mafe a kindemvuna; bhenhobho lukuaku lua Jihova luà fumanena ku jiselevende jê, muene ua kà thathamena o jinguma jê.

Izaía 66:16

Kuma Jihova ua-nda kuila o kuku u kuata túbhia, o kuku xibhata, anga ua kà funda ni mundu uoso; o imbi-phe ia-nda kúfua bhenhobho kua Jihova ia kà vula.

Jelemiia 25:31

Kinuminu kia kà bhixila katé kua sukuʼoxi, mukonda Jihova ua kuata mvunda ni akua jixi, xitu ioso ua kà funda na-iu; athu a ibha ua kà a bhakula ku xibhata, kiene kiambe Jihova.

Jelemiia 25:32

Jihova dia Ilombo Ieta iú uambe kiki: Tala, kuxixima kua-nda kutunda mu ixi ni ku bokona mu ixi ia mukuá, anga ku a kà fundumuka dilamba dia dikota ku maẋokololo ma jixi.

Jelemiia 25:33

Oso a kà a bhakula ku kalunga kuala Jihova kizuuʼokio, a kà dizala muene tundé kuʼandekela ixi katé ku ia suku; ka-nda ku a tela nzôngo ia kudila, mba ku a bhongolola, mba ku a funda; maji a kà di bhanga kala ditobe ku thanduʼa mavu mu ngongo.

Izekiiele 36:5

kala kiki, o Jihova Nzambi uambe kiki, uixi: Ni kidi kiene, mu túbhia tua muanu uami, muene mu nga zuelela mu kuzoka ni masubhu a akua jixi ni Idomo ioso kiá, ala kubhûnda o ixi iami, ni kusanguluka kua muẋima uâ uoso, ni kukamba kusuua o muenhu, mbé ku u takuila ku uiii.

Sofoniia 3:8

Maji o kiki-phe, mu kizuua ki nganda kubalumuka phala kunhangumuna o mbole ia madibhundila, enu-phe ngi kingienu eme, Eme ngi Jihova, mukonda eme nga te kiá nguidi ia kuongeka o miji ioso ni kubhongolola mautuminu moso anga ngi a lunduluila mázui ni kutema kua njinda iami ku thandu diâ; mbata ixi ioso ia kà uama ku túbhia tua muanu uami u ngene na-u.

Zakadiia 14:3

Jihova phe ua kà tunda mu kuzoka ni miji ienhiʼii, muene ua kà lua kala kiene kuzoka mu kumbi dia ita.

Loma 1:18

Kuma tua mono kuila o njinda ia Nzambi ia tukuluka, i tunda mu diulu, hé i tula ku thandu dia ituxi ioso ni kubhukumuka kua athu a bhingi kuila mukonda dia ima iâ iaiibha ia bhanga, a fudisa athu kuijiia o kidi.

Josuué 11:20

Mukonda kia tundile kua Jihova kuene, o ku a kolesa muẋima, mbé a solomoke mu kauidila Izalaiele ni mvunda; ia a di bhange-kiu, oso muene buí, sé ngó dingi ku a kuatela henda; mbé o ku a jima mbutu ene oso, kala kia ki tendelela Jihova kua Mozé.

Dijingunuinu 20:15

Uoso a mu mono, ua kambe ku mu soneka mu divulu dia muenhu, a mu takula ue mu kizanga kia túbhia.

Dijingunuinu 20:9

Ene anga a di zala mu ngongo, oxi ioso iezala katé ku mbambe, anga a kondoloka o kilômbo kia akua-Ngana ni mbanza ia zolo muène, hé a i ta bhu kaxi. Maji mu diulu mua tuluka túbhia, anga tu a buikisa.